كلام الناس(ارجو التفاعل مع الموضوع)

[qamar el zaman]

مــشــكــلــه اســـمـــهـــا ،
كـــــلام الــــــنــــــاس

ارجو ان تفيدونى بارائكم فى الموضوع دا عسان موضوع الناس اللى عماله تتكلم على بعضها زاد اوى اوى وللاسف كتير مش بياخدو بالهم انو حرام انك تتكلم على حد كدا مش تعرفو المهم مش هطول عليكم

من هم الناس الذين نخاف من كلامهم ؟

ولمـاذا وصل بنـا الحال إلى الخوف منهم إلى هذه الدرجــه ؟

هل من المعقول أن نضطر لفعل أشيــاء لا نرغبهـا .. من أجل إرضـاء النـاس ؟

العاطل عن العمل يخشى من كلام الناس

المطلقه تخشى كلام الناس

وكذلك العانس
الفقير يخشى الناس وكلامهـم

تتعدد الأسباب التي من أجلهــا نخشى من النـاس وكلامهـم

ألم نسأل أنفسنــا لماذا هذا الخوف ؟

هل هو فعلا ً خوف من كلام النـــاس

أو إنه خوف من المظهر الذي سنظهـر به أمام هؤلاء النـاس

فالكثير منــا يود الظهور بالشكل الذي يحبه ويرغبه

لكنه يخشى من ردة فعل النـاس ومن كلامهـم

ماذا سيقول النــاس عنه ؟

وماذا سينظرون إليه مستقبلا ً ؟
وبذلك يخسر طموحـه ، ورغبته في الظهور بالشكل الذي أراده

وذلك كلـه بسبب خوفه من نظرة النــاس وكلامهـم

الحديث يتشعب أحبائى الكرام

وأعلم أن لكل شخص منكـم رأي ، ووجهـة نظر حيال هذا الموضوع

لن أطيل عليكــم ، وسأترك لكــم المجال ، للحديث ، ولمنـاقشة هذه المســأله

ولعلي أختـم حديثي ، وطرحي هذا ، بقصه قصيـره

تذكرت قصه جحا ليثبت لإبنه أن كلام الناس غـاية لاتدرك

مشى جحا وابنه مع حـمـارهما فـ انتقدهم النّاس لإنهم لم يستغلوا وسيله النقل الحمــار

فـركب جحا وابنه على الحـمـار فـ انتقدوهم النّاس بعديمي الرحمه كيف يركب 2 على حمـار

نزل جحا وترك ولده فـ انتقدو الناس الابن .. وقـالوا إنه ولد عــاق

نزل الابن وركب جحا فقـالوا عن جحــا انه لايرحم وأنه قـاسي على ابنه

قـام جحـا وابنه وحملـوا الحمـار وهم يمشون ، فضحك النــاس عليهم لبلاهتهــم

أحبائى الكرام

إنـ رضـــــــى النــــــــاس ، غــــايــــة لاتـــدرك

[MaHoRa]

فعلا يا دكتور والله لو الواحد فضل يسمع كلام الناس او يخاف عليهم مش هيعرف يعمل ايه ولا ايه وعلي فكره محدش هيسيب حد في حاله

بس بدام الواحد واثق من نفسه وعارف هو بيعمل ايه ومدرك نتيجه اي خطوه بيعملها ومستعد يتحمل نتيجتها يبقي خلاص ملناش دعوه بكلام الناس والي يتكلم يتكلم والي بيقعد يتكلم ده بيبقي عنده نقص


وشكرا يا دكتور علي طرح الموضوع ومستني باقي الاعضاء

[AMERAL]

السلام عليكم

ميرسى يا دكتوووورة على الموضوع لانه موضوع هااااام ومنتشر كتيييير

بس هو طالما الانسان مش بيعمل حاجة بتغضب ربنا او حاجة غلط يبقى كلام الناس مش يضعه ف اعتباره او يأثر فيه ...

لان الانسان بيتبع منهج الله والرسول مش منهج الناااااااااس

والواحد لو التفت لكلام الناس هيتأخر مش هتيقدم خااااااالص.....

وكما قال الشاعر جورج وسوف كلام الناس ولا بيقدم ولا بيأخر

تقبلى مرورى

[mayoya]

السلام عليكم جميعا الموضوع ده حلو اوى وانا راى ان الواحد ايلى هيضع كلام الناس ادام عينيه هو الخسران علشان مش هيعمل ايلى هو عاوزة وبعد كده هيندم على ان معملش ايلى نفسه فيه بس بشرط انه ميغضبش ربنا ويبق راضى من جواه على افعالة وكمان كل واحد هو ايلى يشيل مسئولية افعاله وياريت كل واحد يبص لافعالة احسن

[qamar el zaman]

ميرسى اوى اوى يادكاتره على المرور بجد
وارجو ان اسمع اراء باقى الاعضاء فى الموضوع دا

[Bright_Eyes]

اولا شكرا على فتح الموضوع ده لانه فعلا فى غاية الأهمية
اللى هيمشى ورا كلام الناس عامل زى اللى بيحفر حفره ويرمى فى اللى حفرها قبلها من الأخر عامل زى اللى واقف عند سفح الجبل وبيتخيل ويتوهم انه بطول نظره للجبل ممكن يبقى على قمته بالرغم من ده ما اتقدمش خطوه لقدام بالعكس ده بيرجع لبعيد عشان يشوف الجبل كله "من ابتغى رضا الناس بسخط الله عليه غضب الله عليه واسخط الناس عليه ومن ابتغى رضا الله بسخط الناس عليه رضى الله عنه والقى محبته فى قلوب عباده "وبعدين مستحيل حد يقدر يرضى كل الناس وده طبعا لأختلاف الشخصيات والطبائع اللى المفروض نعمله هو اننا نحاول نرضى ربنا فى كل حاجه بنعملها ونتوكل على الله
اللى هيمشى ورا كلام الناس كل ما يمشى خطوه لقدام هيرجع عشره لوره ده لومشى لقدام اساسا ,بس مش معنى كده اننا ما نسمعش كل كلمه تتقال لنا ممكن احنا نبقى غلط احنا برده بشر وممكن قوى نغلط والشورى طبعا شئ مهم بس مع اهلها "اهل الحكمه والخبره والعلم والرأى السديد "مش أى حد يقولى اى كلمه امشى ورا الكلام يعنى مثلا بالنسبه لكلام الشباب والبنات ناس سقول عادى ده easy خالص دى مجرد صداقه بريئه وفى ناس طبعا بتقول انه اكيد حرام لان ما فيش اى صله او علاقه شرعيه وخلونا نقول ان التعامل فى حدود االأدب ممكن بس ده لو فى سبب اصلا للتعامل مش كده من غير اسباب وتقولى "اصحاب" ............احب اسمع رأيكم عن النقطه دى أنا مش متشدده والله بس الحياء والأدب فين يعنى أمال تقولولى البنت وشها يحمر لو حد بس بصلها وهى واقفه تتكلم مع الولاد ليل ونهار ده الواحد بيبقى نفسه يختفى لوحد بصله او كلمه *"فى حدود الأدب".........وآسفه على الأطاله

[dr..asma]

طبعا انك ترضي كل الناس مش هتعرف + مش هتقدر " بس الاهم ترضي ربنا الاول"

[NonY]

سلمى موضوعك جميل و عايزة اقول ان
اكيد كل حد فينا م اللى شافه ف حياته فهم كويس ان نقطة ارضاء الناس
كلها دا شىء مستحيل
حتى لو نجحت ف ارضاء بعض الناس بأسلوب معين .. نفس الأسلوب دا مش هيرضى باقى البشر
لأنهم ببساطة مختلفين ..

عشان كدا الإنساس العاقل هو اللى يدرك الفكرة دى و بسرعة يشيل الناس خالص من دماغه و يعمل بس اللى ربنا يرضى بيه و ميحاولش كمان يدور على اعحاب الناس حتى لو مبيعملش حاجة حرام لأنه هيتعب و ف الاخر مش هيوصل للى هو عايزه

و شكرا يا سلمى على موضوعك الجميل دا و المناقشة الحلوة

[dr,mona]

أن كلام الناس غـاية لاتدرك

إنـ رضـــــــى النــــــــاس ، غــــايــــة لاتـــدرك

الكلمة دى عجبتنى اوى

و أول مرة أخـــــــــد بالى منها

وفعلا عمر ما حد هيقدر يكسب رضا الناس كلهم مهما عمل

والاحسن اكسب رضا نفسى بدل ما اكسب رضا الناس

والاهم كمان رضا ربنا اللى اهم واعلى من اى ناس

وعلى الرغم من ان فى حاجات كتير بنسمعها عن الناس يعنى مثلا

((كل اللى يعجبك والبس اللى يعب الناس))

((ولو عملت كذا الناس هتقول اية ؟؟))

ولو.............. ولو ..........زولو ..........ولو ............

حاجــــــــــــــات كتير

بس فعلا بحس انها عادة اتعودنا عليها

لازم ما نعملش كذا عشان الناس هتعد تتكلم

ولازم نعمل كذا عشان كل الناس عاملة كدا

بس المفروض نعمل اللى احنا عاوزينة وما نفكرش فى حاجة

غير انها مش حرام او مش غلط ومش هتغضب ربنا بس

مش نفكر فى كلام الناس

وسورى ع الاطالة

واتمنى تقبلى مرورى

وميرسى على طرح الموضوع

[qamar el zaman]

ميرسى اوى على المرور يادكاتره بجد ونا سعيده بالاراء دى لان الموضوع فعلا محتاج للمناقشه الجاده كمان