هل الصيادله فعلا بقالين ؟

[kannoone]

اااااااااااه طبعا فى ناس قالوها ليا وكذا مره يعنى
كان حد ف طب وقال مبروك وان شاء الله عقبال بكالوريوس البقاله
للاسف اللى بيقول بقاله دى مش ناس مستواها التعليمى قليل لكن للاسف معظم الى بيقولها
ناس المفروض ان مستواها العلمى والثقافى راقى جدااا ده المفروض لكن للاسف بقى
فعلا والله الي بيضايق ان هم متعلمين طب مثلا لكن الي بيستفزني فعلا لما بيقولها صيادلة يبقي هيغيروا فكر الناس ازاي طالما هو مش عارف قيمة نفسه او مش عايز يخلي لها قيمة ؟؟؟؟؟؟؟؟؟؟؟؟
اما عن شعورى وقتها ههههههههه ف ده بجد يرجلع للظروف وقتها ويرجع مثلا الى بيقول كده بنت ولا ولد
والكلمه اتقالت فين وازاى وتحت اى ظروف عشان بجد رد فعلى هيكون مصيبه لو اتهورت
شعوري وقتها حسب الشخص لو فعلا مش عارف يعني ايه صيدلي لكن مستعد انه يسمع ويفهم والله بحاول افهمه حتي لو اعدت وقت طويل .
اما لومش عارف ومعندوش استعداد يفهم وعايز يتريق مبضيعش وقتي اصلا معاه في اني افهمه وبرد عليه نفس الرد حتي لو كنت مقتنعة بمهنته يالله بقه رخامة برخامة .
امابقة لو مش فاهم وانا متاكدة انه فعلا ثقافته علي اده بقوله اه فعلا معاك حق( من ورا قلبي طبعا )
بس اكيد اى كان رد فعلى انا مش هفضل بقى امسك واحد واحد واقول اصل يا جماعه الصيدله دى مهنه حلوه واشرح بقى مميزات صيدله والشغل الى ممكن نشتغله بعد كده ومكانتا بعد كه كل الكلام ده
بصراحه بزهق اقوله خلينا نرد عليهم بشغلنا بعد كده ان شاء الله لان بصراحه الصيدلى وخاصه صيدلى المجتمع الى عنده صيدليه هو الى بيهين مهنه الصيدله فاتح الصيدليه وموقف فيها ناس ماشاء الله
خرجين الدبلوم العالى ههههههه ووقفين بقى ويتعاملوا على انهم صيادله وحاجات من النوع ده كتير
بجد يا جماعه المهنه بتاعتنا محترمه جداا وراقيه جداا بس احنا المفروض نحافظ عليها وعلى مظهرنا كصيادله

ده الكلام المفيد الي انا بجد مقتنعة بيه .
بجد الموضوع جميل جدا آسفةفعلا علي الاطاله.

[جمال الشافعي]

يا جماعه يا ريت محدش يتضايق خالص والله انا عن نفسي سيبت طب ودخلت صيدله بمزاجي وبحمد ربنا اني مدخلتش طب بس ياريت محدش يضايق نفسه من اي حوار في الموضوع دة لان غالبا اللي بيقول الكلام دة مش عارف اي حاجة عن الصيدله اما عن فكرة الاطباء اللي بيتكلموا عن الصيادله وحش فدة مثلا ممكن اصنفه انه غرور ودي حاجة مش كويسه بالنسبه لبتوع طب بس تخيل انت انه مكانش فيه صيادله وكان فيه اطباء بس هل كان ينفع ؟؟؟؟ فكر شوية ان كل واحد ليه تخصصه وشغله الصيادله ياموا بينقذوا حياة نااس وفي مواقف كتير جدا

[جمال الشافعي]

اكيد الموضوع يضايق بس التجاهل للي بيقول كدة اعتقد انه افضل حل وكل واحد يحاول يثبت انه مش كدة ويصحح الفكرة دي ومن غير ما يتضايق ولا يضايق حد

[جمال الشافعي]

ولا يهمك يا دكتورة اكيد كلنا بنستفيد من الاراء والمناقشات والمشاركات

[dr_chamommile]

السلام عليكم ورحمة الله

ازيكم يا دكاترة

انا بصراحة بكتب ونا متضايقة جدا
قلت مش هفضل متضايقة كده انا هدخل المنتدي وافضفض لاخواتي لاني بجد اتخنقت

كل كام يوم تتعرض لكلام يضايق بقي كل ده اتعب وادخل صيدلة وفي الاخر ييجي شخص ما يتكلم ويقول هتبقي ايه في الاخر
بيااااااااع وبكل استهزاء مش مراعي شعورك مثلا

او ان ده حقيقة واقعة فشايف ان ده الطبيعي بتاعك انك تسمع ده

بقي نتعب كل ده يا دكاترة والاخر ييجي حد يقول كده

انا عارفة طبعا ان اللي بيتكلم مش فاهم حاجة ولا مدرك اصلا بس في الاول كنت بتكلم واشرح ايه الفرق بين الصيدلي واي حد دبلوم واقف في صيدلية لكن دلوقت بصراحة مبقتش استحمل ارد كل شويه واشرح ولا عارفة اعمل ايه ولا اكون بارده لما تتقال كلمه زي دي

والعجيب انها ممكن تتقال من ناس قريبين منك

فمش معقول هترد رد يضايق
مش عارفة بصراحة ايه ده

انا عارفة ان الموضوع ده اتعرضنا ليه معظمنا وكتبنا فيه هنا علي المنتدي اكتر من موضوع لكن

ايه الحل ياريت يا دكاترة تقولو ايه ممكن نعمله نرد علي حاجة زي دي بس يريت في اولها

مش عايزة بصراحة عبارات مثالية واني اثبت نفسي او الكلام ده او نبين قيمة الصيدلي ونرجعله مكانته

لا
انا عايزة حل



مع ان الفرق بين طب وصيدلة قليل جدا وناس كتير بيسيبو الطب بمزاجهم لكن الطبيب مش بيتعرض لمواقف زي دي ولا استهزاء زي اللي بيتعرضله الصيدلي

تجاهلت الكلام كتير وشرحت ومزعلتش لكن دلوقت

محتاجة رايكم في الموضوع ده وازاي هيكون ردكم ؟

[dr_chamommile]

يريت يا دكاترة كل واحد يكتب رد فعله وايه الرد المناسب اللي يريح اصل احنا بصراحة مش ملايكة واكيد هنتضايق حتي لو حد قريب جدا جايز منبينش بس بنضايق وممكن اللي بيتكلم برده يكون واخدها هزار بس هزار دمه تقيل

[EverLasting]

وانا بضم صوتى لصوتك يا دكتورة لأن فعلا اتعرضنا للموقف دا كتير ولازم يبقاله حل فياريت اى حد عنده حل يقلنا بسرعة؟؟

[dr mima]

يا جماعة انتو مضايقين نفسكو على ايه
مانتو اصلا لو مقتنعين بالمهنة دى و لا حد هيقدر يضايقكو
الناس تقول براحتها لان دول يا اما بيبقو متغاظين او مش فاهمين لانه لو فاهم هيعرف ان دى مهنة انسانية جدا
و ف نفس الوقت مهمة جدا
و بعدين ليه سمونا دكاترة و ليه مينفعش حد يفتح صيدلية رسميا الا لو كان دكتور صيدلى
و ان شاء الله احنا اللى لازم نغير الفكرة دى خالص
و على فكرة فى ناس كتيرة جدا بتحترم الصيدلى بطريقة فظيعة
ده كفاية لما مريض يخرج من صيدليتك و هو بيدعيلك

[جمال الشافعي]

وانا بضم صوتي لصوت mima

[Messi]

ارجو انكم ما تنزعجوش من العنوان لاني معاكم بمركب واحدة اما بعد .......من يومين ذهبت و صديقي د محمد سليمان الي احدي المكتبات لتصوير بعض الاوراق الدراسيه و عندما انتهي صاحب المكتبة من التصوير ..سألني سؤال "دخلت كلية ايه ؟؟" فرديت عليه " دخلت صيدلة " وانا امتلأ بالزهو ..منتظرا كلمة تقدير لتشجيعي .......فضحك الرجل ساخرا وقال "يعني هتبقي زميل يعني ههههههه" فلم يدع صديقي رده حتي قال له "هوه يعني مفيش الا ان الصيدلي يفتح صيدليه ما ممكن يشتغل في شركة ادوية" فرد الرجل ضاحكا مرة اخري "دا دلوقتي شركات الادوية بيشتغل فيها المهندسين ..يظبطوا فيها الالات " .........ثم راي البالطو الابيض فقال ساخرا: "اه ده بأه بالطو الشهره صح ؟؟؟" قاصدا تشبهنا بالاطباء ....................لم نزد الحديث معه طويلا حتي قال :"ما تزعلوش مني انا بس بشجعكم يا رجاله ههههههه" وخرجنا ننقد هذا الرجل ونعيد ما قاله علي انفسنا ...............خلاصة الحكايه هل الصيدلي زي البقال في الصيدلية ؟؟؟ هل احنا بنقول لنفسنا لأ لكي نطمئن انفسنا وخلاص ؟؟ ولو كان أه هل كانت هتبقي من كليات القمه ؟؟؟؟ .............انا عن نفسي بدأ بعض الناس زي الراجل ده يحبطوني والله وانا متضايق جدا جدا جدا من مثل هذه المواقف .......بدل ما الرجل العادي يشكر الصيدلي علي انه ممكن في يوم يكتشف نبات او دواء لعلاج شيء ما عاد بيسخر منه ؟؟؟؟؟؟؟؟؟؟؟؟؟؟؟؟؟........