النتائج 1 إلى 6 من 6

الموضوع: تفتكرى يا بلدى .. !!!

  1. #1
    Pb Elite
    تاريخ التسجيل
    Nov 2008
    الدولة
    Mansoura
    المشاركات
    2,213

    Question تفتكرى يا بلدى .. !!!

    بسم الله الرحمن الرحيم
    السلام عليكم و رحمة الله و بركاته

    تفتكرى يا بلدى راح أموت قريب ( زيهم ) شهيد ... !!
    ما انا عشت عمرى كله فيكى قريب بس غريب .... !!
    يمكن مكتوبلى أموت فيكى شهيد .... !!
    يا ترى هيجى عليا الدور و انضرب أو اتسحل
    و انجر فى الشوارع على إيد شوية .................... !!
    أصل خلاص معدش فيه تمييز بين بلطجى و متظاهر و عابر للطريق ...
    و العقل اتيبس و القلوب صبحت جلاميد ...
    يا ترى إيه مكتوبلنا فى بكر ة الجديد .... !!
    و أنا حتى لسة الدنيا ما شافتلى وليد .... !!
    بس أعمل إيه فى حبك العتيد الممدود فيا مديد ....
    اللى بيقوى قلبى و يخليه وسط المعمعة حديد ...
    أنا أصلى مرضاش ليكى و لا ليا عيشة العبيد ...
    و أنا ربى خلقنى حر رشيد ...
    و خلقك جنة على أرضه لجل ما يعيش ابنك فيكى حر سعيد ...
    و لو موت عشانك يا بلدى أكيد هيبقى ده يوم العيد ....
    ماهو لو حلمى متحققش فى حريتك و أملى انكسر هسيبك أكيد ...
    و لو سبتك يا بلدى يبقى حكمت على نفسى بالموت بعيد عنك وحيد ...
    يبقى لو بإيدى اختار بين موتى لو فارقتك بعيد و إنى أبقى معاكى أكيد ..
    هختار أموت فيكى فداكى يا بلدى شهيد ....

    صوت بكى ملازم ودانى و تنهيد ...
    و آهة متعاصة بالدمع و الدم خارجة من كل وريد ...
    و أم الشهيد عددها كل يوم و التانى بيزيد ...
    و يأس طافح عالخلايق من بعد عيد ....
    أهى سنة عدت من بعد انتفاضتك و مفيش جديد ... !!
    غير فتن مصتنعة من كل لون و حكم عسكر من جديد ....
    و مماطلة تمرض القلب العفى الشديد
    لا تصدقى جد جديد ...... !!
    سحل و ضرب و بنات بتتمرمط و بتتعرى قدام الخلق و تهديد
    و زهرة ولادك يا فى السجن متحاكم عسكرى ، يا ف مقبرته شهيد ...
    سابوا البلطجة على كل لون و قالوا يصطادوا فى عيون ولادك و يسحلوا بناتك لجل التجديد ..
    بس تفتكرى و السنة الجديدة أهى هتهل عن قريب ..
    بعيد ثورتك الأول هيجيلنا قلب و نحتفل .. !!
    و على دم اخواتنا المهدور هنخطى عادى و نمد ... !!
    و لا ثورة تانى من جديد و هنعيد ... !!
    مفيش احتفال ،، الثورة لسة مستمرة أكيد ....
    لسة مجبناش حقك يا بلدى و حق كل مصرى و مصاب و شهيد ....

    بقلمى ... Nayroz
    21 - 12- 2011

  2. #2
    Pharma Student
    تاريخ التسجيل
    Oct 2011
    الدولة
    mansoura
    المشاركات
    208

    افتراضي

    و لو سبتك يا بلدى يبقى حكمت على نفسى بالموت بعيد عنك وحيد ...


    ربنا يبارك فيك يا دكتوره
    وصفتى اللى موجود فى البلد بكلماتك السهله....وعبارتك البسيطه
    يارب حال البلد يتصلح بقى ونعيش فى امان

  3. #3
    Pb Elite
    تاريخ التسجيل
    Sep 2008
    الدولة
    MEROO ALONE
    المشاركات
    2,438

    افتراضي

    ابيات فعلا جميلة جداجدا

  4. #4
    Pharma Student
    تاريخ التسجيل
    Dec 2009
    المشاركات
    1,434

    افتراضي

    كلمات جميله جدا جدا يانيروز
    تسلم ايديكى
    ربنا يباركلك

  5. #5
    Pb Elite
    تاريخ التسجيل
    Nov 2008
    الدولة
    Mansoura
    المشاركات
    2,213

    افتراضي

    جزاكم الله خيرا يا بنات ...
    نورتونى ...
    دعواتكم لمصر و لبنت مصر ...

  6. #6
    Moderator
    تاريخ التسجيل
    Oct 2009
    المشاركات
    4,276

    افتراضي

    بسم الله الرحمن الرحيم

    الوصف في هذه " الخاطرة " .. بسيط و معبر و جامع .. بس ميعتبرش شعر ..

    لأنه طوال تتابعه : اتخذ أسلوب السرد و القصة ، و لأنه لا يحتوي على أي عنصر من عناصر القصة ،،

    فيطلق عليه خاطرة ..

    خاطرة رائعة .. التمستي فيها حالة الشارع .. و حالة إنسان خايف على بلده و بيحبها و صعبان عليه إن أهل بلده مبهدلينه فيه ،، ناقشت القضية بأسلوب سلس و ممتع جدا ..

    و عجبني إنك في النهاية قدمتي اقتراح أو رأي ،، مش مجرد إنك اتكلمتي و خلاص ،،

    سلمت يمينك يا دوك ،، و يا رب حال البلد يتصلح إن شاء الله ..




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •