بلاش احسن المنتدى متراقب وأرقامنا في الكشوف معروفه
السؤال اللي بـ 7 درجات ده حلو
النقطة الواحدة بـ 1/3 درجة
الواحد يقعد يحل أسئلة في صفحة ولا حاجة ويجي يشوف هو حل ايه
يلاقيه 3 درجات ونص أو 4 درجات
21 أكمل بـ 7 درجات
18 صح وغلط بـ 9 درجات
36 choose بـ 18 درجة
و 18 أكمل بـ 11 درجة
أسئلة الاختياري كنت باستخسر أكمل قراية بعض الجمل للآخر
لأن عشان أقرأ الجملة وأفكر في الاختياري وممكن أكتر من إجابة .. وفي الآخر كل ده بـ نص ردجة
ايه يا دكتور حضرتك نسيت تقول سؤال الــ serology اللي كان محتاج لوحده نص ساعة لما تكون بتكتب بكل الحواس اللي تمتلكها عشان تجاوبه كويس وفي الآخر 8 درجات لأنه in details
انا هداني التفكير اني اسيب اول 3 اسئلة دول للآخر عشان اكون براحتي ومكنتش عارفة ان اللي جاي العن واضل نسيت فيها اللي stages of syphilis
لا ونسيت كمان الفرق بين الـ endo & exotoxins مكنتش عارفة مين اللي بتطلع منين لا والله حرام حرام دا سؤال فرخة تجاوبه
حسبي الله ونعم الوكيل دا انا كنت بكتب بخط انا نفسي مش فاهماه ومكنتش بكمل الكلمة
يارب عليك تعبنا
انا اول مرة اعيط بعد امتحان من يوم امتحان التفاضل وحساب المثلثات بتاع تانية ثانوي يااااااه حرقة دم انك تكون عارف ومش لاحق تكتب
ولكن قدر الله وما شاء فعل اللهم لا اعتراض
اللهم لك الحمد كما ينبغي لجلال وجهك ولعظيم سلطانك
التعديل الأخير تم بواسطة إيمان حمدي ; 27-06-2010 الساعة 04:52 PM
الله جاب الله خد
الله عليه العوض
مش قلتلكم قبل كدا والله عايزه تولع
لما اجل الجيش بقى بمزاجى
بكرة نفتكر المواقف دي و نضحك عليها كتير
و نقول يااااه يا ولاد دة احنا اتذلينا في كلية الصيدلة ذل ..
-----
أنا كمان و الله في امتحان البابليك كنت بستخسر أقرأ الاختياري أبو نص درجة ..
و الأكمل أبو ثلث درجة دة حكاية ..
و مطلوب نكتب كل شيء عن الـ serology بسبع درجات باين
أوكازيون محصلش , كل حاجة في مصر بتغلى في السعر الا أسئلة البابليك كانت يا بلاش
سنة ثالثة بقى جايلهم أسئلة الفارما السؤال بدرجتين و نص ..
يعني هو مفيش وسط , يا اما فووووق يا اما تحتتتتتتت
لا حول ولا قوة الا بالله
معلش يا جماعه ربنا يعوضكم خير .. بس صدقوني القسم ده صحيح امتحاناته بتبقى طويله وساعات بتبقى صعبه لكن درجاتهم وتصحيحهم بيبقى كويس جدا .. انا مش بقول كده عشان اطمنكم وخلاص بس بجد دي حقيقه وحصلت معانا فعلا في سنه تانيه .. الامتحان جه طويل جدا وتوزيعة الدرجات كانت غريبه لدرجة ان السؤال شورت نوت يكتب فيه صفحه كامله ويبقى عليه درجتين .. واول 3 ورقات كانوا mcq تتوه فيهم وياخدوا منك وقت كبير وفى الاخر يبقى عليهم 25 درجه بس .. والصفحه الاخيره اللى توصلها بعد ساعه ونص من الامتحان عليها 55 درجه لواحدها ..
لكن فى الاخر الدرجات كانت كويسه جدا .. وقليل جدا اللى شالوا الماده .. حتى اللى اعدوا كانوا معديين في الماده ..
مادة وانتهت بلا رجعه باذن الله .. ركزوا بقى فى الصناعيه مفيش وقت
ربنا معاكم
ما احنا كنا كده برضه في تانية، بس ده ميمنعش ان الامتحان مش حلو، يعني طويل جدا، توزيعة الدرجات سيئة، ده غير اني شفت حاجات غريبة في الامتحان بس مش كتير ويمكن انا اللي مشفتهاش وانا بذاكر
من أول الامتحان وانا بحل وحش، باختصار وبخط وحش جدا لأني شايفة الامتحان طويل والدرجات اللي بكتب فيها قليلة اصلا
ان شاء الله الدرجات هتكون حلوة وهنعدي كلنا،، ده احنا غلابة
بس الحق يقال، الورقة تقسيمتها حلوة، و ترتيبها كويس الى حد ما،، كل الاسئلة اصلا كانت طويلة وبدرجات قليلة
عموما يا د/محمد اللي حصل ده ميجيش حاجة جنب اللي بيحصل لكم السنة دي، بحس انكم دفعة محظوظة اوي
نص ساعة !!
بفضل الله وحده قعدت فيه ساعة إلا ربع = 45 دقيقة كاملة
سألت الدكتور وائل في البداية قالي اكتب كل حاجة
أطلقت لقلمي العنان وقعدت أكتب ونسيت نفسي ، بعدها جيت أبص في الساعة كنت عامل كدة
بدأت أجري في الحل عشان ألحق أخلص
بس الصراحة أنا غلطت لما بدأت الحل بجزء الدكتور وائل
بس ده طبعي بامشي دايما على حسب ترتيب أسئلة الامتحان
بس أظن إن اللي بدأ بالـ mcq كان ممكن يكون في مشكلة ( مجرد توقع )
لأنه هيحل الـ mcq براحته ويفكر في كل واحدة وياخد وقته
ولما يخلص هيلاقي قدامه وقت قليل للأسئلة المقالية
No comment
أسوء امتحان امتحنته من اول ما دخلت الكلية بجد