صفحة 1 من 18 12311 ... الأخيرةالأخيرة
النتائج 1 إلى 10 من 171

الموضوع: يوميات طالب في كليه التجاره (حلقات متجدده)

  1. #1
    Pharma Student
    تاريخ التسجيل
    Dec 2008
    الدولة
    مدخل مبني ب
    المشاركات
    894

    Thumbs up يوميات طالب في كليه التجاره (حلقات متجدده)

    اولابطل القصه هو طارق طالب في كليه التجاره وباقي القصه هنعرفها بالتفصيل وانا متاكد انها هتعجبكم
    يدخل أبو طارق إلى حجرة ولده طارق علشان يصحيه يروح الجامعة ويخبط على ظهره بالراحه كده (أب بقي انتو
    فاهمين).


    الوالد : طارق ... طارق .... قوم يا حبيبى


    فيفتح الولد عيناً واحدة ينظر بها إلى أبيه فى استغراب



    طارق : إيه يا بابا فيه إيه ؟





    الوالد :قوم يا حبيبى عشان تلحق تروح كليتك ؟






    طارق : يا بابا كلية إيه اللى بتصحينى عشانها وش الفجر



    الوالد : وش الفجر إيه بس... يا بنى الساعة داخلة على عشرة ...




    قوم يا حبيبى عشان تلحق محاضراتك




    طارق : يابابا نفض



    الوالد : أعمل إيه





    طارق : يعنى كبر يا بابا




    الوالد : الله اكبر


    طارق : لا يا بابا مش قصدى ... أن بقولك كبر دماغك يعنى




    الولد : يا ابنى قوم متتعبنيش .... مش انت عندك محاضرات مهمة النهاردة ؟




    طارق : يا بابا مهمة إيه بس ... ده كله فى الكلتشة




    الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة



    طارق : يا بابا ... فكك من كلام الستينات ده.... أنا مش قادر أفك رموز وشى




    الوالد : يا بنى قوم أخوك بيقول ان المحاضرات النهاردة عندك مهمة




    طارق : يابابا سيبك منه ... ده واد بيهيس




    الوالد : يعنى إيه .... يعني كلامه صح ولا غلط ؟




    طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار




    الوالد : يا بنى انت بتتكلم كده ليه ؟



    طارق : يعنى بكلمك بالسيم يعنى .... بص يا بابا عشان خاطري... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية



    الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك




    طارق : و الله يابابا أنا مأفور خالص و مش قادر ... سيبنى



    الوالد : يا بنى كلمنى زى ما بكلمك ... إيه اللى انت بتقوله ده




    طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .




    الوالد : مصلحتك ؟ يا بنى انت بقالك ثلاث سنين فى سنة ثانية




    طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت



    الوالد : (وقد بدأ يتغاظ ) طيب قوم يا معفن ... خد لك دوش و افطر و روح الكلية



    طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده



    الوالد ( بصوت مرتفع ) : أنت حتقوم و لا حقومك بالجزمة




    طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح




    يخرج الأب و يدخل أخوه وائل فينظر إليه




    طارق : لازم تديها جاز على الصبح .... شعللتها ؟ ... ماشى




    وائل : هو اللى بيسألنى




    طارق : قوله معرفش ... قوله معندوش زفت محاضرات


    وائل : أكذب يعنى ؟
    وطبعا وائل مرضاش يكذب عشان مصلحه اخوه
    عشان كده هنعرف رد فعل طارق الحلقه الجايه

  2. #2
    Pharma Student
    تاريخ التسجيل
    Sep 2009
    الدولة
    دمياط
    المشاركات
    1,294

    افتراضي

    شكلها قصه حلوه



    بس بعد الحوار دا كله طارق كان لسه ما قامش

    .....waiting

  3. #3
    Pharma Student
    تاريخ التسجيل
    Apr 2009
    المشاركات
    1,168

    افتراضي

    ههههههههههههههههههههههههههههههه
    جميييييييييييلة جداااااااااااااااااا
    بس بدل ما قعد يفزع في أبوه كده كان زمانه قام وريح نفسه !!!!!!!!!!


  4. #4
    Pharma Student
    تاريخ التسجيل
    Oct 2009
    الدولة
    A world of illusions
    المشاركات
    1,880

    افتراضي


    waiting..
    but dont let me wait kiteeer

  5. #5
    Pharma Student
    تاريخ التسجيل
    Dec 2008
    الدولة
    مدخل مبني ب
    المشاركات
    894

    افتراضي الحلقه التانيه

    الحلقه التانيه
    طارق : لازم تديها جاز على الصبح .... شعللتها ؟ ... ماشى



    وائل : هو اللى بيسألنى



    طارق : قوله معرفش ... قوله معندوش زفت محاضرات

    وائل : أكذب يعنى ؟



    طارق : (يضحك بسخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟



    وائل : ( و قد اصفر وجهه ) لا يا طارق اوعى ....


    طارق : طيب يا حلو .... روح هاتلى سجارة من علبة أبوك أعمل بيها دماغ الصباحية


    وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .



    طارق : طيب يا إتم .... اختفى من قدامى دلوقت



    يخرج وائل ، و يبدأ طارق فى تدخين إحدى السجائر و هو بعد ما زال على السرير


    ثم ينظر بجواره على الكمودينو و يتناول التليفون و يتصل بأحد زملائه


    طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط


    هيما : يا بنى حد يتصل بحد دلوقت مفيش زوق .... الساعة لسة عشرة و نص


    طارق : فوق بقى .... إيه النظام ؟ الحياة أخبارها إيه النهاردة ؟


    هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون .... أو نلف نعاكس فى خلق الله


    طارق : طيب نتقابل الساعة واحدة .... متحلقليش


    هيما : حتعمل إيه دلوقت

    طارق : أنا حاخلع من البيت دلوقت و اخرج أصيع لحد ما نتقابل ، عشان أبويا عاملى فيها أبو الغضب ... و لو فضلت موجود حيعملى فيها بروسلى و يضربنى .



    هيما : الحمد لله يا عم... أنا أبويا ميت


    طارق : يا بختك ... استكانيس براحتك ..... طول عمرك محظوظ .... شاو

    يغلق الخط ... و يدخل أخوه وائل


    وائل : اوعى يا طارق تقول لابوك .... لحسن يرحلنى


    طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على


    وائل : ( باستجداء ) اوعى يا طارق

    طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار


    وائل : احنا حنبدأ استغلال .... و بعدين انت اللى مابتغسلش دماغك لحد ما باظت


    طارق : خلص يا عم الأمور ... روح هاتلى الجل .... إنجز


    وائل : يا طارق ما انت عندك إزازة لسة مفتحتهاش



    طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز

    وائل : ( يصرخ و هو يجرى خارج الحجرة ) يا نهار اسود ... دا المكوة على القميص



    يأخذ طارق نفساً من السيجارة و قبل أن يخرجه من صدره يدخل والده



    الوالد : إنت لسة نايم ؟


    طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )


    الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟


    طارق : ينظر إلى والده و قد احمرت عيناه و انتفخ وجهه


    الوالد : انت بتبص كده ليه يا واد انت .... جتك البلا فى منظرك ... و يخرج الوالد


    طارق : يخرج نفسه الذى كتمه حتى كاد أن يموت ، و يسعل بشده

    يدخل وائل أخوه فيجده على هذه الحال


    وائل : إيه مالك ؟ حتفطس ولا إيه


    طارق : روح هاتلى كباية مية أبوك كان حيموتنى .... كنت حسافر


    يخرج وائل فيستلقى طارق على السرير يسترجع أنفاسه و يغمض عينيه ... و بعد قليل يرتفع صوت شخيره .
    خخخخخخخخخخخخخخخخخخخخخ
    وانتظروا الحلقه التالته بعد ما اجي من الامتحان بكره



  6. #6
    Pharma Student
    تاريخ التسجيل
    Sep 2009
    الدولة
    دمياط
    المشاركات
    1,294

    افتراضي

    اقتباس المشاركة الأصلية كتبت بواسطة ahmed helmy مشاهدة المشاركة
    وانتظروا الحلقه التالته بعد ما اجي من الامتحان بكره



    منتظرين ان شاء الله

    و ربنا يوفقك بكره و ان شاء الله كل اللي بيمتحنوا يحلوا حلو




    بالتوفيق

  7. #7
    Pharma Student
    تاريخ التسجيل
    Oct 2009
    الدولة
    A world of illusions
    المشاركات
    1,880

    افتراضي

    وانتظروا الحلقه التالته بعد ما اجي من الامتحان بكره
    بالتــــــــــــــــــــــــــوفيق

  8. #8
    Pharma Student
    تاريخ التسجيل
    Apr 2009
    المشاركات
    1,168

    افتراضي

    اقتباس المشاركة الأصلية كتبت بواسطة ahmed helmy مشاهدة المشاركة
    الحلقه التانيه




    طارق : ينظر إلى والده و قد احمرت عيناه و انتفخ وجهه




    الوالد : انت بتبص كده ليه يا واد انت .... جتك البلا فى منظرك ... و يخرج الوالد





    وانتظروا الحلقه التالته بعد ما اجي من الامتحان بكره





    بالتوفيق ان شاء الله

  9. #9
    Pharma Student
    تاريخ التسجيل
    Dec 2009
    المشاركات
    645

    افتراضي

    rbna m3ak bs mosh tt25r 3lina

  10. #10
    Pharma Student
    تاريخ التسجيل
    May 2008
    المشاركات
    311

    افتراضي

    موضوع جميل
    بس ارجوا ان مايكونش فى سخريه من طلبه تجاره

صفحة 1 من 18 12311 ... الأخيرةالأخيرة

المواضيع المتشابهه

  1. خبر بمليون جنيه.....كليتنا من افضل 100 كليه في العالم
    بواسطة Messi في المنتدى المنتـدى العـام
    مشاركات: 23
    آخر مشاركة: 07-04-2010, 03:04 AM
  2. يوميات طالب فاشل
    بواسطة محبة الله في المنتدى المنتدي الترفيهي
    مشاركات: 11
    آخر مشاركة: 06-03-2010, 07:26 AM
  3. مشاركات: 101
    آخر مشاركة: 24-02-2009, 01:55 AM
  4. الى كل كليه صيدله
    بواسطة MIRAG في المنتدى المنتـدى العـام
    مشاركات: 9
    آخر مشاركة: 27-09-2008, 01:36 AM
  5. يوميات طالب صيدله في اجازه اخر العام
    بواسطة dr_khalek_fakrny في المنتدى الفرقة الثانية 2008
    مشاركات: 4
    آخر مشاركة: 02-07-2008, 02:35 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •