أيوه طبعا هوافق لو كان انسان يستاهل أما لو ماكانش يستاهل مش موافقة عليه ولا علي شبكته أصلا
يا بنات الانسان الكويس بتشوفيه مرة واحدة ف حياتك وصدقيني لو رفضتيه هتندمي طول عمرك حتي لو عندك كنوز الدنيا كلها ومتشكرة أوي ع الموضوع الحلو ده
أيوه طبعا هوافق لو كان انسان يستاهل أما لو ماكانش يستاهل مش موافقة عليه ولا علي شبكته أصلا
يا بنات الانسان الكويس بتشوفيه مرة واحدة ف حياتك وصدقيني لو رفضتيه هتندمي طول عمرك حتي لو عندك كنوز الدنيا كلها ومتشكرة أوي ع الموضوع الحلو ده
طب ليه متقولش رأي الاهل يعني ممكن البت موافقة وكل حاجة واهلها اللي يوقفوا الموضوع ويوقفوا الدنيا
ساعتها يتصرفوا ازاي بقي !!!!!!!؟؟؟؟؟؟؟؟
انا شايفة فعلا ان المشكلة
ف الاهل هما من وجهة نظرهم ان الشبكة دى اساسى
انا عن نفسى والله مش عايزة شبكة
انا الحمد لله بحمد ربنا ع خطيبى الى ربنا اكرمنى بيه ومش عايزة شبكة والله
ف حاجات كتير اهم من الشبكة لسه شقة وعفش وحاجات كتير
انا دايما اقول والله ربنا يكون ف عون الشباب
موضوع مهم فعلا جزاكم الله خيرا
بصراحة احنا عندنا مبدأ ف بيتنا ان الشبكة هدية من العريس للعروسة دا لو كان قادر يجيب وده اللى حصل مع اخواتى البنات أما لو كان مش قادر يجيب فخلاص طالما انه انسان كويس ومحترم وهيراعى ربنا فيا وده الكلام اللى اتعلمته من مامتى واخواتى اهم حاجة الشخصية مش الدهب والفلوس
منور يا ابو رولا
بس هوه انا مينفعش ارد
يلا ارد ونخش ف الموضوع علطول
بس تعتقد الاهل عايزين شبكه ليه ؟
لو عشان يتباهوا بالعريس ده يبقى غلط
بس فـ ناس مش كده لكن بتبقى الشبكه بالنسبالها ثقه
ثقه انها مقتدر وقادر تعيش
الاهل دى فهمت معنى الفلوس
الاهل عاشت ايام زمان
عشان كده فـ بعضهم عنده خوف
يمكن قله ثقه فـ ربنا الله اعلم
بس محدش يحب بنته متبقاش مبسوطه
اوك ممكن يفلس بعد الجواز ولا اى حاجه؟
الله اعلم بكره بيجى برزقه
بس نعمل اللى علينا النهارده بالشكل اللى يوصلنا لبكره
انت لو مش قادر تجيب شبكه وتجهز او تساعد ف الشبكه والجهاز مع اهلك
واعتقد ده ده الافضل
ما هما اما يجهزوا ليك ويجوزوك مش ده معناه انك مش قادر
تعرف تقولى هتعمل ايه بعد الجواز
هتبقى عيب اوى تمد ايدك
لازم تبقى اد مسئوليات اسرتك
الجواز مش حب وبس
فـ اهم حاجه الدين والعمل ثم المال
الدين هيديك راحه نفسيه
والمال هيقوى نفسك ومش هيخليك تضعف فـ اى وقت
والعمل هيديك المال اللى يساعدك فـ الاستقرار
احنا مستعجلين على الجواز بس عشان حب
فـ مننا اللى عنده الدين وفـ المال
بس مش كله عنده ده
مينفعش نقول ربنا هيفرجها
ربنا كبير ورحيم
بس احنا نعمل اللى علينا وربنا هيقف جنبنا
والا يبقى عندنا الثقه فـ الله بتاعت الرسول والصحابه اللى الواحد بيحس انه مش عايش اما يسمع عنها
و هوه ليه احنا عايزين شبكه قليله؟
مش لاقى سبب غير عشان احنا مستعجلين وانا اولكم والله نفسى اتجوز النهارده قبل بكره
مستعجل برده
بس
ازاى احتاج حاجه واطلبها واستعجل عليها وانا مش ادها
ازاى اطلب الجنه وانا اصلا مبعملهاش وعايز ربنا يغفرلى ؟
ربنا كبير وان شاء الله هيدخلنى الجنه بس اعمل للى يدخلنى للجنه
ازاى اطلب ادخل طب وانا مش جايب مجموع طب
ينفع؟
؟؟
احنا شاغلين بالنا بالجواز بس مبنعلمش اللى يوصلنا للجواز؟
مبنجهزش نفسنا للجواز
زى الجنه بنطلب وندعى
بس مبنعملش حاجه للجنه
بالنسبه لـ اغلبنا
فـ غلط فـ فكرنا فـ معالجتنا للامور
لازم نتعلم ازاى نفكر صح
احنا معدناش صغيرين عشان نفضل نستعجل ومنعرفش نفكر
احنا المفروض هنبقى بكره
لازم كل واحد فينا يسأل نفسه
هعمل ايه النهارده؟
وبكره عايز ايه ؟
وانا عايز ايه ؟
وابتدى اخطط وافكر
لازم نتعلم نفكر ونخطط ازاى
فــ اعتقد يبقى مينفعش
ملناش حق نطلب الطلب ده بالشكل ده
وده مش رأى مطلق ليا فـ كل الاحوال
بس اعتقد ده المفروض يبقى الرأى اللى غالب
حاجه كمان مهمه
احنا عمالين نطلب مـ البنات
يستحملونا واحنا جايين مـ الشغل لان ممكن نكون زهقانين
ونطلب منهم يستحملونا لو مقدرناش نخرجهم ونهتم بيهم بعد الجواز
لان مشاغل الحياه كبيره ولازم افضل اشتغل عشان اقدر اصرف على الاسره ولازم استريح وممكن كمان انساها
ونطلب منهم يستحملونا لو الشقه متجهزتش اوى
ونطلب منهم يستحملونا لو الشقه ايجار
ودلوقتى بنطلب نقلل الشبكه
وكل ده وبنطلب منهم يرضوا
طب ليه كل ده
هما مش نفسهم يبقى عندهم جوز يتطمنوا وهما معاه
وليها شقه مش ايجار ومتظبطه وشبكه وتعيش مبسوطه مرتاحه
مش معنى ده انهم مش يقفوا جنبنا
بس احنا منطلبش كده
ولو قالوا لا يبقوا وحشين
احنا لازم نبقى اد المسئوليه
واعتقد الرجوله متخليناش نطلب حاجه احنا مش ادها او نبقى اقل مـ المسئوليه
رافض فكره اننا نفضل نيجى عليهم كل شويه
وشكرا للموضوع يا ابو رولا
انا مش معاك تماما يا سامح
احنا لو مشينا بكلامك ده 90% من الشباب مش هايتجوزوا.......
كمثال واحد خريج صيدله وواحد خريج تريبه....
الاتنين متخرجين ابيض يا ورد يا دوب معاهم شهادتهم اللي اخدوها بالعافيه واهلهم مش هايقدروا يساعدوهم
بالنسبة للصيدلي....احسبلي كده كام سنه محتاج يشتغل عشان يكون ليه بيت ملك ويجيب شبكه ويعمل حفلة والكلام ده كله....اقولك انا:
هياخد 3 سنين جيش والفلوس اللي بياخدها هناك يادوب تقضيه ويمكن كمان متقضيهوش.....
هياخد سنه في مصر ياخد متوسط 800 جنيه نقول هايصرف 300 ويحوش 500 يبقي معاه 6000 جنيه
يدفع الفلوس اللي حوشها دي (ويمكن يستلفله قرشين )علي عقد في الخارج عشان يروح يشتغل برا
هانقول هايشتغل بمتوسط اجر 4000 جنيه هايصرف 1000 ويحوش 3000 يبقي معاه في السنه 36000 جنيه لو عقده فضل 4 سنين كده يبقي معاه 164000 دول اقل حاجه تمكنه من ان يبقي عنده شقة ملك ويجيب شبكة والكلام ده.......لو حسبت عدد السنين تلاقيهم 8 -9 سنين واحنا بنخلص 22 يعني 31 سنه عشان يتقدم لواحده وده طبعا لو ربنا مسهلها معاه ولقي الشغل مباشرة يعني خرج من الجيش عالشغل عالعقد....
نيجي بقي لخريج تربيه مثلا :
يدخل الجيش سنه واحده وبعدين يخرج يشتغل اي شغلانه بالعافيه تجيبله 500-600 جنيه ويوم ما يلاقي شغلانه ب 1000 جنيه يمسك فيها ويعمل المستحيل عشانها....علي فكرة اخويا بيشتغل في شركة مقاولات في شرم الشيخ ب 1500 جنيه ومبيجيش البيت الا 10 ايام كل شهرين بس هو ده اللي قدامه....قولي بقي لو هايتجوز بنظامك ده محتاج كاااااااااااااااااااااااااااام سنه عشان يكون عنده ملك ويجيب شبكة ويجهز البيت فول اوبشن....اعتقد لو ربنا أكرمه ممكن يتجوز وهوا عنده 90 سنه
انا رأيي ان التساهل لازم يكون من الصرفين مش من العروسه لان اهل العروسه برضو بيكون عليهم ضغوط كتيرة ففيها ايه لو الناس كلها تتساهل واللي مييجيش قبل الجواز يجي بعده مش هايبقي في مشكلة وده مش عيب ابدا ولا انتقاص في الرجولة زي ما انت بتقول
قال ( صلى الله عليه وآله وسلم ) : تزوجوا النساء ، فإنهن يأتين بالمال و قال : ( من ترك التزويج مخافة العيلة فقد أساء الظن بربه ، لقوله سبحانه وتعالى : ( إن يكونوا فقراء يغنهم الله من فضله )) ... قال ( صلى الله عليه وآله وسلم ) إلتمسوا الرزق بالنكاح). وهذه تدل على ان الزواج سبب فى رزق المؤمن يعنى اللى مش حيقدر يشترى شبكه او يدفع مهر عالى او ماشابه فانه باذن الله سيفعل بعد الزواج وكم من فتاة تزوجت بغير شبكه ورزقها الله دهب بعد الزواج
اسف للاطالة
حسبتها بطريقه ماديه يا ريس-----
بس انا قصدى انك تعمل وتجهز نفسك للجواز
مبقولكش هات كل ده م الاول
ولو اتجوزت 26 سنه مش مشكله على فكره
مش لازم اول ما تتخرج 22 سنه تتجوز
انا بقولك اعمل وبين انك اد المسئوليه
لو عملت اللى عليك ربنا هيفرجها عليك من حيث لا تحتسب
ارجع معايا كده لايام زمان
اما كنا صغيرين
اما كنا بنصلى ونذاكر ونجتهد وتطلع الاول وتبقى فـ وضع تتباهى بيه
فاكر السعاده بتاعت زمان
كنت بتحسب حاجه ؟
كنت شايل هم بكره؟
مكنش عندنا الفكر والوعى ده
بس كان بكره دايما بيجى بــ الاحلى
ومعتقدش انه بيجى بدون سبب
كان فـ حب لربنا وعمل
اعتقد انه كان احتساب وتوكل على الله بدون وعى
سألت نفسى هوه ليه معظمنا بيشوف انه كبر فجأه
او معدش فـ سعاده زمان
وصلت لاجابه
لاننا بعدنا عن ربنا معدناش زى زمان
بقينا شاغلين بالنا ببكره وشايلين الهم بطريقه تتعب
مع ان لو قربنا من ربنا وعملنا اللى علينا بكره هيجى برده بالاحلى زى زمان
ربنا مش هيديك حاجه بدون عمل بدون استعداد
لو اتقيت --------------> ربنا هيرزقك من حيث لا تحتسب
لو غيرت من نفسك -------------------> ربنا هيغير منك
وكل اوامر القرأن كده
اعمل ---------------> هتلاقى الجزاء
السبب ---------------> يؤدى الى المتسبب منه
بس دى كل القضيه اللى بقولها
لكن متطلبش حاجه وانت متستحقهاش فـ وقت طلبها
زى مثال الجنه و طب
كلنا بقينا عايزين نتجوز
ودلوقتى قبل بكره
وبدبله وخاتم بس
بس هل كلنا اد بعد كده
الموضوع مش رغبه وبس
لازم تخطط لرغبتك عشان توصل
بس يا ريس
اذا عملوا
عارف سؤال كمان جه فـ بالى
هل احتياجنا للزواج واستعجالنا عليه لرغبتنا فـ الزواج فقط
ام
لان بالنا غير مشغول بشئ غيره
ام
رغبه فعليه ف الاستقرار
ام
انها سنه الحياه ونحن نريد تطبيقها ( اشك كلنا يكون بيفكر كده)
؟
وان كانت سنه الحياه فلما الاستعجال
؟
احنا تفشى فينا حاجه غريبه جدا
وهيه الحب
كل ما يشغل بالنا بقى الحب والزواج
نسينا اننا بكره وجيل جاى
ومينفعش يكون كل همنا الحب والزواج والرغبه الجنسيه فقط
ده احنا كده هـ نبقى ولا حاجه
اوك هوه يؤدى الى الاستقرار وحفظ النفس من الفتن والقدره على الابداع ويحسن من صفات الفرد
ولكن لا يجب ان يكون الاستعجال بهذه الصوره
ياريت اسمع ارائكم فـ الموضوع ده ونتناقش سوى
اسف لو خرجت عن الموضوع الرئيسى
على فكرة المناقشة احلى من الموضوع نفسه و عجبتنى ردود البنات فيها طيبة و حسن نية و ده بيثبت ان بناتنا لسه بخير و عجبنى رد دكتور سامح جدا و متفقة معاه فى كل كلمة قالها مش علشان هو بيقول لازم نعمل ده مش قصده على فكرة هو يقصد ان الشاب المفروض ما يستعجلش اموره و يصبر لحد ما يبقى قد مسئولية الجواز صدقونى الحالة المادية بتفرق كتير فى العلاقة بين الزوجين و فيه نصيحة انا هقولهلكم خصوصا بعد الجواز و ياريت بجد تحطوها فى الاعتبار تماما
الجواز طلباته ايه ؟؟؟ شقة و شبكة و جهاز و فرح ... صح ؟؟؟
يبقى لو جينا نرتب اولويات يبقى المفروض :
1- الشقة .... انا عارفه ان حكاية التمليك دى بقت صعبة اوى لكن كون الاستمرار فى الايجار مدى الحياة ده برضه مستحيل يبقى لو انا مش قادر عليها دلوقتى يبقى لازم على الاقل استعد ليها و ابتدى احوش لكن لو فيه شقة و محتاجه تشطيب مثلا او فرصة بنى فانا بشوف انها الاولى بكل قرش و لو هتخلص الفلوس اللى معاك كلها و ميتبقاش مليم للجهاز ان شالله تتجوزوا على حصيرة بس تبقوا امنتم نفسكم و الباقى ممكن يجي بعدين على مهله
2- فى حالة لم يتيسر البدء فى الشقة و فيه معايا مبلغ يبقى افضل حاجه انى استثمره فى الشبكة يعنى انا كانت شبكتى كبيرة و ايامها ناس قعدوا يقولوا كتير و ليه و بتاع و بعد الجواز جوزى قالى ياريتنا كنا جيبنا بتمن العفش و الجهاز كله شبكة اهو الدهب غلى و كان زمنا معانا مبلغ كبير اشترينا بيه شقة و لا حاجه لان الدهب استثمار مش تضيع فلوس
3- الجهاز ... بعد ما تخلص من الحاجات اللى فوق دى جهز بالباقى و مش لازم الهبل اللى الناس بتعمله و مية طقم كاسات و سبع تلاف حلة و 5 اوض و ستاير برقع و نجف و الله كلها فلوس فى الارض انا مش بقول انها حاجه وحشة بس اامن مستقبلى و بعدين ادور على المظاهر مش يبقى بتجوز بالعافية و اروح اعمل حاجات لو تانى يوم جواز جيت تبيعها مش هتجيب عشرة جنيه
4- الفرح و الحفلات بقى .... اكبر مظهر من مظاهر التخلف فى مصر ... فى بلد 40 % من سكانها تحت خط الفقر الناس العادية مش الاغنيا و لا حاجه تروح زى الهطل يعملوا فرح فى قاعه و يكلفوه الافات علشان يقعدوا يرقصوا و يتنططوا لمدة ساعتين على انغام بحبك يا حمار و الله انا بعدى على القاعات و بحس بالشفقة على الناس اللى جوا بحس انهم هبل مش عارفه ليه لازم اقول كل مرة ربنا يشفى
فالشاب نصيحة له رتب اولوياتك زى ما قولت لان الحياة مش سهلة