شيت لكل ماده

[DR DOOLA]

انا بصراحه عايز ان كل قسم يعمل شيت فى مادته و يبقى عليه درجات بسيطه و منه نلم المنهج عشان اخر السنه تبقى العمليه سهله
بالظبط زى شيت التحليليه اللى كان على اول خمس محاضرات كده انا مش هابقى حامل هم التحليليه
ف لو ده اتظبق فى كل قسم
هنذاكر
studying under pressure is better
و انا برده مع فكرتك يا دكتوره بوسى ان القسم ينزل اسئله ييجى منها جزء فى الامتحان و مش الامتحان كله عشان كده الطلبه هتحل الاسئله اللى القسم منزلها و مش هيذاكرو الباقى

[إيمان حمدي]

ما شاء الله عليكي يا بوسي فكرة ممتازة وانا موافقة جدا جدا جدا

العملي يتخصص له 50 درجة و الشفوي 40
و كده البابر النظري هيبقى من 60 درجة

اعتقد كده ممكن يبقى اريح بالنسبة لينا و نعرف نجمع درجات

و يا ريت كمان لو يعملوا النجاح من 50% .. و الرئفة 10%
يبقى يعني عداهم العيب

بلاش نكون طماعين يا دكتور لأن الكلية فيها لائحة وقوانين مش هينفع نتجاوزها وبعدين كدا مش في مصلحتنا خالص لما يكون الشفوي 40 وتدخل عن دكتور يديك20 يبقى لزمتها ايه انت مع نفسك في الورقة وربنا يطلق السنتنا في الشقوي وبلاش فضايح

[muna7assan]

جماعه انتم فهمتوا قصدى غلط انا قصدى القسم ينزل اسئله واحنا براحتنا نحلها مش يبقى امتحان وعليه درجات لا ده يبقى عادى زى تقويم ويجى عليه جزء كبير فى النظرى

انا فهمت غلط



اسفه يا جماعه

بس برضو فكره حلوه انى اشوف نماذج للأسئله قبل الامتحان

واعرف الامتحان هيكون شكله ازاى

[Larine_Resala]

طب وليه مش يكون عليه درجات والدرجات دي تتاخد من ال80 بتوع النظري ومالناش دعوة خالص بدرجات العملي والشفوي

[عبدالله عبدالرحمن]

كنت اتمنى اشوف اراء اعضاء هيئة التدريس
الموجودين على المنتدى
واضح من الأستفتاء ان عدد كبير
راغب فى الفكرة
طيب ايه هى الأجراءا الممكن نتخذها عشان تبقى الفكرة واقعية ومنفذة
ياريت نعرف

[Larine_Resala]

واضح من الأستفتاء ان عدد كبير
راغب فى الفكرة
طيب ايه هى الأجراءا الممكن نتخذها عشان تبقى الفكرة واقعية ومنفذة
ياريت نعرف

بيتهيألي ممكن تتعرض بعد كدا على دكتور محمود بكر

[Hope1]

الفكرة حلوة عشان بس نعرف طريقة أسئلة الامتحان اما انها ييجي منها الامتحان صعبة دي
لان الفكرة لو اتنفذت هيبقي شامل المنهج كله.ربنا يعيننا السنة دي ان شاء الله.

[ELANDALEEB]

طب ياجماعة مانخليها midterm زى طلبة كلية الهندسة
كلنا من اول الترم نكون مستعدين ان فيه اسبوع فى منتصف الترم
يبقى امتحانات بس على كل المواد وميبقاش فيه محاضرات ولاسكاشن
وفى نفس الوقت يكون عليه الدرجات اللى بتكون علينا فى الشيت وبكدة جميع الطلبة هيعملوا حسابهم للميدترم ده وهنزاكر كلنا من اول السنة ... وكمان الكمية اللى ممكن ناخدها بعد الميدتيرم مش هتكون ضخمة اوى بالنسبة لما بنزاكر الترم كله على بعضه..
ده رأيى

[عبدالله عبدالرحمن]

طب ياجماعة مانخليها midterm زى طلبة كلية الهندسة
كلنا من اول الترم نكون مستعدين ان فيه اسبوع فى منتصف الترم
يبقى امتحانات بس على كل المواد وميبقاش فيه محاضرات ولاسكاشن
وفى نفس الوقت يكون عليه الدرجات اللى بتكون علينا فى الشيت وبكدة جميع الطلبة هيعملوا حسابهم للميدترم ده وهنزاكر كلنا من اول السنة ... وكمان الكمية اللى ممكن ناخدها بعد الميدتيرم مش هتكون ضخمة اوى بالنسبة لما بنزاكر الترم كله على بعضه..
ده رأيى

المشكلة ان اللائحة مش بتنص ان فى امتحان ميد ترم
لذلك لايمكن اقتطاع درجات من النظرى
خلينا فى اقتراح الأسئلة الأولانى احسن

[dr/noony]

المشكلة ان اللائحة مش بتنص ان فى امتحان ميد ترم

لذلك لايمكن اقتطاع درجات من النظرى
خلينا فى اقتراح الأسئلة الأولانى احسن

انا مع الفكرة وده اللى كنا بنطلبه من زمان
كل مرة نتكلم عن تطوير نطلب الكلام ده ولا حياة لمن تنادى
بالنسبة للائحة اللى مأخرنا دى انا مش عارفة هى اللائحة دى
قرآن منزل مينفعش تتغير حسب متطلبات العصر
كل دكتور عاوز يغير ويطور تطلع لنا اللائحة وتقول عندك اصل اللايحة والقانون
رحمتك يارب بينا خلاص