دعوة للمناقشة
السلام عليكم ورحمة الله وبركاته
ياجماعة أنا كتبت الموضوع دا وعندي أمل اننا نتناقش فيه ..نقاش بناء بحيث نستفيد منو كلنا
ورجاء محدش يطلع من الموضوع الا لما يقول رأي ...((بس طبعا ف حدود الادب والاحترام وعدم تجاوز الحدود ))
دي كانت اول تجربة ليا ..ولدفعة أولى ف الامتحانات الشفوي ....
أنا هقول رأئي وهستنى منكم الردود
انا حاسة ان الدرجات دي ظلم....أولا لانها مش بتقيس مستوى الطالب نهائيا لانها بتختلف من لدكتور للتاني وانترنال او اكتسرنال ودكتور أسألتو سهلة ودكتور أسألتو صعبة
وتختلف برده من الاسئلة لطالب او الاخر
واهم حاجة الواسطة ....محدش ينكر اللي بيحصل ف لجان الشفوي ولا التوصيات اللي بتيجي ولا الواسطات
دي وصلت لدرجة ان العامل بيدخل بالكارنية والكارت الشخصي ل سين من الناس يادوب الدكتور يوقع على الكارنية ان الطالب دا امتحن ويحطلو الدرجة النهائية اكيد يعني من غير حتى ما يسمع صوتو ولا يشوفو كشكل
ليه؟؟؟؟؟؟؟؟؟؟؟؟؟؟
ليه بجد وصلنا للمرحلة دي ...السؤال هنا موجه للدكاترة والمعيدين واعضاء هيثة التدريس
(ولكل قاعدة استثناء)
عشان المجاملة ....بنت دكتور او ابن صديقي ؟؟ يبقى حد من اقاربي؟؟
فين العدل ؟ فين المساواة؟؟ فين ضمير الدكاترة وهيا بتحط الدرجة دي؟
الظاهر بجد ان فيه ناس كتير نسيت انها ممكن تتحاسب على الدرجة اللي بتحطها
درجة ممكن تسقط طالب وتخلي طالب يرتب على الدفعة
واحذر من المظلوم سهما صائبا واعلم بأن دعاءه لايحجب
ولامتي هيفضل الوضع كدا؟
الواسطة هتختفي ؟ مظنش
الشفوي يتلغي ؟ مستحيل
الكل يتساوى؟ مش عدل
مش حرام اللي بيحصل دا ف لجان الشفوي؟؟
طبعا غير الدوشة وعدم النظام وبالاخص شفوي الصيدلانيات الناس اللي كانت بتمتحن ف المعمل وغيرو وغيرو
زمان كان الدكتور ليه هيبتو الجامعية اللي بتتلاشى من اللي بنشوفو
يبقى ايه الحل دلوقتي ؟.؟
دا السؤال اللي طالبة اجابتو من كل طالب او عضو هئية تدريس هيقرأ الموضوع
رد مع اقتباس
المشاركة الأصلية كتبت بواسطة 2nd_potter
.... بس بالرغم من كدة من و أنا فى أولى اتعلمت أنى مفكرش فى الشفوى دة على أنه امتحان و ياترى الدكتور دة هيدينى درجة عالية و لا قليلة ...... لكن بيبقى كل تفكيرى فى المادة على بعضها ... 
... متحطيش فى دماغك أنها مشكلة كبيرة أوى .. و توكلى على الله 
