انا بجد مش مصدقه
لا لا مش مستوعبه
يعنى انتم عاوزنى افهم ان.......................
طب ازاى
دا تدمير وتعجيز
لازم يكون لينا وقفه
بس بسرعه يا جماعه يلا نلحق نفسنا قبل الوقت ما يتسرق مننا
ومش هقول غير
حسبى الله ونعم الوكيل
انا بجد مش مصدقه
لا لا مش مستوعبه
يعنى انتم عاوزنى افهم ان.......................
طب ازاى
دا تدمير وتعجيز
لازم يكون لينا وقفه
بس بسرعه يا جماعه يلا نلحق نفسنا قبل الوقت ما يتسرق مننا
ومش هقول غير
حسبى الله ونعم الوكيل
انا موافقة
اه موافقة
موافقة ان كل يومين نمتحن مادة
بس بشروطنا احنا ومعاييرنا احنا
بمعنى
احنا عندنا المادة متقسمة كل دكتور جزء
اهو انا بقا ممكن اوافق فى حالة انهم يمتحنونا كل يومين فى جزئية دكتور غير كدة فلالالالالالالالا والف لالالالالالالالالالالالالالالالالالالالالالا
او ممكن
يخففولنا المنهج
بس مهما حصل عمر المنهج مهما خف ينفع يتزاكر فى يومين والكلام دة ينطبق على كل المواد
يا جماعة دة الواحد بيبقى متبهدل طول السنة سكاشن وشيتات ومرواح هنا وهنا
والكام يوم اللى قبل المادة هما اللى بنقدر نجمع فيهم المادة وبنركز فيهم بعد البهدلة اللى الواحد بيبقى فيها طول السنة
__
انا مش فاهمة الناس اللى بتدافع عن الحكاية دى بتدافع ازاى يعنى؟
الموضوع مينفعش ييجى فجاة كدة اصلا
طلعت فى دماغهم يعملوا الامتحانات كل يومين يبقوا يعملوها!
فين الدراسة للموضوع دة ونتايجه واسلوبه والمواد اللى محتاجة تتغير عشان تلائم النظام دة
بقالنا سنين ماشيين على النظام دة
وفى يوم وليلة عايزين يغيروه!
فين الاستفتاءات الطلابية للطلبة اللى هيمتحنوا دول
هل مش من حقنا نقول راينا؟
مش من حقنا نقرر؟
ولا احنا طلبة صغيرين ابتدائى ولا ثانوى!
انا رايى اننا نعمل خطوة ايجابية كلنا
ومن هنا بقا هيبان شغل الاتحاد اللى المفروض يبقى واقف فى صف الطلبة او راى الاغلبية على الاقل ولا انتوا مش معايا؟
واعتقد ان الاغلبية مش موافقين تماما على اللى بيحصل دة
بس برضو بعيدا عن الاتحاد والكلام دة
كل واحد لازم يبتدى يفكر احنا ممكن نعمل ايبه
هنجمع توقيعات نجمع
هنوصل صوتنا
ونعمل وقفات احتجاجية وماله
اصل لو معرفناش نعمل حاجة فى الموضوع دة وهو بسيط
يبقى احنا زى قلتنا
ويارب نقدر نعمل حاجة
ومنبقاش زى اللى بينفخوا فى ابرة مخرومة
واسفة على الاطالة
طب احنا عايزين نشوف حد من الاتحاد يقولنا ناوين يعملوا ايه
انا بقول كده برضه
يا بوسى انا بقالى 5 سنين فى الكلية مبشفش الاتحاد ده بيعمل حاجة
غير جمع الفلوس فى بداية الدراسة عشان الدواليب
عمره مكان بيحل ولا يربط على رأى الرئيس معمر القزافى ديكور والله
اى ان كان الوضع ده محتاج وقفة مننا احنا قبل الاتحاد ده مستقبلنا
لو عملوا كده احنا بنقضى على مستقبل حضور المحاضرات
والقلة اللى بتحضر ومنتظمة اول ناس هتروح تاخد دروس
وندور بعدها بقى على الجودة والاعتماد ................
دا انا كنت لسة بفكر فى اقتراح جديد لتغير نظام الامتحانات
بس الظاهر انهم سبقونى ..............................
قرار بين عشية وضحها ومن غير دراسة ابتسم انت على ارض الكنانة
ياريت يا جماعة نبدأ بسرعة لأن الامتحانات مش بعيدة أوى و اذا كانت امتحانات العملى فى شهر 12 يبقى لازم نتحرك أسرع علشان مش هنعرف نعمل حاجة أثناء امتحانات العملى و ان شاء الله لو اتفقنا بالاجماع على جمع التواقيع أو غيره فأنا متأكدة ان شاء الله ان مفيش حد هيمانع بس احنا نبدأ نتحرك
الاتحاد اللى مالوش لازمه ومبيعملش حاجه مش ساكت ..
كنا امبارح عند الدكتور احمد بيومي شهاب الدين رئيس الجامعه نفسه .. ونقلنا له كل حاجه .. وفهمناه اننا كليه عمليه وكمان غير كلية طب اللى بيعيشوا حياتهم فى الروندات وكمان بياجلوا وبيعرفوا يصرفوا امورهم ..
بلاش نقعد نقول كلام وخلاص .. سهل اوى اقولكم يللا نعمل توقيعات ونجمع ونحتج .. بس كل ده على الارض ولا هيعمل حاجه ..
لو ده اللى يريحكم يللا بينا .. وانا اول واحد همضي .. بس محبش اقولكم مصير الورق ده هيبقى فين ..
احنا دكاتره والمفروض منبقاش ثوريين على الفاضي وخلاص ..
اتحاد الجامعه هيتم تشكيله يوم الخميس الجاى بعدها هيكون فيه خطوات ..
عيبنا اننا بنبقى عاوزين واحد يطلع قدامنا وعروقه كلها تطلع من الكلام ووشه يحمر وخلاص .. لكن نبص ايه اللى هنجنيه من ورا ده .... صفر !!!
ياريت متحرمونيش من كلمة الاتحاد مالوش لازمه .. بحب اشوفها فى كل توبيك ادخله
فى انتظار أى خطوة عملية ومجدية من أى حد....
اتحاد بقى أو مجلس إدراة الجامعة أو مجلس الوزراء نفسه...
المهم..نوصل لحل جذرى للمشكلة دى..
ويوم الخميس مش بعيد....
عايزين حلول مش حل واحد......
ونبدأ احنا بنفسنا يا جماعة ونعمل اللى علينا وربنا موجود ....
ونصيبنا هنشوفه أكيد...
نهدىء بقى شوية....
دكتور حسن قال لى النهارده اللى فى ايد الطلبه الوقتي واكيد .. انهم يذاكروا من الوقتي .. تحسبا لاى حاجه ..