عمل المراه بين القبول والرفض

**عامر إبراهيم** · 05-08-2008, 10:11 PM

يااااااااااه يا جماعة, كل دى ردود على ما أنا رديت

لكن أهم نقطة عايز أعلق عليها هى :

كمان اكيد هتشتغل وهتختلط بالبنات سواء في العمل او كمريضه فممكن خطيبتك كمان تقولك انا واثقه فيك اشمعنى انت متثقش فيا

يا دكتور هو مش حكاية ثقة, هو حكاية خوف عليها, و خصوصآ إن شاء الله مافيش داعى للعمل أصلآ ....

بالنسبة لردك يا جوهرى, دى ظروف إحنا ممكن مضطرين ليها للأسف, وفى شيوخ قالوا حرام الدراسة فى الجامعات المختلطة لو فى بديل ليها, بس فى مصر مافيش بديل,

بس بعد الدراسة بقى, مافيش داعى للحرام إن شاء الله, و زى ما وضحت فى ردى الأولانى, حاجة زى دى مش نحكم فيها مشاعرنا وعواطفنا, ونسمع كلام الشيوخ والعلماء اللى هما ورثة الأنبياء ....

**summer breeze** · 05-08-2008, 10:12 PM

انا عن نفسى موافق ومؤيد لعمل المرأة .. احنا بنعيش فى ظروف صعبه يا جماعه فى مصر ..

أما نقطة الاختلاط .. فالاختلاط موجود فى كل مكان .. يعنى انا لما آجى أجوز واحده .. وخريجة صيدله يا دوكتور أنس .. فهى هتكون عاشت وسط اختلاط فى الثانويه العامه .. والاكبر الاختلاط فى الكليه .. فى المحاضرات فى السكاشن فى الدروس فى كل حاجه .. وانا اخترتها يبقى هى اكيد على قدر كافى من الاخلاق .. اذا اللى خلاها تحافظ على نفسها فى الاختلاط ده كله .. هيخليها تحافظ على نفسها فى الشغل لو كان فيه اختلاط ..

والا بقى يا دوكتور انس تشوف واحده مش متعلمه مخرجتش من بيت ابوها الا لما تعبت وراحت المستشفى ..

وشكرا

شكرا يادكتور جوهري على مشاركتك وعلى رايك الجميل وبجد راي رائع واحلى مافيه انه واقعي لان فعلا ظروف المعيشه بقت صعبه جدا وبلا شك البيت اللي فيه مصدرين للدخل احسن بكتير جدا من البيت اللي فيه الراجل بس هو اللي بيصرف اما عن رايك في الاختلاط فده بالظبط اللي انا كنت عاوزه اقوله لدكتور انس لكن ماشاء الله عليك وصلته احسن مني بمليون مره كل الشكر والاحترام لمشاركتك ولرايك وفي انتظار المزيد من الاراء وسلاااااااام

**Mohamed Al Gohary** · 05-08-2008, 10:16 PM

فعلا محدش يضحك على نفسه ويقول ان انا بمرتبى انا بس هقدر اعيش وافتح بيت واصرف على زوجتى واولادى .. مهما كان المرتب .. الاسعار كل يوم يتزيد الضعف ..

والوالد كفايه عليه اوى انه جهز وبنى شقه وجاب عفش وعمل فرح ..

ولا ايه !!!

**summer breeze** · 05-08-2008, 10:21 PM

والله اذا كان شغل مراتي-لو جت- معناه انها تهمل في حق بيتها يبقي لا والف لا.....

لو معناه انهي تهين كرامتها يبقي برضه لا والف لا.....

وبعدين ردا علي دكتوره The Princess....
ايه المشكله اني اخدها كل يوم افسحها....
ايه المشكله اني وانا راجع م الشغل اجيبلها الحاجه اللي هيا بتحبها...
ايه المشكله اني اعد الك معاها لمده 24 ساعه حتي....هوا احنا متجوزين عشان نعد ساكتين ومكلمهاش بس الا اما اعوز منها حاجه.....؟؟
ايه المشكله اني اساعدها كل يوم في شغل البيت مش يوم الجمعه بس....
اذا كان رسول الله صلي الله عليه وسلم كان يساعد زوجاته
وقد قال صلي الله عليه وسلم ....:"خيركم خيركم لاهله وانا خيركم لاهلي....."
هوا انا مثلا هاكون احسن منه.....؟؟!!!!!!!!!!!!!!!!!!!!!!!!!!!
عموما شكرا علي اثاره الموضوع

مشكور يا دكتور راسبوتين على رايك والموضوع نور بوجودك وياريت كل رجل يقتدي بالنبي

في حياته داخل بيته علشان معدناش نسمع عن الماسي اللي بتحصل في البيوت دي مره تانيه بكرر شكري يا دكتور راسبوتين وفي انتظار المزيد من الردود والاراء وسلاااااااااااااااااااام

**عامر إبراهيم** · 05-08-2008, 10:24 PM

المشاركة الأصلية كتبت بواسطة Gohary

فعلا محدش يضحك على نفسه ويقول ان انا بمرتبى انا بس هقدر اعيش وافتح بيت واصرف على زوجتى واولادى .. مهما كان المرتب .. الاسعار كل يوم يتزيد الضعف ..

والوالد كفايه عليه اوى انه جهز وبنى شقه وجاب عفش وعمل فرح ..

ولا ايه !!!

بصراحة يا جوهرى أنا رأيى إن الرزق بتاع ربنا, وحديث إن لا يحملنك إستبطاء الرزق على طلبه بالحرام أبلغ من أى كلام ,

لكن انا بس عايز أقول إنى عائلتى كلها وقرايبى من أب أو أم , مافيش فيهم أم أو زوجة بتشتغل إلا خالتى بس, ووقت لما تاخد أجازة مفتوحة من الشغل, جوز خالتى ربنا بيكرمه و تجارته بتزيد سبحان الله,

والناس عايشة تمام يا محمد, وربنا يفرجها علينا يارب كلنا وييسر لنا الحال, لان الحال فى مصر فعلآ بقى لا يطاق و الأسعار كل يوم فى إرتفاع

ربنا يسترها معانا, ويبعد عنا الذنوب والمعاصى يارب ويرزقنا كل خير يارب ....

**summer breeze** · 05-08-2008, 10:28 PM

جزاكم الله خيرآ يا جماعة على تعقيبكم على ردى

وجزاك مثله يادكتور وراي حضرتك من الاراء المميزه اللي بجد تستحق الاحترام وطبعا كل الشكر على دخولك وتعليقك وردك على التساؤلات اللي جت عن مشاركتك وده اللي بتمناه من جميع الاعضاءوفي انتظار المزيد من الاراءوسلام

**Mohamed Al Gohary** · 05-08-2008, 10:32 PM

ربنا يسترها معانا, ويبعد عنا الذنوب والمعاصى يارب ويرزقنا كل خير يارب ....

وده أهم شيء . وانا مش عشان مستبطأ الرزق فهطلبه بالحرام .. انا عمرى ما هرضى لزوجتى كده .. ولا ايه !!

وانا عن نفسى لو زوجتى حبت تشتغل ولا يوجد اى معصيه او مخالفه لشرع الله لن ارفض ابدا ..

**summer breeze** · 05-08-2008, 10:36 PM

فعلا محدش يضحك على نفسه ويقول ان انا بمرتبى انا بس هقدر اعيش وافتح بيت واصرف على زوجتى واولادى .. مهما كان المرتب .. الاسعار كل يوم يتزيد الضعف ..

والوالد كفايه عليه اوى انه جهز وبنى شقه وجاب عفش وعمل فرح ..

ولا ايه !!![

فعلا يادكتور ده السعيد دلوقتي هو اللي عنده شقه حتى مش مهم يفرشها لان مشكله السكن دي بقت مشكله صعبه جدا وبتعتبر العائق الاول في وجه اي شاب عاوز يتجوز خصوصا دلوقتي في ظل الارتفاع الجنوني في اسعار الايجارات والتمليك بس في الاخر بندعي ان ربنا سبحانه وتعالى يسهل الامور ويساعد اي اتنين بيحاولوا انهم يفتحوا بيت ويكونوا اسره مره تانيه بكلرر فائق شكري واحترامي وسعادتي بردود حضرتك وبتفاعلك مع الموضوع ويارب كده على طول وفي انتظار اراء باقي الاعضاء والعضوات وسلاااااااااااااااام

**د\بوسى ربيع** · 05-08-2008, 11:04 PM

صراحه من اكتر الاراء اللى احترمتها راى دكتور جوهرى لانه بينظر للموضوع بصوره موضوعيه وكمان عمليه مهو فعلا الختلاط موجود فى كل مكان ومش معقول هتجيب بنت حبوسه مهما كانت محبوسه اكيد كان ليها قرايب وبتتعامل معاها وبعدين مش معنى ان البنت بتشتغل فى مكان فيه رجاله انها انسانه مش كويسه فى حد فاصل وبدال اخترت بنت انها تشيل اسمك لازم تكون واثق فيها وواثق فى اخلاقها وبعدين هى خارجه تشتغل علشان ايه مش علشان ترفع من مستوى الاسره ماديا واجتماعيا وتكون مواكبه دائما لكل حاجه بدوار فى المجتمع

**Anas** · 05-08-2008, 11:30 PM