صفحة 1 من 2 12 الأخيرةالأخيرة
النتائج 1 إلى 10 من 20

الموضوع: هل تعتقد أن صيدلة هى صيدلة !!!!

  1. #1
    Pharma Student
    تاريخ التسجيل
    Sep 2007
    المشاركات
    351

    افتراضي هل تعتقد أن صيدلة هى صيدلة !!!!

    يبدو هذا العنوان عجيب
    ولكن بالله عليك هل تعتقد أن كلية صيدلة كما كنت تظن
    كنت أظنها كلية عملية
    وأنه إنتهى عصر الحفظ والصم لندخل إلى العصر الفهم
    ولكن ما فى المحاضرات يعكس ذلك تمام
    وأقول أنه لم ينتهى بعد عصر الحفظ

    وحتى فى الصيدلة لابد من الحفظ ومش مهم الفهم

    ياريت نشوف أرائكم فى الموضوع ده

  2. #2
    Pharma Student
    تاريخ التسجيل
    Aug 2007
    المشاركات
    17

    افتراضي

    بص يا دكتور مش كل المواد طبعا عايزة حفظ
    حاول تفهم الكيمياء كويس جدا وإلا هتتعبك ممكن تحفظ العقاقير والصيدلانيات مثلا
    لو حفظت أى نوع من الكيمياء هتتعب فى حلها فى الامتحان
    فيجب فهمها أولا

  3. #3
    Pharma Student
    تاريخ التسجيل
    Sep 2007
    المشاركات
    263

    افتراضي

    هههههههههههه
    عنوان الموضوع جميل والله تخيل انا كنت اعتقد ان صيدلة هى اداب

    بس والله دلوقتى اتاكدت انها فعلا اداب لانى مش فاهمة ولا كلمة
    وما عرفتش اتقدم فى الكلية دى خطوة واحدة غير لما حفظت مش فهمت
    بس انا قولت يمكن ده فى سنة اعدادى بس والفهم جى ورا
    يلا حفظ ولا فهم ادينا دخلنا وامرنا لله حد يقدر يعترض

  4. #4
    Pharma Student
    تاريخ التسجيل
    Apr 2007
    المشاركات
    335

    افتراضي

    معلش يا جماعه فى اعدادى بيبقى كل واحد حساس بالضياع لكن بعد كده هتلاقوا الموضوع كان سهل جدا وبالنسبه للحفظ والفهم اعتقد ان الاثنين مهمين مع بعض لازم تفهم الاول وبعدين تبقى تحفظ وده هيسلهك الحفظ جدا

  5. #5
    Pharma Student
    تاريخ التسجيل
    Apr 2007
    الدولة
    SAMPS
    المشاركات
    639

    افتراضي

    السلام عليكم و رحمة الله و بركاته


    قبل ما أبدأ كلامى ...... فيه حاجة كنا بنغلط فيها كلنا و إحنا بنكتب لما نيجى نعبر عن مشيئة الله سبحانه و تعالى ناس كتييييييييير جدا بتقول " انشاء الله " و ده تعبير خطأ ؛ لأن أنا كدة غيرت المعنى ... لازم يا جماعة نكتبها " إن شاء الله " بالشكل دة .... ياريت كلنا منقعش فى الغلط دة تانى و برده مانبخلش على أصحابنا بالمعلومة دى ؛ علشان هنتحاسب عليها يوم القيامة .


    أما بالنسبة لموضوعنا "هل تعتقد أن صيدلة هى صيدلة !!!!" .......

    أنا معاكم و مقدرة شعوركم ... لأنى أنا فى أخر سنة و حاسة أنى معرفش حاجة فى صيدلة .... أنا مش بقولكم كدة علشان أحبطكم .... أنا بقولكم كدة علشان أشجعكم أكتر تشدوا حيلكم تجيبوا تقديرات عالية علشان تدفعكم أكتر و تخليكم تحسوا بأنكم فى صيدلة ... دايما النجاح بيجيب وراه نجاح و الفشل بيجيب فشل ..... و إحنا بتوع النوع الأول إن شاء الله ...... أنا عارفة أن نظام الدراسة عندنا ...... مش فى صيدلة بس ... لأ فى الكليات التانية كمان و فى كل مصر " نظام متخلف " بمعنى الكلمة .... و إن كان صعب علينا نغيره فلازم نغيره من نفسنا .... هتقولى إزاى هو أنا محور الكون .... أو أنا اللى هغير الكون ..... لا إحنا مسلمين و العزيمة و النجاح دة من أصلنا اللى إحنا اتخلينا عنه فى يوم من الأيام و بقى نجاحنا للغرب دلوقتى ... المهم نختصر شوية .... إيه اللى المفروض نعمله ببساطة :

    1- خليك مقتنع و حابب دراستك .... انت اسمك فى كلية صيدلة ..... دى لوحدها تديك ثقة بنفسك ....

    2- اقتنعنا خلاص و حبينا الدراسة .... يبقى نذاكر بقى شوية .... نحفظ شوية و نفهم شوية .... طيب إزاى؟؟؟؟؟؟؟
    زى ما قلت قبل كدة .... الحفظ علشان أنجح و أجيب تقدر و الفهم علشان أبقى صيدلى صح .


    3- عايزين حاجة تعينا بقى على المذاكرة .... طاعة ربنا - رضا الوالدين علينا - تجنب المعصى و قلتها - الصحبة الصالحة - اشترك فى أى نشاط جنب الدراسة ..... صدقنى حياتك هتفرق كتييييييير ..... هتتحول من إنسان بتاخد بس لإنسان بيدى .

    4- لازم تتدرب فى صيدلية ... من أول سنة روح ... مش هتفهم فى الأول حاجة .... برده روح ... التعليم فى الصغر كالنقش على الحجر .

    5- أى فرصة تحببك فى الكلية و تزود معلوماتك متضيعهاش ..... قراءة مجلات طبية - برامج صحية - مؤتمرات تحضرها - زيارة شركات أدوية - أو حتى الخوض فى حديث عن مجالك ؛ طريقة فعلا مؤثرة للغاية .

    و فى الأخر صيدلة هى صيدلة

  6. #6
    Pharma Student
    تاريخ التسجيل
    Sep 2007
    المشاركات
    351

    افتراضي

    والله بجد كلامك يا دكتوره إيمان حقته يصور ويتوزع
    على كل طلبة صيدلة لأن كلامك هوه مخلص النجاح فى الصيدلة
    وبشكرك على المرور والإهتمام والتعليق الفوق الرائع

  7. #7
    Pharma Student
    تاريخ التسجيل
    Apr 2007
    الدولة
    SAMPS
    المشاركات
    639

    افتراضي

    جزاكم الله خيرا يا DR / MIDOO .... بجد يا جماعة لو احتاجتوا أى حاجة أنا فى الخدمة إن شاء الله .. تمنياتى لكم جميعا بالتوفيق و النجاح

  8. #8
    Pharma Student
    تاريخ التسجيل
    Oct 2007
    المشاركات
    27

    افتراضي

    طبيعى زى متعودنا منك يا أمونة....!!!!!!!!مش جديد عليكى الكلام الحلو ده ,,,,,,,,,وربنا يوفقك يا رب

  9. #9
    Pharma Student
    تاريخ التسجيل
    Oct 2007
    المشاركات
    27

    افتراضي

    والله يا دكتور ميدو مفيش حاجة فى الدنيا تعتمد على الفهم بس و لا على الحفظ بس و لكن لازم الأثنين معا لكن بنسب مختلفة ونصحتى لك انك تحاول الأول تحب المواد,الدراسةووالدكاترة و تحاول كمان تكتشف المواد بتاعتك ايه منها محتاج فهم اكثر من حفظ أو العكس و ربنا يوفقك وربنا معاك و معانا

  10. #10
    Pharma Student
    تاريخ التسجيل
    May 2007
    الدولة
    فى حلم جميل
    المشاركات
    994

    افتراضي

    فعلا يا دكتورة سكر
    عندك حق
    لازم الاول نحب الكلية والدراسة والمواد بتاعتنا
    ونحاول نفهم على قد ما نقدر وبعدين الحفظ هيبقى سهل كتير زى ما قالت الدكتورة Sendrilla

صفحة 1 من 2 12 الأخيرةالأخيرة

المواضيع المتشابهه

  1. **من صيدلة القاهرة-->إلى صيدلة المنصورة .**عساكم من عوادة
    بواسطة w_eldali في المنتدى قسم المناسبات والأخبار الاجتماعية
    مشاركات: 13
    آخر مشاركة: 30-11-2009, 11:18 PM
  2. رباعيات فى حب صيدلة
    بواسطة dr-aya في المنتدى المنتدى الأدبي
    مشاركات: 31
    آخر مشاركة: 23-08-2009, 06:48 AM
  3. يبقى انا اكيد فى صيدلة
    بواسطة wh_kaboo في المنتدى المنتدي الترفيهي
    مشاركات: 35
    آخر مشاركة: 22-06-2009, 01:20 AM
  4. صيدلة بهدلة !!!!!!!!
    بواسطة Eman * SAMPS في المنتدى الفرقة الرابعة 2008
    مشاركات: 14
    آخر مشاركة: 25-02-2008, 01:03 AM
  5. تعرف إيه عن صيدلة ؟؟؟؟؟
    بواسطة Dr.Done في المنتدى الفرقة الاعدادية 2008
    مشاركات: 3
    آخر مشاركة: 30-09-2007, 05:17 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •