صفحة 1 من 3 123 الأخيرةالأخيرة
النتائج 1 إلى 10 من 22

الموضوع: ياترى مش هندم عالقرار ده ؟؟

  1. #1
    غير مسجل
    Guest

    Red face ياترى مش هندم عالقرار ده ؟؟

    لسلام عليكم ورحمة الله وبركاته



    ازيكم يادكاترة المستقبل ؟؟ ياريت بالله عليكم تردو عليا


    بما اننا احتمال نبقى زملا وكده


    انا كان امنيتي ادخل اعلام او فنون جميلة بس مش عايزة اسافر


    ففكرت في رياض اطفال وحسيت اني هستمتع بيها جدااا


    لاني اصلا اشتغلت مشرفة ثقافية في اكتر من حضانة ايام الثانوي


    لاني بألف مسرحيات وأناشيد وبعمل حفلات


    وعلاقتي بالأطفال كويسة أوي


    وغير الاطفال كمان طلعت الاولى عالجمهورية عالموهوبين في مسابقة معسكرات القراءة للجميع


    يعني الحاجات دي في دمي


    بس اغلب العيلة ان لم يكن كلها بيقولو لو مش هتخشي اعلام يبقى صيدلة


    لان رياض اطفال دي ملهاش لازمة اذا كنتي فعلا اشتغلتي في حضانات وانتي في ثانوي


    وان صيدلة جميلة وتشرف


    بقولهم اني في رياض اطفال عايزة اطلع معيدة واكمل ماجستير ودكتوراه


    فقالولي موضوع معيدة ده مش مضمون والدراسة مش زي مااانتي متخيلاها مسلية


    وليه متطلعيش معيدة في صيدلة المفروض تنجحي في اي مجال تخشيه


    وانا بدأت اميل لصيدلة فعلا وحسيت انكم بيئة طيبة جدا


    انا جايبة 98.8 % وجايبة في الكيميا 50 وفي الفيزيا
    49.5

    بس خايفة اووووي هي فعلا متعبة وصعبة اوووووي كده ؟؟


    انا عايزة ابقى حاجة مش عايزة انجح وخلاص


    بس لما بقرأ نبذات مختصرة عن المواد بحس انها متاهة ملهاش نهاية


    ده حقيقي ؟؟


    هل ممكن احب الكلية من غير ماتبقى هيا أملي في الاول ولا هحس انها تقيلة واني مجبورة عليها



    ياليت تردوا عليا كده وتاخدوا بايديا


    و ياليت لو حد عنده تجارب مماثلة يشجعني



    بس اصدقوني رجااااء



    معلش عالرغي الكتيييييير



    ^_^

  2. #2
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    اولا اهلا بيكى وسطينا ومليون مبروك على نتيجتك

    ثانيا صيدله مش صعبه ولا حاجه المهم تحبيها عشان تقدرى تكملى فيها

    لو ذاكرتى نص مذاكرة الثانوى هتجيبى امتياز ان شاء الله

    واى حاجه فى بدايتها بتكون صعبه لكن لما هتعرفى النظام هتتعودى عليه

    ربنا يوفقك واحنا معاكى فى اى حاجه تحتاجيها كلنا اخواتك

  3. #3
    Pharma Student
    تاريخ التسجيل
    Dec 2009
    المشاركات
    48

    Smile

    بصي توكلي على الله وادخلي صيدلة , أما بالنسبة انك كنتى عايزة تدخلي اعلام او فنون جميلة فده ممكن تحقيقه بردو حتى لو دخلتي صيدلة ممكن ان شاء الله لما تخلصي دراسة الصيدلة تدرسي في اي حاجة منهم بحيث بردو تكوني عملتي اللي نفسك فيه وربنا يقدملك اللي فيه الخير ان شاء الله

  4. #4
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي

    أولا مبروك ويا رب تدخلي الكلية اللي تنجحي فيها إن شاء الله

    بيتهيألي انتي مش محتاجة حد يكلمك عن صيدلة لإنك بتقارني بين كليتين مختلفتين تماااامااا

    ممكن الاتنين كليات ظريفة ومسلية بس دراستهم مختلفة خالص ومستقبلهم مختلف بردو


    المفروض تركزي تفكيرك وتشوفي نفسك تكوني ايه.. تتعلمي مواد عامة في كل المجالات و4 سنين وخلاص كدا

    ولا تدرسي وهتتعبي شوية وتتخصصي في الدوا وتشتغلي في مجال من مجالاته


    فكري كويس بس واستخيري وربنا يوفقك للخير.. وابقي طمنينا


  5. #5
    Pharma Student
    تاريخ التسجيل
    Nov 2011
    المشاركات
    2

    افتراضي

    كلية الصيدلة كلية جميلة فعلا وبعدين انتى اصلا من البداية دخلتى علمى علوم يعنى اكيد ان شاء الله انك بتحبى المواد العلمية وربنا يوفقك ان شاء الله

  6. #6
    غير مسجل
    Guest

    Smile

    محمد سمير


    مرررسي عالترحيييب .. الله يبارك فيك


    يارب بجد انا نفسي اوي اتميز في الكلية


    ان شاء الله هحاول ابذل مجهود كويس


    متشكرة اوي على ردك وارشادك



    ^_^




    ((نسمة دافئة ))

  7. #7
    غير مسجل
    Guest

    Smile

    Rx.90


    فعلا توكلت على الله


    انتو شجعتوني اوي


    ربنا يساعدني في المستقبل واخد بنصيحتك


    متشكررررة اوي عالرد والاهتمام



    ^_^




    (( نسمة دافئة ))

  8. #8
    غير مسجل
    Guest

    افتراضي

    Mouri Ran



    الله يبارك فيك ياحبيبتي



    انا مكنتش اعرف خالص ان صيدلة مسلية زي مابتقولو



    المنتدى فعلا حببني في الكلية


    او عالاقل خوفي قل كتيييييير عن الأول


    انا بس كان نفسي اضيف حاجة مش ابقى مجرد استقبال


    وكنت شايفة ان المجال اللي بفهم فيه ان شاء الله هنجح فيه


    بس لما رجعت فكرت قلت لو انا مطلعتش معيدة في رياض أطفال


    مش هبقى حاجة

    فقررت صيدلة ان شاء الله


    وخليك معايا كده


    ^_*

  9. #9
    غير مسجل
    Guest

    افتراضي

    شمس الاسلام


    يارب احب الكلية زيك كده


    هوا بصراحة انا دماغي متركبة غلط شوية


    انا مدخلتش علم علوم غير عشان ارضا ماما كان هدفي اجيب مجموع طب


    عشان ابقى مقصرتش وبعد كده ادخل انا الكلية اللي احبها


    لو عليا من الاول كنت دخلت أدبي


    بس الحمدلله ربنا وفقني


    ويارب يوفقنا كلنا في الكلية


    جزاك الله خيرا عالرد


    ^_^



    (( نسمة دافئة ))

  10. #10
    Volunteer
    تاريخ التسجيل
    Nov 2011
    الدولة
    ¨°o.O ((أم الدنيا)) O.o°¨
    المشاركات
    583

    Exclamation

    الى : (( نسمة دافئة ))

    أبسط حاجة اقدر اقولها ليكي ان انا كنت في الأول أكتر منك ونفس الحيرة وفي البداية الكلية كانت صعبة ومش فاهم حاجة والمحاضرة كلها انجليزي وكدة .......الخ

    بس بعد ما عديت اعدادي بجيد جداً الحمد لله اقدر اقولك لو اتعادت الايلم مش هختار غير صيدلة

    كليتنا سهلة جداً وجميلة جداً ومن السهل فيها ان الواحد يجيب تقدير كويس جداً
    بس اهم حاجة تحبي الطريق اللي هتمشي فيه علشان لو قابلتك فيه صعوبات تتخطيها

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •