طبعا فكرة كويسة جدا
بس عايزة أقول حاجة مهمة أوى
الورق اللى هيتعمل دا لااااازم عشان الفكرة تنجح يكون له مواصفااات
ورق د.باهر مثلا -مع احترامى- انا عن نفسى مكنش ينفع أزاكر منه
و فى ناس كتير كدا .. كان لازم ورق عملى العقاقير نجيبه و نزاكر منه
ليه ؟ عشان الورق داتا شو و نحس ان الكلام مش منظم
و الصور اللى موجودة مش واضحة بتاخد مكان ع الفاضى
و الورق كان ناقص و مش فيه كل حاجة .. و وارد جدا متفهمش منه حاجة
ورق د.العوضى مكنش له مناافس فعلا .. ليه ؟
لأنه أحسن اختيار لينا احنا نزاكر منه .. الكلام مكتوب حلو ع الوورد
و منظم جدااااااااااا حتى الحاجات المهمة معمول تحتها خط
و الرسومات هايلة و موضحة كل حاجة .. طريقة الشرح نفسها فظييييعة
ممكن الواحد تفوته المحاضرة و يقدر يقرا و يفهم لوحده ..
طبعا الكلام العربى و ال notes اللى كانت مكتوبة كانت حلوة جدااااا و بتفهم و مفيدة جداااا
و كان فيه حاجات متجمعة و جداول حلوة .. يعنى فى ايه بعد كدا ممكن حد يضيفه ؟؟
بالعكس لو كان ورق الدروس نزل كان هيباة أوحش من كدا فى كل حاجة
الورق مكنش فيه حرف ناقص ... من الاخر كانت كل حاجة واضحة فيه
ورق نظرى التحليلية ممكن نقول مكنش ناقص بس كان عايز يتفرد شوية عن كدا
و يتكتب بأسلوب أوضح و أبسط ..
و يكون فيه أمثلة أكتر مثلا .. يعنى نفس الحاجات اللى بتخلينا نجيب ورق الدروس
انا مش بعمل مقارنة بين الدكاترة طبعا
لان كلهم عملوا اللى عليهم و جزاهم الله كل خير
لكن دا كلام لازم يتحط فى الاعتبار كويس أوى قبل ما الفكرة دى تتنفذ
عشان يكون ليها فايدة بجد .. بدل ما يبأة مجهود ع الفاضى من الدكاترة
و طبعا انا تخيلت الموقف كدا لما كل دكتور فى كل مادة ينزل ورق للمنهج بتاعه كاملا + ورق للعملى
.....
طيب ما هو فعلا زى ما سمر قالت .. ليه متكونش دى وظيفة الكتاب ، اللى هى أصلا وظيفته
ان الناس تزاكر منه .. حتى ميبقاش فلوس ع الفاضى
ليه الكتب ما تتظبطش بالطريقة اللى الورق بيتظبط بيها بحيث يبأة ملجأنا الوحيد و الآمن و المضمون للمزاكرة
أعتقد ان الدكاترة لو حطوا الموضوع دا فى دماغهم الكتب هتطلع بصورة كويسة جدا و جذابة و واضحة
و يا ريت كل ال spelling فى الكتب يتظبط لأنى قابلت المشكلة دى كتير فى الكتب و اتصدمت
لأنى كنت فاكرة انى بصحح كل معلوماتى و نطقى من الكتاب و لما لقيت كدا حسيت ان الكتاب اى كلام
مش حاجة مهمة و موثقة كدا ..
و ممكن كمان الكتاب يكون متقسم لجزئين .. جزء اللى احنا مطالبين بيه و هنتسأل عليه فى الامتحان
و جزء تانى من خبرة دكتور المادة و اى حاجة يحب اننا نعرفها عن الموضوع اللى هو بيدرسهولنا و توضيح حاجات و صور للى عايز يعرف معلومات أكتر عن الموضوع و يتخيله أحسن .. بحيث فى النهاية يكون الكتاب مصدر للمزاكرة و فى نفس الوقت للاطلاع و التثقيف
نفسى بجد الرؤية دى تتحقق و نغير طريقتنا الفاشلة دى فى الدراسة
انا بس كل اللى صعبان عليا فى الموضوع ..
مكتبة paper
شكرا يا دكتور ع الموضوع المهمممم