صفحة 1 من 6 123 ... الأخيرةالأخيرة
النتائج 1 إلى 10 من 52

الموضوع: امتحان الشفوييييييي

  1. #1
    Pharma Student
    تاريخ التسجيل
    Sep 2008
    المشاركات
    3,366

    افتراضي امتحان الشفوييييييي

    السلام عليكم ورحمه الله وبركاته

    ازيكم يا دكاتره

    يا رب تكونوا بخير


    اظن التوبيك باين من عنوانه

    انا لاحظت ان الدفعه اللى قبلنا كانوا بدأوا يسألوا عن امتحان الشفوى من بدرى شويه ويستفسروا عنه
    احنا بقى تقريبا كده لسه مش اخدين بالنا اننا هانمتحن شفوى لاول مره السنه دى
    دا طبعا بغض النظر عن امتحان العضويه بتاع السنه اللى فاتت (ما يحسبش)

    امتحان الشفوى دا بالذات دونا عن باقى الامتحانات محتاج ان حد يكلمنا عنه لان دا الامتحان الوحيد اللى بنكون فيه قدام الدكتور مباشره واعتقد ان الدكتور بيقيم فيه اكتر من حاجه فى الطالب اكتر من معرفته بالماده

    فياريت لو حد من الدكاتره زمايلنا الاكبر مننا يدخلوا يكلمونا شويه عنه ويجاوب اسئلتكم ويكون مشكور جداااا

  2. #2
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    امتحان الشفوي دة - في رأيي - زي الـ interview بتاع الشغل ..

    الثقة في النفس مهمة جدااااا ..

    انسي انك في امتحان شفوي , و لما يقولك الدكتور سؤال ابدأي جاوبي و اشرحي اللي انتي فاهماه بدون خوف ..

    لأن الخوف بينسي الواحد معلوماته ..

    لو انتو داخلين مجموعة كبيرة محدش يجاوب في دور حد لأنك كدة بتظلمي زميلتك لو جاوبتي في دورها ..
    في البعض بيعمل كدة .. علشان يحسس الدكتور انه شاطر ..


    و انتي بتجاوبي على السؤال ابعدي عن الحاجة اللي منتيش مذاكراها أو منتيش فاكراها ..

    امتحان الشفوي الدكتور بيفتح لك موضوع للكلام و يقعد يسألك , كل أما تقولي حاجة يسألك فيها ..

    فانتي و انتي بتجاوبي ما تجيبيش سيرة حاجة منتيش مذاكراها كويس ..

    كأننا بنحكي مع بعض .. بس المشكلة ان الحكايات دي عليها درجات

    حاولي تجمعي ..

    يعني مينفعش الدكتور يسألك سؤال تقعدي تقطعي في الكلام و تقولي جملة و تسكتي و ثواني يا دكتور .. كل دة بيعطي انطباع انك مش مذاكرة كويس ..

    في حين انك لو جاوبتي بثقة و بسرعة يمكن الدكتور ما يدققش معاكي أوي .. و ربنا يسترها ..

    مثال ..

    الدكتور : قولي نباتات طبية درستها الترم دة فيها Volatile oil .. ( فتح باب الأسئلة )

    الطالب : مثلا الـ Mentha ( النعناع ) ... المفروض الطالب يقول حاجة مذاكرها .. يعني ميجيش يقول خدت الـ Ginger و هو مش مذاكره .. لأن الأسئلة الجاية غالبا هتبقى ع الـ Mentha ..

    لكن لو الطالب قال أخدت الـ Ginger و الـ Allium .. يبقى الدكتور هيسأل فيهم و ذنبك على جنبك .. محدش قالك قولي حاجة صعبة ..

    كدة يعني ..

    امتحان الشفوي ان شاء الله سهل لو انتو مذاكرين و تمام .. متقلقوش منه ..

    أهم حاجة .. الثقة في النفس , المظهر مهم كمان , الذكاء في قيادة دفة الحوار و تحويلها الى الجوانب اللي الطالب مذاكرها كويس ..
    التعديل الأخير تم بواسطة pharmacistina ; 11-08-2009 الساعة 02:16 PM

  3. #3
    Pharma Student
    تاريخ التسجيل
    Feb 2009
    الدولة
    MaNs0uRa
    المشاركات
    142

    افتراضي

    ميرسي جدا علي المساعده و النصايح المهمه دي

    انا مشكلتي الخوف
    و عدم التجميع
    حتي لو مذاكره كويس جدا
    لانني مبحبش الشفوي
    و لا بذاكر شفوي
    ربنا يسترها معانا

  4. #4
    Pharma Student
    تاريخ التسجيل
    Jan 2009
    الدولة
    mansoura
    المشاركات
    148

    افتراضي

    شكرا جزيلا وربنا يسترها معاانا

  5. #5
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    طبعا مفيش ولا كلمه اقدر ازودها على كلام فارماسيستينا

    غير بس ان فى بعض الدكاتره الاكسترنال بيسألوكم من الاسئله اللى فى ورقه الامتحان النظرى يعنى

    تحاولوا تراجعوها كويس وتعرفوا الاجابات الصح قبل ماتدخلوا

    الكلام اللى جاى ده مقتبس من رد د.جوهرى فى موضوع شرح مبسط لمواد اولى





    بالنسبه لامتحان الشفوى يا جماعه

    امتحان الشفوى ده حظ .. لانه فعلا بيعتمد على نسبه كبيره جدا من الحظ .. ممكن واحد يخش وميكونش مذاكر اوى ويخش مع طلبه اقل منه فياخد درجه حلوه .. او يكون الدكتور نفسه درجاته عاليه فينقصك ويديك 25 ..
    وممكن وبنفس المذاكره تخش مع طلبه مذاكرين كويس جدا .. والدكتور كمان درجاته مش عاليه تبص تلاقيك واخد 15 او 18 ..

    طيب واحنا فى ايدينا ايه ؟؟

    لا فى ايدينا كتير ..

    اول حاجه زى ما اتقال الثقه بالنفس تكون واثق وانت بتقول اجابتك .. وتحاول تختار الفاظ سهله وتكون بتنطقها كويس ..

    وفيه حاجه مهمه جدا لو اتسالت سؤال ما انتاش عارفه اوعى تحاول تألف اجابه .. ومتستناش من الدكتور انه يقول لك لا غلط .. بالعكس ده هيقعد يقول لك برافو شاطر وايه تانى .. وانت قاعد تعجن والدكتور بيحط لك ميه عشان العجينه تزيد ..
    لا قول للدكتور الحته دى مركزتش فيها .. او نسيتها او اى حاجه .. وتخليه يسالك سؤال تانى ..

    حاول على قد ما تقدر تقول كلام من الكلام اللى الدكتور بيقوله .. وتدى له احساس انك متابع محاضراته .. يعنى مثلا ممكن تقول له الحته دى فعلا حضرتك قلتها فى المحاضرة وقلت عليها مهمه .. ومتفتكرش انه هيبقى فاكر كله كلمه قالها .. بس متخصصش الكلام برضه اوى عشان متقعش ويبقى منظرك وحش .. خلى كلامك عام .. يعنى مثلا تقول له الحته دى فعلا حضرتك شرحتها كويس جدا فى المحاضره .. وانا فاكرها من يوميها ومخدتش منى وقت فى المذاكره كده ..

    لو الدكتور بيدى ورق فيه اسئله وانت بتحلها تحريرى حاول متكترش فى الكلام .. عشان الدكتور ميضايقش .. جاوب على قد المطلوب بس .. وكتر من الرسومات والـ structures ..

    لو الدكتور بيسال كذا طالب قدامه وبيسال بالدور .. اوعى تجاوب على سؤال مش موجه لك .. لان ده بيضايق الدكتور ويخليه يخبطك سؤال تبلم قدامه ..

    ممنوع منعا باتا الاستظراف او قول الافيهات او التعليقات البايخه .. واسمعوا كلامى فيه ناس كتير خدوا اصفار بسبب الموضوع ده .. خصوصا لو كان اكسترنال .. اوعى ..


    وبالتوفيق ان شاء الله ولو حد عنده اى سؤال او استفسار يقول .. ميشيلش فى نفسه ابدا ..



    والموضوع ده ان شاء الله اكيد هيفيدكم

    (تجربه جديده)

    http://www.pharma-board.com/board/showthread.php?t=7706&highlight=%C7%E1%D4%DD%E6%EC



    والموضوع ده كمان

    (ازاى تعدى امتحان الشفوى)

    http://www.pharma-board.com/board/showthread.php?t=10274&highlight=%C7%E1%D4%DD%E6%E C




    وان شاء الله هيبقى سهل وتتعودوا عليه

    ولو فى اى حاجه ماتترددوش انكم تسألونا

    بالتوفيق ان شاء الله

  6. #6

    افتراضي

    ممنوع منعا باتا الاستظراف او قول الافيهات او التعليقات البايخه .. واسمعوا كلامى فيه ناس كتير خدوا اصفار بسبب الموضوع ده .. خصوصا لو كان اكسترنال .. اوعى ..

    مهمه اوى دى يا جماعه .. الله يهد لكم الحال ..
    وطبعا بعد كلام pharmacistina مفيش كلام يتقال ..

  7. #7
    Pharma Student
    تاريخ التسجيل
    Sep 2008
    المشاركات
    3,366

    افتراضي

    د.فارماسستينا د.اميره د.جوهرى
    بجد جزاكم الله الف خير وربنا يجعله فى ميزان حسناتكم
    ويا رب الناس تستفيد منه ان شاء الله

  8. #8
    Pharma Student
    تاريخ التسجيل
    Sep 2007
    الدولة
    mansoura
    المشاركات
    469

    افتراضي

    إمتحان الشفوي ده يعتبر هديه هو بس العيب الوحيد القلق

    ولازم تكون عندك ثقه بالنفس سواء external أو internal دي شئ لا بد منه

    تاني حاجه لو الدكتور سألك عملت إيه في النظري وكان صعب ولا لأ

    حتى لو محلتش كويس تقوله الحمد لله ..

    وطبعاً قبل كل ده توفيق من ربنا وبركه دعا الوالدين

    وموضوع إزاي تعدي إمتحان الشفوي فيه كل النصايح وكمان مناقشات ممكن تفيدكو

  9. #9
    Pb Elite
    تاريخ التسجيل
    Apr 2009
    المشاركات
    566

    افتراضي

    جد جزاكم الله عنا كل خير بس الشفوى ده بيبقى له رهبة اذا كان الواحد كام داخل امتحان شفوى العضوية الترم اللى فاتت ميت واللى هوا اكيد اكيد اسهل حاجة بالنسبة للشفوى اللى جاى ربنا يسترها معانا ويثبت خطانا

  10. #10
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    اقتباس المشاركة الأصلية كتبت بواسطة pharmacistina مشاهدة المشاركة
    امتحان الشفوي دة - في رأيي - زي الـ interview بتاع الشغل ..

    الثقة في النفس مهمة جدااااا ..

    انسي انك في امتحان شفوي , و لما يقولك الدكتور سؤال ابدأي جاوبي و اشرحي اللي انتي فاهماه بدون خوف ..

    لأن الخوف بينسي الواحد معلوماته ..

    لو انتو داخلين مجموعة كبيرة محدش يجاوب في دور حد لأنك كدة بتظلمي زميلتك لو جاوبتي في دورها ..
    في البعض بيعمل كدة .. علشان يحسس الدكتور انه شاطر ..


    و انتي بتجاوبي على السؤال ابعدي عن الحاجة اللي منتيش مذاكراها أو منتيش فاكراها ..

    امتحان الشفوي الدكتور بيفتح لك موضوع للكلام و يقعد يسألك , كل أما تقولي حاجة يسألك فيها ..

    فانتي و انتي بتجاوبي ما تجيبيش سيرة حاجة منتيش مذاكراها كويس ..

    كأننا بنحكي مع بعض .. بس المشكلة ان الحكايات دي عليها درجات

    حاولي تجمعي ..

    يعني مينفعش الدكتور يسألك سؤال تقعدي تقطعي في الكلام و تقولي جملة و تسكتي و ثواني يا دكتور .. كل دة بيعطي انطباع انك مش مذاكرة كويس ..

    في حين انك لو جاوبتي بثقة و بسرعة يمكن الدكتور ما يدققش معاكي أوي .. و ربنا يسترها ..

    مثال ..

    الدكتور : قولي نباتات طبية درستها الترم دة فيها Volatile oil .. ( فتح باب الأسئلة )

    الطالب : مثلا الـ Mentha ( النعناع ) ... المفروض الطالب يقول حاجة مذاكرها .. يعني ميجيش يقول خدت الـ Ginger و هو مش مذاكره .. لأن الأسئلة الجاية غالبا هتبقى ع الـ Mentha ..

    لكن لو الطالب قال أخدت الـ Ginger و الـ Allium .. يبقى الدكتور هيسأل فيهم و ذنبك على جنبك .. محدش قالك قولي حاجة صعبة ..

    كدة يعني ..

    امتحان الشفوي ان شاء الله سهل لو انتو مذاكرين و تمام .. متقلقوش منه ..

    أهم حاجة .. الثقة في النفس , المظهر مهم كمان , الذكاء في قيادة دفة الحوار و تحويلها الى الجوانب اللي الطالب مذاكرها كويس ..


    هما الدكاتر اللى حضرتك دخلتيلهم فى الشفوى دول

    بجد ولا جايين من المريخ

    بجد انا بقالى سنتين بامتحن شفوى عمرى ماشفت

    اى حاجة من اللى حضرتك بتقوليها


صفحة 1 من 6 123 ... الأخيرةالأخيرة

المواضيع المتشابهه

  1. امتحان الصيدلانيات !!!!!!!!!!!!!!!!!!!!!!!!!!!!
    بواسطة محمد_على_سلام في المنتدى أرشيف إكلنيكي 2010
    مشاركات: 21
    آخر مشاركة: 13-06-2010, 09:12 AM
  2. امتحان الصناعية.....؟؟؟
    بواسطة احمد شبند في المنتدى الفرقة الرابعة 2010
    مشاركات: 15
    آخر مشاركة: 22-05-2010, 01:06 PM
  3. ياله من امتحان**
    بواسطة رحيق العفة في المنتدى الفرقة الاعدادية 2008
    مشاركات: 20
    آخر مشاركة: 16-07-2008, 03:02 AM
  4. عندك امتحان؟!
    بواسطة زهرة الياسمين في المنتدى الفرقة الاولى 2008
    مشاركات: 4
    آخر مشاركة: 22-05-2008, 06:33 PM
  5. امتحان الامبريولوجى
    بواسطة dr.mai في المنتدى الفرقة الاعدادية 2008
    مشاركات: 7
    آخر مشاركة: 08-03-2008, 12:28 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •