حبيت أوضح نقطة يعني بتعمل لبس للعاوز يقدم في الصيدلة الأكلينيكية ( أنا كنت أولهم ) . تلاقيك بتسمع أن صيدلة طنطا او بني سويف مطبق فيها الصيدلة الأكلينيكية ببلاش . الكلام ده غلط . اه طيب الصح ايه !!!!!!!! أقولك انا . فيه حاجة اسمها النظام الحديث . ديه لايحة جديدة كانت المفروض تنزل المنصورة السنادي بدل اللايحة الي شغاله بيها اعدادي دلوقتي ( مش عارف أخروها ليه السنادي كمان؟؟!! ) . اه طيب يا عم أنت بتقول لايحة جديدة . اه لايحة جديدة بحيث يشيلوا منها مواد علوم الي هيا الفيزياء والحيوان وفي اخر سنة بتدرس أكلينيك . طيب ده شيء كويس يعني بيكتبلهم في البكالريوس ايه ؟؟؟؟؟
أقولك أنا بيتكتبلهم (بكالريوس علوم صيدلية بس يعني مفيش جديد في الموضوع غير التحصيل العلمي الصحيح وده شيء كويس ياريت لو كان اطبق السنادي). طيب امال الأكلينيك الي درسوه في اخر سنة ده مبيتكتبش في البكالريوس . اه مبيتكتبش في البكالريوس . أمال بيتكتب امتى يا عم كريم دوختنا . بيتكتب لما تدخل البرنامج ده . أو بأنك تأجل الحكاية ديه بعد لما تتخرج وتاخد بقى دبلومة وتمهيدي ماجيستير وماجيستير ودكتوراه وجيش ( يعني كلفة فلوس وتضيع وقت بالنسبة لواحد كان قدامه فرصة البرنامج ده ) ............ عشان تعادل شهدتك ببكالريوس علوم صيدلية أكلينيكية الي حضرتك بتاخده في البرنامج ده .
الكلام المكتوب قدامك لواحد طموحه أكبر من أنه يفتح صيدلية ويقعد فيها ده كلام لواحد عاوز لما يتخرج يعرف يعادل شهادته ( يعني واحد غاوي سفر برة وهجرة والحوارات ديه )ه بسهولة وبدون ما يضيع وقت في أنه يحضر وكده .
والله أنا بكتب نتاج بحثي على النت واراء طلبة زينا والحقيقة لقيت الكلام سليم ومظبوط ده رأيي .
لو حد عنده رأي تاني ياريت يقوله لينا .
