المشاركة الأصلية كتبت بواسطة abood5004
انته مفهمتش قصد alnesr وبما اني زملكاوي زيه سيبيني اقولك اللي هو يقصده
يجيب 3 اربعة عشرة براحته لكن اتينين .. اتينين من التلاتة أو الاربعة دول ياخدوا فرصة حقيقية .
وبعدين ما الاسماعيلي غير جلده بالكامل في 3 واربع سنين وفي ظروف منيلة بنيلة واهو في طريقه للدوري ..
انته بتقولي معوض دعم .. معوض اللي مبدأش يلعب ولا شافها غير لما قطع الورقة وزعق لمانويل وبعد ما حازم جاب لجيلبرتو تقوس في رجليه ..
أحمد حسن ما هو لازم هيلعب حتى لو وحش هيلعب أمال الضجة والبروباجندة اللي اتعملت عليه دي كان لازمتها أيه .. جمهور الأهلي نفسه بيهمهم عليه في كور كتير .. لكن ازاي والعقد الكبير ده هيدفع في لاعب علي الدكة فحسن وجوده إجباري
وعجيزي أيه. اللي أول متش يبدأه أساسي كان قصاد إنبي قبل ما الدوري يخلص ب إسبوعين
ده غير رامي ربيع ومحمود سمير والويشي (( خليفة عمرو زكي ))
وكتير كل دول جم من غير رؤية واضحة من غير ما حد يكون فاهم الأهلي عايز من دول أيه . او حتي مانويل خوزيه يكون عارف .. هي بس لزوم الشو .. وبنحب نشغل الدفاية قصد الدكة بتاعتنا
وبرده متقارنش الوضع الفني بين الأهلي والزمالك مدرب مستقر بقاله خمس سنين المفروض يكون راسم خطة وعارف بعد سنتين شكل الفرقة هيكون أيه (( ده لو عنده ))
إنما الزمالك كان بيجيب في الموسم بال 3 أجهزة فنية .. مين بقا اللي هيحدد محتاج مين وعايز أيه ومين اللي هيمشي .. متخلطش الورق