مشاهدة نتائج الإستطلاع: مالذى يعوقنا فى الوصول الى مصاف افضل 500 جامعة على مستوى العالم

المصوتون
291. أنت لم تصوت في هذا الإستطلاع
  • ليس لدينا كليات معتمدة او متزاملة مع جامعات عالمية المستوى

    151 51.89%
  • مستوى الخريج لا يناسب متطلبات سوق العمل

    189 64.95%
  • العملية التعليمية قليلة الفاعلية فى إستيفاء مخرجات تعلم ممتازة للطالب

    200 68.73%
  • الأنشطة الموجهة لخدمة المجتمع و تنمية البيئة غير مؤثرة او قليلة

    119 40.89%
  • مجمل الأبحاث العلمية لا تنشر فى مجلات عالية الأثر مثل الطبيعة و العلم

    131 45.02%
  • النشاط الطلابى قليل او لا ينشر على موقع الجامعة او لا يشارك فيه اكثر من 50% من الطلاب

    148 50.86%
  • النشاط الطلابى لا يشمل خدمة المجتمع و البيئة المحيطة

    92 31.62%
  • تفتقد العملية التدريسية مهارة انماء التعلم الذاتى لدى الطلاب

    192 65.98%
  • الأرشاد الأكاديمى للطلاب غير فعال

    187 64.26%
  • مصادر التعلم: المكتبة الإلكترونية - المراجع المعاصرة - التعليم الإلكترونى الخ, غير كافية

    113 38.83%
  • ليس هناك الكثير من أعضاء هيئة التدريس حصل على جوائز عالمية رفيعة المستوى من علماء الجامعة

    77 26.46%
  • نسبة الطلاب الى أعضاء هيئة التدريس ليست مثالية (اكثر من 25 الى 1)

    172 59.11%
  • مساحة الجامعة بالنسبة لعدد الطلاب و العاملين بها ليست مثالية

    80 27.49%
  • المعلومات المتداولة عن الجامعة غير كافية للطلاب و العلماء و المجتمع الخارجى المحلى و العالمى

    107 36.77%
  • لا يشترك الطلاب و طلاب الدراسات العليا بفعالية فى لجان الكليات و ليس لهم وجود فى مجالس الكليات

    161 55.33%
  • تعمل الجامعة على تيسير الحصول على عمل او توظيف الخريجين

    39 13.40%
  • ليست هناك ادارة فعالة لشئون الطلاب الوافدين و استيعابهم

    93 31.96%
  • لا تستعين الجامعة بأعضاء هيئة التدريس او العلماء الأجانب ذو المستوى العالمى

    154 52.92%
  • نسبة الطلاب الأجانب الى الطلاب المحليين ضئيلة للغاية

    110 37.80%
  • هناك خريجين حصلوا على جوائز نوبل او فيلد

    15 5.15%
إستطلاع متعدد الإختيارات.
صفحة 2 من 9 الأولىالأولى 1234 ... الأخيرةالأخيرة
النتائج 11 إلى 20 من 86

الموضوع: العشرة الأوائل.... هل مستحيل؟.

  1. #11
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    الجامعات اللى حضرتك سيبت لينكاتها

    كلها فى صفحاتها الرئيسية

    بتتكلم عن انجازات طلابها وانشطتهم فى المجالات المختلفة

    اكتر ماتكلمت عن اعمال الجامعة ودورها ودور رئيس الجامعة

    على عكس جامعة المنصورة خااااااااااااااااااالص

    مفيش ولا خبر كان بطله الطلاب فى اى نشاط

    كله كلام عن دور الادارة واللى بتعمله من حملات ومجهودات

    و ........و.............و...........و.......

    من الكلام اللى بيعجب المسئولين

    بس خلاص انا معدش عندى حاجة اقولها دلوقت

  2. #12
    Pharma Student
    تاريخ التسجيل
    Oct 2007
    الدولة
    Mansoura
    المشاركات
    186

    افتراضي

    بصراحة انا مش لاقى حاجة اقولها اكتر من الكلام اللى الزملاء قالوه

    ولكن انا شايف ان سبب ده كله هو منظومة التعليم الخاطئة من البداية
    من الابتدائي وحتى الثانوى وهو ان الطالب لا يربى الا على حاجتين
    1- احفظ then vomit
    2-التقسيم الخيبان للكليات على اساس قمة وقاع ومش عارف ليه هذا التقسيم الظالم واللى للاسف اعلامنا الخايب بيساهم فيه وبيقسموا الناس والكليات على اساس القمم والقيعان

    3-ان الطفل منذ نعومة اظافره لا يربى الا على (لازم تطلع دكتور او مهندس) وكأن تقدم ونهضة اى مجتمع محصور على هذه التخصصات فقط

    فانا راى ان كان لا بد من تطوير منظومة التعليم كله (الجامعى وما قبل الجامعى ) فلا بد من تغيير ثقافة القمم القيعان المتعلقة بالكليات وتعليم الاطفال والطلاب ان الشخص مهما كان تخصصه العلمى او العملى فهو يؤدى دور كبير فى المجتمع بشكل او اخر

    وشكرا لك استاذنا الدكتور على طرح مثل هذا الموضوع ولى عودة مرة اخرى


  3. #13
    Pharma Student
    تاريخ التسجيل
    Jul 2009
    المشاركات
    553

    افتراضي

    و الله هو موضوع جميل يا دكتور
    بس انا هاتكلم فى حدود اللى انا اعرفه
    دلوقتى اذا مكنش الفرد مننا بيبحب الى بيعمله مش هنتقدم
    ببساطه لازم نطبق مقوله حب ما تعمل
    و لازم يكون عندنا الرغبه من جوانا للتحسين و لازم الرغبه تبقى جماعيه او الرغبه من القائد نفسه للتحسين

  4. #14
    Pharma Student
    تاريخ التسجيل
    Mar 2009
    المشاركات
    1,136

    افتراضي



    أنا مريت على الموضوع مرور سريع



    و إن شاء الله تكون هناك مشاركة بعد قراءة الموضوع بالتفصيل

    و أشكر الأستاذ الدكتور / عطا الله على هذا الموضوع الصريح

    الذى أرجو أن يكون خطوة على طريق النهضة

  5. #15
    Pharma Student
    تاريخ التسجيل
    Jul 2008
    المشاركات
    6

    افتراضي

    السلام عليكم ورحمه الله وبركاتهفي البدايه اشكر د.عطا الله على طرحه للموضوع المهم دهاحب اشكر كل زمايلي اللي ردوا عالموضوع وانا معاهم في ان المناهج قديمه وان الكتب مليااانه حشو ومع ذلك انا شايفه انهم متشائمين اوي لان بالتشاؤم ده مستحيل هنتقدم خطوة واحده اما بخصوص الاسئله اللي حضرتك طرحتها عن الجامعات اللي سبقتنا في الترتيبفانا ممكن اجاوب على حد علمي فانا عندي صديقتي بتدرس في جامعه McMaster في كندا والجامعه دي واخده تقريبا الترتيب 229 وهي لما بتحكيلي على نظام الدراسه هناك بجد بحس انها في وادي و اننا في وادي تاني خالصهمه عندهم صيدله 8 سنين مش خمسه زي عندنا ...وبيهتموا اوي بالابحاث سواء ان الطالب يعملها بنفسه او في مجموعه وقالت لي كمان ان الدكاترة عندهم بيركزوا اوي على ان الطالب هوه اللي يدور على المعلومه بنفسه ويتعب لغايه ما يوصل لها والدكتور بيشرح الحاجات الاساسيه والمهمه والباقي بيقولهم يدوروا عليه في النت او الكتب وطبعا هوه ده التعليم ولو قلت الكلام ده للطلبه هنا معظمهم مش هيتفهموا وده طبيعي لان في مصر الطالب متعود من وهوه في اولى ابتدائي ان المدرس يقوله كل كلمه وهوه كل اللي عليه انه يحفظ ويكتب اللي حفظه في الامتحان وده للاسف بيدمر عقليه الطالب وبالتالي بيدخل الجامعه وهوه مخه متبرمج على النظام ده مفيش حاجه عنده اسمها انه يقرأ او يطلع لأ هوه بيحفظ عشان يجيب درجات وبس مش عشان يتعلم في حين ان صديقتي دي اللي في كندا تعبت جدا عشان بس تتقبل في الجامعه ودخلت امتحانات تحديد مستوى كتيييير وعشان كده الطلبه هناك بيكون عندهم جديه وبيكونوا متحملين المسؤوليه لانهم تعبوا لغايه ما اتقبلوا في الكليه وبيكون كل طالب هدفه الاول والاخير انه بتعلم ويكون متخرج وهوه فاهم كل حاجه متعلقه بتخصصه ودراسته غير الطلبه هنا خالص ....وانا في رأيي ان التغيير بيعتمد اساسا على الطالب نفسه لان الطالب لازم يكون طموح وشغوف بطلب العلم مهما كانت الظروف المحيطه بيه ولازم يحاول على قد ما يقدر وانه يطلع ويقرأ لان النت مليااااان معلومات حديثه تخص دراستنا وعلى الاقل يكون اسمه انه حاول بدل ما يكون مستسلم لليأس والاحباط زي معظم الطلبه ...اسفه جدا على الاطاله ولكم جزيل الشكر....

  6. #16
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة
    الجامعات اللى حضرتك سيبت لينكاتها

    كلها فى صفحاتها الرئيسية

    بتتكلم عن انجازات طلابها وانشطتهم فى المجالات المختلفة

    اكتر ماتكلمت عن اعمال الجامعة ودورها ودور رئيس الجامعة

    على عكس جامعة المنصورة خااااااااااااااااااالص

    مفيش ولا خبر كان بطله الطلاب فى اى نشاط

    كله كلام عن دور الادارة واللى بتعمله من حملات ومجهودات

    و ........و.............و...........و.......

    من الكلام اللى بيعجب المسئولين


    بس خلاص انا معدش عندى حاجة اقولها دلوقت
    و ده بالضبط اللى أنا لاحظته بعد مقارنة المواقع مع بعضها و لكن أرجع و أقول الموقع ده جزء من الجامعة و ليس المعبر الوحيد عنها و الحقيقة ليست فقط جامعة المنصورة التى تحتاج للتطوير و لكن أيضا الطالب المصرى و بالتأكيد لن يظهر التغيير بين ليلة و ضحاها .......
    احنا تعودنا منذ الصغر اننا نحفظ و ننسى و ما شاء الله مازال الوضع قائما كما هو يعنى مثلا نفضل ندرس و ندخل سكاشن و نحضر محاضرات و لسة فى ناس مش عارفة تتعامل مع بعضها و بعدين بعيدا عما يظهر للجميع لا يوجد نظام فى الداخل و يكفى ما يحدث أيام امتحانات الشفهى بتكون مصيبة ده فى الكلية نفسها أما بقى للصراحة
    احنا شعب مصطلحاته خطأ و كفاية ان طلبة محترمين فى كلية صيدلة لسة بيرموا القمامة على الأرض بعد كل ده هتكلم عن التعليم ؟!!!!
    للأسف الشديد الجامعات المصرية كل ما يهمها الواجهات يعنى كأنها بتقول للعالم أهو عندنا تعليم فى حاجة!!!
    أكتر حاجة بتضايقنى انى حاسة ان الواحد بيضيع عمره ....أيوة يعنى لما أقعد سبع شهور رايحة جاية أكتب محاضرات و أتهرى فى السكاشن و أكتب الكلمتين فى الورقتين بتوع الامتحان و بعد كده أقعد فى بيتنا أنسى كل حاجة لمدة تلات شهور يبقى أنا بدرس ليه؟؟؟؟
    حاجة زى الاشراف الأكاديمى كان ممكن تبقى نقلة جامدة جدا لكل الطلبة و كمثال مثلا لو المشرف الأكاديمى تبحر فى علمه مع الطلبة المشرف عليهم و جمعوا معلومات من هنا و هناك أكيد هيكون فى حس بالعمل الجماعى و منظومة العمل و طرق البحث .....

    الموضوع طويل و لابد لى من القول أن الطريق أيضا طويل و ملئ بالعثرات و لكن متى نبدأ فكلنا نعلم بالحال و نتكلم و نناقش و نرى آراء ايجابية و بناءة و لكن أين هى من أرض الواقع؟؟؟؟
    و ما زال للحديث بقية ان شاء الله

  7. #17

    افتراضي

    أستاذى الفاضل دكتور عطا الله
    وضحت فى مشاركتى السابقة عنصر رئيسى من عناصر الأصلاح المطلوبة , وهو تغيير ثقافتنا الحالية من ثقافة الشهادة الى ثقافة قيمة العلم المتحصل عليه وكيفية تطبيقه ..
    وعليه فان اول الخطوات التى يجب ان نتخذها
    1-الغاء الكليات التى لا تتمتع بتطبيق عملى مفيد او تقليل عددالمقبولين بها مثل كلية التربية الموسيقية والرياضية
    والكليات النظرية التى تكلف الدولة اموالا دون ان تحرز من ورائها مكاسب اوانتاج مثمر

    2-يجب ان يكون الوصول الى المستوى الجامعى من خلال تقييم وقواعد غير معدل الدرجات الذى يقيم قدرات محدودة ولا يعطى التقييم السليم للفرد وذلك بتفعيل نظام المقابلات وتحديد ميول الطالب من خلال اختبارات تجريها الكليات

    3-العمل على زيادة مرتبات أعضاء التدريس بما يتوافق مع الجهد المبذول من خلال وضع معايير لتقويم عضو هيئة التدريس سواء من خلال الطالب او من خلال هيئة اعلى تخصصها الكلية او الجامعة

    4-على الجامعة ان تخصص منصب مساوى لرئيس الجامعة على ان يكون تخصصه من التخصصات العملية للعمل على التأكد من وضع الميزانية الكافية للكليات العلمية بدلا من صرف الأموال على تزيين وتوسيع كليات لا تخرج كوادر منتجة او مفيدة
    4-الأهتمام بالكليات العملية التى تصنع مستقبل الوطن وتعتبر القاعدة الأساسية لبنيته التحتية واعتباراها مسألة أمن قومى (كليات الهندسة -الزراعة -العلوم -الطب-الصيدلة والأسنان) وذلك بانشاء لجان ومراكز بحثية خاصة بهم تتبع الجامعة اسما وتنفرد بسياسة منفصلة تحت اشراف المجلس الأعلى للبحث العلمى والتكنولوجيا واعضاء هيئات التدريس مختارون بعناية .

    5-زيادة ميزانية البحث العلمى امر لا يقبل النقاش او التفاوض اذا فعلا قررنا ان نقوم بتقدم فعلى فىهذا المجال

    6-المراكز البحثية ستكون مسئولة عن تطبيق الأبحاث النظرية التى قامت بهااٌسام الجامعةوالكليات المختلفة
    أيت خبر على موقع جامعة الملك سعود ان معهد تكنولوجيا النانو لدية عدد من الأبحاث التى ستبلغ تكلفة تنفيذها مايقارب من 30مليون ريالا
    الناس دول بداوا يحطوا ايديهم على الطريق الصح وعرفوا ازاى يسخروا ثروتهم فى الأتجاه المظبوط
    على عكس كما قال أحد الزملاء من المبالغ الطائلة التى تصل الى غير مستحقيها .

    الملاحظ حتى الأن ان جميع الأقتراحات تتطلب نهضةة وميزانية ضخمة لوضع وصنع خطوة
    ولكى نضع أقدامنا على الطريق الصحيح

    طبعا يادكتور عطا الله المواقع للجامعات الأخرى المميز فيها انى قدرت اعرف معلومات كثييرعن الجامعة ومميزاتها فى وقت قليل ودون حيرة
    على عكس موقع جامعتنا الذى يحتاج لخبير للحصول على المعلومة المطلوبة دون اضاعة للوقت

    الأشراف الأكاديمى -الأستبيان الطلابى -البرامج الطلابية
    كلمة فى النهاية لما بعد تثبيت الجدول ..
    وحتى تتضح حقيقته..
    لأنى أعتبر هذالجدول عنق زجاجة فى علاقتنا بالكلية
    .
    التعديل الأخير تم بواسطة عبدالله عبدالرحمن ; 30-09-2009 الساعة 03:17 AM

  8. #18
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    -الغاء الكليات التى لا تتمتع بتطبيق عملى مفيد او تقليل عددالمقبولين بها مثل كلية التربية الموسيقية والرياضية
    والكليات النظرية التى تكلف الدولة اموالا دون ان تحرز من ورائها مكاسب اوانتاج مثمر

    عبدالله كلامك ده فيه انانية كبيرة جدا

    واستهتار بالاخرين

    اذا كان تطويرنا ييجى على حساب غيرنا

    يبقى كده احسن

    احنا مش هنعمل زى الجهلة الاوروبيين واللى عندهم انهم يضحوابالعالم التالت فى سبيل تقدمهم

  9. #19

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة
    عبدالله كلامك ده فيه انانية كبيرة جدا

    واستهتار بالاخرين

    اذا كان تطويرنا ييجى على حساب غيرنا

    يبقى كده احسن

    احنا مش هنعمل زى الجهلة الاوروبيين واللى عندهم انهم يضحوابالعالم التالت فى سبيل تقدمهم
    للأسف انت فاهمنى غلط
    الكليات اللى موجودة دى مش بتفيد حد
    تعليم لأجل شهادة
    وليست كليات منتجة
    او مفيدة للوطن
    هل كلامى ده استهتار بحد
    ما انت متجبيليش معاهد خدمة اجتماعية وتخرج لى تربية موسيقية وتقعدهم على قهوة
    وتقولهم مفيش شغل
    لما يبقى فعلا المجتمع محتاجهم
    يبقى يطلب من تانى
    لكن جيب لى واحد خريج من معهد خدمة اجتماعية بيعمل اى حاجة
    من اللى خادها فى الكلية
    بيتخرج عشان يزود هم الدولة ويطلب الوظيفة الميرى اللى ملهاش مجال انهاتطبق عندنا
    اللى انت مش فاهمه ان الجامعاتيجب ان تقوم بتوفير طلاب لسوق العمل
    لا تزود ولا تنقص
    الخدمة الأجتماعية والتربية الرياضية والموسيقية
    كلها خدمات تقدم لشعب انجز متطلبات أساسية ورفع ذاته عن حدود دنيا معينة
    وصار يسعى لمزيد من الرفاهية والأستقرار
    قولى بقى فين الأنانية
    الأستهتار اللى انا بقول عليهم
    الأنانية ان الشخص يبقى عارف ان الكلية دى مش هتخليه حاجة
    وانه هيبقى زبون فى طابور البطالة الطويل
    ويصر انه يدخلها
    عشان الشهادة
    والأستهتار ان الدولة تصرف ملايين على مبانى وخدمات لكليات لا قيمة لها
    سوى على الورق وفى نظريات حالمة لا مجال لتطبيقها الأن
    فى الوضع الحالى
    ياريت الصورةتكون وضحت عندك

  10. #20
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    ماشى يبقى مش العيب من الطلبة

    العيب من ثقافة القمة والقاع اللى التعليم والثقافة عندنا

    خلاها عند كل مصرى

    واللى بيخلى طلاب الدبلوم فى مجتمعنا ملهمش اى قيمة فى البلد

    ولما يروح يتجوز يعاملوه كانه زبال

    مع انه ممكن يكون مفيد لبلده

    احسن من 100 دكتور

    فازاى تيجى تطلب منه انه ميدخلش كلية ممكن تحسن مكانته الاجتماعية امام الامجتمع

    على اساس ان الشهادة اللى هياخدها مش هتفيده بحاجة

    الموضوع ده عامل زى الشبكة

    مش لاقى ليه حل سريع

    الحل الوحيد زى ماصالح قال كده

    اننا نغير فى ثقافة القمم والقيعان دى بس ده حل بياخد قرون وخصوصا فى بلد لاتحترم المهنة

    وكله بيقلل من التانى

صفحة 2 من 9 الأولىالأولى 1234 ... الأخيرةالأخيرة

المواضيع المتشابهه

  1. مستحيل افرط فى الشنطة بتاعتى ابدااااااا
    بواسطة sara ahmed في المنتدى المنتدى الاسلامى
    مشاركات: 16
    آخر مشاركة: 02-08-2010, 11:39 PM
  2. الأوائل على اعدادى
    بواسطة rofaa في المنتدى الفرقة الاولى 2010
    مشاركات: 15
    آخر مشاركة: 10-11-2009, 09:18 PM
  3. «فيس بوك» يصل إلى 200 مليون مستخدم
    بواسطة Dr.Mohamed في المنتدى قسـم الكومبيوتر والانترنت
    مشاركات: 4
    آخر مشاركة: 13-04-2009, 10:46 PM
  4. ~*¤ô§ô¤*~المفاتيح العشرة للتفوق الدراسي~*¤ô§ô¤*~
    بواسطة dr..asma في المنتدى المنتـدى العـام
    مشاركات: 11
    آخر مشاركة: 29-09-2008, 02:35 AM
  5. المفاتيح العشرة للنجاح
    بواسطة mr_toxic في المنتدى التنمية البشرية وتطوير الذات
    مشاركات: 13
    آخر مشاركة: 23-12-2007, 03:38 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •