مشاهدة نتائج الإستطلاع: هل توافق على نظام الميد تيرم بهذا الشكل؟

المصوتون
716. أنت لم تصوت في هذا الإستطلاع
  • أوافق

    33 4.61%
  • لا أوافق

    516 72.07%
  • أوافق مع بعض التحفظات

    167 23.32%
صفحة 2 من 5 الأولىالأولى 1234 ... الأخيرةالأخيرة
النتائج 11 إلى 20 من 41

الموضوع: Mid-term ......ايه رأيك؟؟

  1. #11
    Pharma Student
    تاريخ التسجيل
    Dec 2008
    المشاركات
    803

    افتراضي

    اللي حصل ده قمة عدم النظام والهرجلة ولا يتناسب مع كلية بيقولوا انها أخدت الاعتماد..

    المطلوب مننا اننا نزاكر كويس للميد ترم ونحل كويس ونحضر السكاشن عادي وكمان ننتظم في حضور كل المحاضرات علي أساس اننا آلات مش محتاجين نرتاح وعلي أساس انه التركيز في أعلي مستوياته طول اليوم وكل دكتور يدخل يلاقي المدرج فاضي يستغرب ويزعل من الدفعة وياخد الغياب عقابا للي محضروش بدون مراعاة لاي ظروف !!!!!!!!!!!!!!!!!

    والمشكلة انه العيب كله من الكلية ، سوء تنظيم لأبعد مدي ولو حد من الطلبة قصر في حاجة من شدة الضغط ملوش عذر!!!!!!!!!!

    من الآخر أنا عمري مشفت العك ده غير في كليتنا فقط ..


  2. #12
    Pharma Student
    تاريخ التسجيل
    Sep 2008
    الدولة
    حدانا فالبلد
    المشاركات
    903

    افتراضي

    على فكره يا جماعه د/ ناهد قالت ان ان شاء الله من بداية الترم التاني (وتباعا السنين القادمه)
    هينزل جدول في اول اسبع من الترم يوضح تقسيمة المنهج وعدد الساعات النظريه والعمليه لكل قسم (زي المديسنال السنه اللي فاتت )
    ميعاد الميد ترم الموحد وهيكون بعد خامس أو سادس اسبوع فقط .........
    وهيتحدد فيه جدول الميد ترم (وهيكون اسبوع موحد ... تتوقف فيه الدراسه)
    وسيتم ان شاء الله تحديد مواعيد امتحانات العملي فيه ايضا ..........
    وطبعا جدول امتحانات اخر السنه ..........

    المفروض ان د/ ناهد بعتت الكلام ده لكل اقسام الكليه ......... بعد مناقشته في مجلس الكليه

    فيارب الكلام ده يتنفذ ........... وبالتوفيق جميعا
    والله هو لو اتنفذ زي مابتقول يبقي كويس اوووووي

    والمره دي نقدر نقول منها انها الي حد ما كويسه لاننا ذاكرنا اي نعم ضيعنا كام درجة في كل امتحان يس لو جينا نبصلها هنلاقينا بنضيع كام درجة الوقتي بس ذاكرنا 3/4 المنهج ....... يعوضنا في امتحا الترم بدل ماكنا نبدأ متأخر ونضيع اكتر في امتحانات الترم

    المطلوب مننا الوقتي اننا نذاكر كويس وبتركيز اكتر وربنا معانا ان شاء الله

  3. #13
    Pharma Student
    تاريخ التسجيل
    Dec 2009
    الدولة
    beside the moon
    المشاركات
    275

    افتراضي

    تجربة فاشلة جدا الا اذا اتنظمت لان بعض النظر عن تعابنا فى المذاكرة كفاية الضغط العصبى اللى مرينا بيه ولسه بنمر من مد ترم لعملى لنظرى ومش عارفين اخرتنا ايه

  4. #14
    Pharma Student
    تاريخ التسجيل
    Oct 2009
    الدولة
    Far Away From Here
    المشاركات
    1,477

    افتراضي

    الناس قالت تقريبا كل اللي انا عاوزة اقوله
    هو حاجه كويسه بس بطريقة مش منظمة عشان كده الريزلت طالعه مش كويسة
    انا عن نفسي موافقه بس يكون فيه نظام احسن من كده زي بقيه الكليات اللي عندها ميد تيرم

  5. #15

    تاريخ التسجيل
    Feb 2008
    المشاركات
    1,032

    افتراضي

    فكره كويسه بس عاوزه تنظيم اكتر ... والدكاتره يكونوا عارفين ايه هو الميد تيرم ده ونظامه ازاي .؟ وانه يكون قدر معين وعلي نص المنهج مش تلت تربعه وتوقيته يبقي مناسب لينا

    واللي بجد نفسي الكليه تراعيه اننا بشر ولازم نكون مرتاحيين مش كله مع بعضه كده و6 امتحانات في الاسبوع وحاجات غريبه كده بتحصل ....وحته انهم قالوا هايعملوه كله في اسبوع واحد طب لو فكرتوا كده ازاي كل يوم هانمتحن ماده ورا ماده يبقي هنذاكرهم امتي اصلا ؟؟

    وياريت فعلا لو ياخدوا من درجات العملي او حتي النظري لكن درجات الشفوي خساره اننا نضيع منها حاجه

  6. #16
    Pharma Student
    تاريخ التسجيل
    Mar 2010
    المشاركات
    126

    افتراضي

    هوه حلو ف اننا بنفتح الماده بدل ما نيجي ف الاخر ونفتحها لكن مفروض فعلا زي ما انتو بتقولو يكون معلن عنه وبلاش نظام المفاجات اللي بيعملوه معانا ده انا حاسه انه عملوه علشان يضيعو مننا درجات مش اكتر
    وبرده الاسبوع اللي بيبقي فيه ميد ترم يبطلو فيه شرح
    نفسي بس اي اقتراح من اللي احنا بنقترحه ده يتعمل منه اي حاجه منبقاش بنتكلم علي الفاضي

  7. #17
    Pb Elite
    تاريخ التسجيل
    Sep 2010
    الدولة
    حيث توجد الأزهار
    المشاركات
    1,100

    افتراضي

    وجه اعتراض معظم الدكاترة و أنا منهم ان درجات الميدتيرم من الشفوى
    يا ريت تتاخد من العملى أو النظرى لأن درجات الشفوى مضمونة باذن الله و حرام تضيع وهى اللى بتنقذنا أحيانا ..
    وكمان الضغط النفسى والعصبى اللى احنا عايشينه ده ..
    ياريت يتلغى خالص مش يتنظم .. لو كان التنظيم ده معناه ان تقسيمة الدرجات تفضل كده .. أنا عاوزة الشفوى يرجع تانى 30 درجة

  8. #18
    Pharma Student
    تاريخ التسجيل
    Oct 2007
    المشاركات
    51

    افتراضي

    فكرة الميد تيرم في حد ذاتها فكرة كويسة و هتساعدنا فعلاً..بس مش بالطريقة دي....يعني المفروض الامتحان يكون في نص المنهج و يكون عليه نص درجات النظري ..و العملي و المحاضرات تتوقف لغاية ما نخلص ..و يكون فيه جدول زي جدول الامتحانات...

  9. #19
    Pharma Student
    تاريخ التسجيل
    Sep 2011
    الدولة
    IN the life
    المشاركات
    467

    افتراضي


    امتحانات امتحانات امتحانات
    كله في اسبوع واحد
    اعصابي بــــــــــــــــــــــــــــــــــــــــاظت

  10. #20
    Pharma Student
    تاريخ التسجيل
    Nov 2009
    الدولة
    DK
    المشاركات
    327

    افتراضي

    الخلاصه
    الميد ترم بيعنى نص الترم
    ونص الترم يعنى نص المنهج ومفيش ماده امتحناها نصها
    والميد تيرم يعنى امتحان له درجات معروفه وامتحانات معرفه
    مش نمتحن امتحان وفى الاخر يبقى امتحان مش عليه درجات ومش عارفين الميد تيرم على اللى امتحاناه على النظرى ولا نظرى العملى

صفحة 2 من 5 الأولىالأولى 1234 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •