صفحة 2 من 2 الأولىالأولى 12
النتائج 11 إلى 13 من 13

الموضوع: فى مصلحة من ما يحدث ؟ وماذا يعنى لك؟

  1. #11
    Pharma Student
    تاريخ التسجيل
    Mar 2008
    الدولة
    alone on the moon
    المشاركات
    639

    افتراضي

    اقتباس المشاركة الأصلية كتبت بواسطة The Princess مشاهدة المشاركة
    بدايتا اشكرك كثيرا على طرحك للموضوع بهذا الاسلوب لان كان من الممكن جدا اى حد يطرحه بشكل تانى لا ينم سوى عن جهل كاتبه فحمدا لله انه اتكتب بالشكل ده .....
    و هبتدى الرد بالاجابه على اسئلتك :
    هل تتفق مع الحمله التى يشنها الأعلام المصرى والتى تزيد الوضع سوءاً؟؟؟
    بالطبع لا .... اصلا الاعلام المصري اعلام لا يرقى للمستوى الذي يجب ان يكون عليه اعلام دولة بحجم مصر و مكانتها و بالتالى الانسياق وراءه هو جريمة فى حد ذاتها
    هل ترى الحل فى مقاطعة الجزائر وقطع العلاقات معها هو الحل ؟
    لا ... فى حلول تانيه كتير و اللى بتمارسها الدول المتحضرة ممكن تتعمل تضمن لنا حقنا و فى نفس الوقت لا تضر بعلاقات بلدين زى مصر و الجزائر يعنى اذكر لما المشجعين الانجليز قاموا باحداث شغب جامدة جدا فى فرنسا تقريبا ايام كاس العالم 1998 الفيفا بمنتهى الهدوء وقعت عقوبات بحرمان انجلترا من تنظيم البطولة في ما بعد .... بس
    هل فى مصلحتنا ما يحدث أم فى مصلحة من؟؟ وهل كرة القدم كلعبه تستدعى هذه النتائج؟؟؟
    هو اللى بيحصل ده مش فى مصلحة اى حد غير واحد عاوز يثبت ان العرب شوية همج و شعوب متخلفة و اكيد كرة القدم لا تستدعى ذلك مطلقا
    هل التاريخ أصبح مجرد شعارات بلا قيمه لا تأخذها فى حساباتك؟؟
    للاسف بالنسبة لناس كتير بقى اه

    بعد ما جاوبت على اسئلتك احب اذكر ان النبي لما ارسل كانت العرب قبائل و كانوا بيقتتلوا ما بينهم و ما بين بعض و كان كل واحد فيهم معتز اوى بقبيلته و بيقعد يشعر فيها ( زى مشربتش من نيلها كده ) و اى واحد يجيب سيرة قبيلة التانى و لا يعتدى على حد من قبيلة تانيه الحرب تقوم عالطول و الاشعار القبيلة تشتغل ( زى القنوات بتاعتنا ما هى شغاله دلوقتى و جروبات الفيس البوك و المنتديات ) فلما جاء الاسلام لم تعد هناك قبلية بقت الناس كلها مــــــــــســـــــــــلـــــــــمـــــــيــــــــ ــن معدش فيه فرق بين واحد من الاوس و واحد من الخزرج ( حاليا بقى فيه مصري و جزائري و سودانى و لبناني و .... ) كله بقى واحد طالما مسلم بقى اخويا ايا كان جنسه سيدنا بلال كان من الحبشة اصلا يعنى مش عربي خالص لكن و لانه مسلم فاصبح من كبار الصحابة و اندمج فى المجتمع و المجتمع تقبله و هكذا اكمثلة كتير تانيه .....
    الخلاصة :
    لو ان فيه حد من الطرفين داخله ايمان حقيقي مدرك يعنى ايه المسلم اخو المسلم مكنش حصل كل ده ...
    كل واحد قبل ما يشتم لو كان فكر هو بيشتم مين يتهيالى مكنش شتم انت بتهين مسلم و بترعب مسلم و بتضطهد مسلم
    هتلاقى ناس بتقولك هما اللى بدءوا و يستاهلوا و مش لازم نسكت و دى فيها وقفة لعدة اسباب :
    1 - اثناء متش مصر و الجزائر الاولانى اللى كان هنا فى مصر حصل اعتداءات على بعض المشجعين الجزائريين اه مش زى ما حصل فى السودان بس حصل
    2 - كل اللى اتصابوا فى السودان اول عن اخر 21 ( ده من جريدة الاهرام راسا ) و الاصابات كانت ما بين جروح و كدمات يعنى لا حد مات و لا جت له عاهة
    3 - مش عارفه ليه الناس مستغربه من ان قلة فاسدة و منحرفة من مشجعى الجزائر مستهونين بينا دى ناس اصلا منحرفة ده اولا ثانيا ايه الصورة اللى واحد زى اللى مسك طوبة وحدفها على المصريين و هو بيحدف اكيد مكنش متخيل انه بيحدف احمد زويل و لا غنيم و لا فاروق الباز ( ما دى الناس اللى مالهاش لازمة اللى الاعلام عندنا ما بيجش سيرتها خالص ) هو فى دماغه ان بيحدف طوب على شوية بنات منحرفات متجوزين عرفى و شباب مدمن بيسهر طول الليل يحشش و يعاكس الصبح فى البنات صائحا ( هو ده ) و اكيد اتنين تلاته من اللى فى الاتوبيس مرتشين و تلاته اربعه شيوخ نص كم ( ما هو ده اللى شافه فى المسلسلات و الافلام اللى بيقول صانعوها انها بتعبر عن الشارع المصري و واقعه اللى احنا عاوزين نهرب منه ) فاكيد من وجهة نظره حلال فينا الضرب
    4 - عندى حالة من الدهشة قصاد الهوجة اللى احنا عاملينها على 21 مصاب فى علقة ماتش كورة مع ان اى ماتش ما بين الاهلى و الزمالك ممكن يسفر عن عدد اكبر او ماتش تانى ما بين المصري و الا هلى فى بورسعيد اللى بتحرق تمثال الخطيب كرمز للاهلى فى كل عيد قومي بيحضره المحافظ بتاعها طب الناس اللى ثايره دى ما ثارتش على الحاجات دى ليه ؟؟؟؟ و لما المئات من المصريين الغلابه ماتوا غرقانين فى مياه البحر الاحمر بايد واحد راسمالى فاسد و فى الاخر هرب بره مصر بمنتهى السهولة و كان اللى ماتوا دول شوية .... و لا بلاش محدش اتظاهر و قلب الدنيا ليه ؟؟؟ و القنوات ما دخلتش فى بث جماعى تحت شعار فى حب مصر تطالب بحق الناس دى ليه ؟؟؟ و ضحايا كارثة الدويقه ؟؟؟ و ضحايا القطار ؟؟؟ و البنات اللى الشباب بيتحرش بيهم فى الشوارع بمنتهى السفالة بعد كل فوز للمنتخب ؟؟؟ و الخمس عساكر اللى ماتوا برصاص الجنود الاسرائلين على الحدود فى سيناء من كام سنة محدش خرج و زعل و اتقهر علشانهم ليه ؟؟؟؟ و لا علشان دول متولى و سعيد و صبحي و البسطويسى و محمدين يبقوا ناس كخه و مالهمش اى قيمة حتى عند ولاد بلدهم لكن طبعا الناس الهاى كلاس الفنانين بتوعنا و المذيعين و بقية الفرافير اللى مسافرين يرفهوا عن نفسهم و يتفسحوا و يتفرجوا على الماتش من المقصورة و على دماغهم طاقية العم سام بالوان علم مصر و فى اديهم علم مصر made in china يبقى الامر يختلف ... الدولة بالكامل لازم تتقلب و اجهزة الاعلام تحشد و نهدد بقطع العلاقات و سحب السفير ( الا ما عملناها ايام الحرب على غزة او العدوان على لبنان و لا العراق و لا افغنستان) و يطلعوا بكامل اناقتهم يتكلموا و يشتكوا يا حرام من اللى جرى ليهم و هم رايحين يشجعوا المنتخب ( لكن الاطباء المصريين اللى اتجلدوا فى السعودية و كانوا رايحين يجروا و را اكل عيشهم بعد ما ظروف البلد خنقتهم دول مالهمش قيمة و هما اصلا اللى معندهمش كرامة فيستاهلوا ) انما دول ناس ليها كرامة مش زي الباقى فبقى الحاصل زى بالظبط ما يسافر فنان علشان يتعالج بره على نفقة الدول في حين ان هنالك المئات اللى بيموتوا فى مركز الاورام يوميا علشان مش لاقين حقنة تمنها 250 جنيه .....
    اخر حاجه :
    بالتاكيد لست سعيدة بما حدث من الجزائريين و لكن لن يؤدى ذلك لان اكره الشعب الجزائري و لن يؤدى ذلك الى الغضب مما حدث للمصريين لان هناك الكثير من المصريين يستحقون غضبي اكثر من هؤلاء بكل التاكيد
    شكرا و اسفة على الاطالة .................
    هو ده الكلام اللى كنت عايزه أسمعه
    الكلام اللى بسمعه من الإعلام المصرى فى منتهى التفاهه والسطحيه
    زى ما يكونوا بيردحوا
    وفعلاً كانت فين الثوره الإعلاميه دى كلها أيام غرق العباره اللى راح فيها
    1300 مصرى؟؟؟ حتى ممدوح إسماعيل لم ترفع عنه الحصانه لحد ما هرب
    وكانت فين وإحنا بنورد البنات المصريات بره يشتغلوا خادمات؟؟؟؟
    وكانت فين ولينا جنود مصريين ماتوا على الحدود برصاص إسرائيلى(لماذا لم تحدث هذه الإنتفاضه فى حب مصر ورفض إهانه المصريين وقتها)؟؟؟؟ يا جماعه الموضوع فى علامات إستفهام كتير أوى
    مش معنى كده إنى راضيه عن اللى حصل فى السودان من فئه من الجمهور المتعصب الهمجى
    بس اللى أنا مش راضيه عنه طريقة معالجة الموقف؟؟
    يا ريت ما ننخدعش بكلام الإعلام اللى بيشعل النار بطريقه حمقاء
    ونفكر شويه




    شكرا علي الموضوع بس مع احترامي ساظل اكرة الجزائر للابد
    حضرتك ياريت تتابعي جريدة الشروق الجزائرية وتشوفي معني العروبة عندهم وتشوفي بيقولوا علي مصر اية دة لو كتبوها مصر يعني بيكتبوها مصرائيل يني معتبرينا اسرائيل




    وأنا إستحاله أسمع للجريده دى
    لإن زى ما وضحت فى أول الموضوع الجريده دى هى الفتيل اللى إشتعلت منه نار الفتنه
    بس مش معنى كده إن كلام قرأته فى جريده
    تحكم على شعب عربى بحاله بسبب كلام فى جريدة من أبرز الصحف الصفراء بالوطن العربى
    يا ريت يبقى لينا نظره شموليه أكتر من كده


    أنا شايفة الموضوع من ناحية المقالات اللى الجرايد الاسرائيلية منزلها من بعد الماتش واللى من محتواها ان (اذا كان العرب بيعملوا كدة فى بعضهم احنا نتفاوض مع مين!!!!)
    الأظرف من كده إن إسرائيل بتطالب مصر والجزائر بالتهدئه وضبط النفس



    يا غالي انا متابع الموقف كويس .. و الله كل ده ميجيش حاجه من الإعلام المصري عمله
    و وصفهم ببلد المليون و نص لقيط ..!!! و ان رئيسهم يهودي .. و صلت لدرجة ان ممثل مش فاكر اسمه قال بالنص : إحنا منعرفش منهم غير حريمهم ..!!
    و الحثالة .. و غيره من الالفاظ القذرة إللي شغالة بقالها اسبوع على كل المحطات
    و سبحان الله .. الكلام اتغير .. بعد ما كانوا ساعدونا ف حرب اكتوبر .. و احنا لحنا السلام الوطني بتاعهم
    خلاص كله اتلحس ..!!!
    فعلاً
    كل واحد عايز يعمل نفسه وطنى يطلع يشتم ويلعن شويه


    بلاد تئن.. وقهر يجـــــــاهر
    وكنا نـباهي بدم الشهيــــــــــــــد
    فصرنا نباهي بقصف الحناجر!


    روى البخاري ومسلم عن جابر بن عبد الله رضي الله عنهما قال:
    كنا في غزاة ، فكسع رجل من المهاجرين رجلا من الأنصار ، فقال الأنصاري: يا للأنصار ، وقال المهاجري: يا للمهاجرين.

    فسمع ذلك رسول الله
    فقال: ( مَا بَالُ دَعْوَى الجَاهِلِيَّةِ؟ ).
    قالوا: يا رسول الله! كسع رجل من المهاجرين رجلا من الأنصار.
    فقال: ( دَعُوهَا فَإِنَّهَا مُنْتِنَةٌ ).
    عليه الصلاة و أذكى السلام
    وقد عادت دعوه الجاهليه
    خلاف بين فتح وحماس وحروب آهلية بالسودان ولبنان والعراق
    وزاد الطين بله خلاف ين مصر والجزائر بسبب مباراة رياضيه
    إننا للآسف أعداء لأنفسنا
    التعديل الأخير تم بواسطة **SAMAR_RESALA** ; 23-11-2009 الساعة 03:00 AM

  2. #12
    Pharma Student
    تاريخ التسجيل
    Mar 2008
    المشاركات
    136

    افتراضي

    بسم الله الرحمن الرحيم موضوع جميل يا سموره وربنا يكرمك ان شاء الله بس هو مش شايفين قبل ما كلنا نروح المباراه كان فى هدم الاقصى مش من باب اولى كنا نفكر فيها كنا نديلها حقها بس مش مهم الاقصى اد الامباراه صح عموما كلنا هنتسال يوم القيامه على اللى عملناه ليها والاهتمام كان لايه اولى ولما سيبنا الحق اللى نفكر فيه وروحنا لايه مش قادره اقول لانه زى ما هو رياضه كان اولى انها تنمى روحنا للاهتمام بالاقصى مش العكس ولما انعكس تفكرينا كان لازم تكون دى النتيجه تدمير علاقه دولتين ليهم تاريخ جميل فى اتحادهم مع بعض الباطل اخره باطل راعوا الاهم فالهم وبلاش نكره الجزائر لو غلط واحد يمكن مغلطش الباقى وكما قال الرسول التمس لاخيك حتى السبعين عذر سامحوا وفكروا صح عتكونوا صح وبلاش تعصب لان دى بلد شقيق واكيد لازم تكون غاليه علينا والسلام عليكم

  3. #13
    Pharma Student
    تاريخ التسجيل
    Apr 2009
    الدولة
    القلعه البيضاء
    المشاركات
    599

    افتراضي

    ياجماعه انا مش مع الحمله اللى حصلت ضد الجزائر مش كل الجزائر اللى غلطت فينا ان كانت مجموعه غلطت بلاش نحكم ع الشعب كله بس بلاش الكراهيه اللى حصل ده ياجماعه فى اللى بيحاول يوقع بين البلدين ويدمر العلاقات بينهم ويشمتوا فينا واحنا عارفين كويس يعنى ازاى دولتين عربيتين يشتموا فى بعض والدمار اللى حصل وكل ده بسبب ماتش انا مش متوقعه ان السبب ده اكيد فى حاجه تانيه وبعدين المفروض نلتمس ليهم العذر ثانيا المعروف عن الشعب الجزائر ان طريقه الاحتفال عنهم الضرب والتدمير ودى معروفه من زمان فى اى مباراه بتحصل بينزلوا تدمير وقتل اذاكان هم عندهم فى بلدهم لو مباراه محليه بيحصل كده اما لو مباراه كاس العالم كان المتوقع اننا نتوقع ده ليه مش يكون اللى حصل منهم ده كان منظر من مناظر الاحتفال هما طبيعتهم كده


    انا مش بقول الكلام دفاعا عن الجزائر بالعكس انا عارفه انهم غلطوا كتير فينا بس بلاش نظهر كدولتين اعدين ناكل فى بعض والغرب بيتفرج علينا ويقولوا هما دول العرب والله احنا هنتحاسب على اللى احنا بنعمله فى حق العروبه بمنظرنا ده وبالشكل ده مانستحقش يتقال علينا عرب اصلا ده احنا بندور ع اى سبب يفرق مابينا

    باسف ع التكلم بهذا الاسلوب بس ياريت تكون وجهه نظرى وصلت ليكم بشكل صحيح

صفحة 2 من 2 الأولىالأولى 12

المواضيع المتشابهه

  1. رسالة يعنى ايه؟؟؟؟
    بواسطة Alaa_Resala في المنتدى رسالة
    مشاركات: 22
    آخر مشاركة: 01-03-2011, 01:11 AM
  2. وماذا بعد الامتحانات؟
    بواسطة *محبة رسول الله* في المنتدى المنتـدى العـام
    مشاركات: 10
    آخر مشاركة: 10-07-2010, 06:11 PM
  3. حواء .. مصلحة الكون
    بواسطة pharmacistina في المنتدى منتدى المناقشات
    مشاركات: 26
    آخر مشاركة: 18-02-2010, 08:24 AM
  4. لازم يعنى كل مرة كدا ؟!!
    بواسطة HandsomePirate في المنتدى الفرقة الرابعة 2010
    مشاركات: 6
    آخر مشاركة: 24-01-2010, 12:30 PM
  5. يعنى ايه حب؟؟؟؟؟؟؟؟؟؟
    بواسطة sallyelshaer في المنتدى المنتـدى العـام
    مشاركات: 5
    آخر مشاركة: 31-08-2008, 01:58 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •