اننا ليكى بالرمصاد وهتروحى مننا فين هنجيبك هنجيبك او هتجلنا انتى برجليك
ان شالله دريمى جيرل تقعدى ع واحد زيه مريح واعملهولك بايدى ياقطتى
اننا ليكى بالرمصاد وهتروحى مننا فين هنجيبك هنجيبك او هتجلنا انتى برجليك
ان شالله دريمى جيرل تقعدى ع واحد زيه مريح واعملهولك بايدى ياقطتى
الله يكون فى عونك يا سموره وعشان أنا بحبك هسألك شوية أسئله سهله
1-أيه أكتر موضوع عجبك فى المنتدى؟؟
2-أيه أكتر موقف مخجل أتعرضتيله ومش هتنسيه؟؟
3-أيه أكتر صفه شايفه أنها مش حلوه فيكى ونفسك تتخلصى منها؟؟
4-أيه أكتر أكله بتحبيها؟
5- لو حبيتى تقولى كلمة أعتذار - عتاب -شكر تقوليهم لمين؟؟
6-أيه الصفات اللى تتمنى أنها تكون فى زوج المستقبل؟؟
شوفتى أسئله سهله أزاى؟؟؟ أفتكرى الجمايل دى ههههههههههههه
منوره يا شابه كرسى العتراف احنا هنريحوكى احسن راحه وانا مش هسئل زوزو قايمه بالواجب وزياده
بجد يابرتى يعنى انفع ف الحاجات دى واقدم وابقى ظابط بوليس
ايييييييييييييييييييييييييييييييه ده ؟؟؟؟؟؟؟
معلش يا دكتوره summer استحملى وربنا يعينك ،
د/ زوزو شكلها متوصيه عليكى من جهات عليا بالراحه عليها شوية يا جماعه ..
يعنى ماتنسوش .. كل واحد وله يوم .
بوصيهم عليكى أهه ( اى خدمه )
انا معنديش اسئله دلوقتى .. ويا بخت من زار وخفف ..
احتمال أحضر لك شوية أسئله واجيلك بهم .. بس سهله ان شاء الله ..
صباح الخير معلش اني معرفتش اكمل معاكم امبارح لاننا رجعنا متاخرين بس دلوقتي حالا ان شاء الله هبتدي اجاوب على اسئلتكم والبدايه مع اسئله د/ جوهري
ليه دخلتي صيدله ؟ لان بابا وماما كان نفسهم اني ادخلها وفي نفس الوقت انا مكنتش بكرهها يعني اراده ربنا
ايه هو التقدير في ال3 سنين اللي فاتوا ؟ الحمد لله في اعدادي جبت جيد مرتفع وفي اولى وفي تانيه جيد جدا مرتفع قوي يعني 84% وكسور ادعولي بقى ربنا يكرمني بالامتياز مره قبل ما اموت
ايه اكتر ماده حبيتيها ؟ بحب الصيدلانيات لانها مجالنا وبحب التحليليه لانها دايما بترفع تقديري ودايما ببقى داخله خايفه منها ومش مذاكراها قد كده وبالرغم من ذلك ربنا بيسترها معايا قوي فيها
مين اكتر دكتور احترمتيه؟ كل الدكاتره محترمين واصحاب فضل علينا بعد ربنا بس اكتر ناس بكنلهم الاحترام والتقدير
في اعدادي د/ عماد هو اعطالنا فرع في الفيزياء بحترمه جدا وبفتكره بالخير دايما
في اولى د/ عبد المنعم ودكتور حسن الصباغ ود/ حمدي
في تانيه د/ فتح الله ود/ منال
ايه رايك في حضور المحاضرات ؟ مهم جدا جدا وانا عن نفسي من الناس اللي بتحضر والمحاضرات اللي مش بحضرها برجع اخر السنه واندم جدا على اني فوتها
بتاخدي دروس ؟ مش قاعده لما احس اني ضعيفه في حاجه ومش قادره افهمها نهائي بروح اخد درس لان الدروس بتضيع الوقت جامد يعني صعب جدا اني اوفق بين الحضور والدروس علشان كده انا مبحبذهاش وبتبقى اخر حل لما الدنيا تتسد خالص بقى
ايه ارخم سكشن ؟ مفيش ماده معينه اقدر اقول ان سكاشنها رخمه لان شغل المعمل في الغالب بيبقى حلو وظريف وباشتغل مع اصحابي يعني بيبقى متعه بس ممكن يصدف ان سكشن يبقى طويل او شغله صعب او النتايج مبتطلعش ساعتها بقى بيبقى رخم
ايه احلى سكشن ؟ سكشن التحليليه وسكشن الصيدلانيات بتاع سنه اولى
هل بتنتظري بدا الدراسه؟ ولا بتقولي هي قربت كده ليه؟ والله احيا نا كده واحيانا كده يعني لما افتكر صحابي ومواقفنا الجميله طبعا بيبقى نفسي تبدا النهارده قبل بكره بس بقى لما افتكر الدراسه والشيتات والامتحانات بخاف شويه وابقى عاوزاها تتاخر حبه
لو تم تعيينك عميدا للكليه ايه هو اول قرار تتخذيه ؟ حاجه من اتنين ياما اعمل الكتاب الجامعي بالمجان او باسعار رمزيه جدا اوالغي مصروفات الكارنيه او اني الزم الكليه بتوفير ادوات المعامل للطلبه واللي يكسر حاجه يجيب بدالها علشان نبقى عادلين
يارب اكون وفقت في الاجابه على اسئلتك ياد/ جوهري
التعديل الأخير تم بواسطة summer breeze ; 13-08-2008 الساعة 10:31 AM
هو سؤال واحد ...... و مش هسأل تاني الا اذا جاوبتي عليه
ليييييييييييه مبتعمليش الاقتباس كويس ؟؟؟؟؟؟
أفيدونا سريعا
دلوقتي بقى ارد على اسئله دكتوره سموره ( السهله خالص دي )
ايه اكتر موضوع عجبك في المنتدى ؟ والله ياجميل موضوعات كتيره جدا بتعجبني وبستفيد منها بس اخر واحد لسه قرياه وعجبني بتاع هنوده هل تحب ان تعيش عاقلا وحدك او مجنونا مع المجتمع
ايه اكتر موقف مخجل اتعرضتيله ومش هتنسيه ؟في اعدادي مره جيت ادخل محاضره متاخره والدكتور مرضاش موقف سخيف جدا بصراحه مش قادره انساه ومن يوميها اتعلمت الادب يعني لو لقيت الباب مقفول استحاله اني افكر مجرد تفكير اني ادخل ويارب محدش تحصله الحركه البايخه دي
ايه اكتر صفه شايفه انها مش حلوه فيكي ونفسك تتخلصي منها؟ اني مش بعرف اخد حقي بالطريقه اللي ترضيني وتريحني لو حد اساء ليا
ايه اكتر اكله بتحبيها؟ المكرونه بالبشاميل
لو حبيتي تقولي كلمه اعتذار-عتاب-شكر تقوليهم لمين ؟
اعتذر لاي حد انا ممكن اكون دايقته او زعلته من غير قصد ويارب اذا كنت عملت كده مع حد في المنتدى يسامحني وميبقاش شايل في قلبه مني
عتاب - لاي حد مش بيراعي شعور الناس وهو بيتعامل معاهم
شكر - طبعا الشكر اولا لله على نعمه الكتيره عليا لاني عمري ماكنت هحقق اي حاجه من اللي انا فيه ده الا بفضل ربنا وتوفيقه ليا والشكر ثانيا لبابا وماما واخواتي لان هما اللي خلوني الشخصيه اللي انا فيها دلوقتي دايما معايا وجنبي وبيدعموني ويساعدوني في كل كبيره وصغيره فيارب يخليهم ليا
والشكر ثالثا لاصحابي حبايبي اللي دايما معايا على الحلوه والمره واللي دايما بيحسسوني انهم اخواتي مش اصحابي
ايه الصفات اللي تتمنيها في زوج المستقبل ؟ يارب ارزقني انا وكل بنت مسلمه بالزوج الصالح اللي ياخد بايدنا لربنا
ونعيش سوى حياه توصلنا للجنه يارب
وشكرا يا سموره على الاسئله السهله دي والجمااااااااااااايل الفظيعه دي مش عارفه اوديهم فين من كترهم وكله مردودلك ان شاء الله لما تشرفي على الكرسي المريح جدا اللي انا قاعده عليه ده
سرييييييييييييييييييييعا جدا يادكتور انس انا بعمل الخطوات بتاعته صح بس معرفش ليه مش بيطلع مظبوط
وعلشان تتاكد يادكتور انس انا هسمعلك الخطوات
نحدد الجمله اللي عاوزين نقتبسها وبعدين نعمل كوبي وبعدها نروح على مستطيل الرد ونعمل بايست وبعدها نضغط على الايكون بتاعت الاقتباس صح ولا ايه