تقرير ندوة"دع الاكتئاب ...وانطلق للحياة"
السلام عليكم ورحمة الله وبركاته
ازيكم يا بنات ويا شباب
بشكر كل اللي نورنا في ندوة يوم الاتنين ...دع الاكتئاب وابدأ الحياة
الندوة بدأت الساعة واحدة إلا ربع تقريباً وبدأت بتقديم من مقررة الأسرة دعاء سليمان
واللي رحبت فيها بالدكتور السيد صالح بالنيابة عننا كلنا لتشريفه لنا للعام الثاني علي التوالي
وبعد كده الدكتور عرض شرح مبسط عن تعريف الاكتئاب وعلاماته وأعراضه ومدي خطورته
خصوصاً ان أعداد المصابين به في تزايد مستمر علي مستوي العالم .
وكمان عرض شئ مهم وهو ازاي نتعامل مع شخص أصيب بالاكتئاب وايه هي الحاجات اللي لازم نقولها له
وايه الحاجات اللي لازم نتجنبها في التعامل مع المكتئب عشان مش نساهم في ان حالته تسوء.
وكمان عرض باختصار الأدوية المستخدمة لعلاج الاكتئاب بما اننا في صيدلة.. وايه أهم الآثار الجانبية لها
وليه طلع في فترة اشاعة ان دواء البروزاك يشجع علي الانتحار عند استخدامه لعلاج بعض حالات الاكتئاب
ورد بأسلوب علمي علي هذا الاعتقاد الخاطئ وغيره من الاعتقادات الخاطئة عن الاكتئاب.
وفي نهاية الندوة كان فيه فقرة أسئلة وكان فيه أسئلة كتيرة ...الدكتور آجب علي أغلبها لكن للأسف وقت
الندوة مش كان كافي للاجابة علي كل الأسئلة لأن كان فيه محاضرة في المدرج بعدنا فبعتذر لكل اللي مش قدرنا نجيب علي أسئلته.
وفي آخر الندوة قدم زميلنا أحمد شعير (بالنيابة عن د.فتح الله بلال رائد الأسرة) شهادة تقدير لدكتور السيد
صالح تقديرا لتعاونه الدائم معنا.
بشكر كل اللي نورنا في الندوة وبشكر كل المنظمين ويارب نكون قدرنا نفيدكم بأي حاجة.
رد مع اقتباس
.gif "Fop (9)")
.gif "Fop (18)")
