فى ايه فى دماغك

[Hedy]

الظاهر الناس بترد على حسب الناشر مش المنشور ده اللى لاحظته فى المنتدى.

هو ممكن يكون كلامك صح بس طبعا ده مش على وجه التعميم.,بس انا برده زيك ساعات بحس كده من بعض الأعضاء., وكمان وجهة النظر اللى بتقول ان ممكن حد يدخل بنية التصفح بس مش أكتر فى بعض الاوقات دى مظبوطه جدا زى مادكتورة قناع الذهب وضحت
بس طبعا أولا وأخيرا لازم تكونى واثقه ان ردود الغير دى مش هتقدم ولا هتأخر .,لان هنا أنا لاحظت ان ممكن حد يدخل يرد لمجرد انه يضايق حد معين ...وده شفته كتير
المهم ان موضوعك فكرته عاجبانى قوى ..واللى فى دماغى بقى الوقتى حااااالا
انى بفكر امتى هيلغوا الدراسه السنه دى؟ههههههه
ميرسى ياجميله ع الموضوع

[dodii]

كل سنه وانتو طيبيييييييين
بالنسبه للى في دماغي فهو تفكير هل انزل الصيدليه في الاسبوع الباقي من الاجازه ولا انفض
على فكره انا بفكر في الموضوع ده من اول رمضان (لاني منزلتش خالص في رمضان) ربنا يسهل واخد قرار بقى قبل ما الدراسه تبدأ

[chocolata]

ميرسى يالؤلؤ على فكرة الموضوع انا حاليا وخاصه ان العيد خلص كل اللى شاغلنى هو موعد الدراسه والسنة الجايه هتبقى عامله ازاى مع تهديد انفلونزا الخناذير بالذات هل هتبقى سنه عاديه ولا هيبقى فى كتير احتياطات عشان تجنب الاصابات وبقول ربنا يستر وينجينا من الوباء دا وبصراحه جت على دماغى حاجه كمان بس هى خاصه يعنى بفكر فى حله الرز اللى حطاها على النار عايزة اقوم اشوفها حصلها ايه؟

[simsimstar]

طبعا الموضوع فكرته جامدة جدا
ممتازة يعنى
كلنا طبعا أكيد بنفكر
وأنا بردة بفكر ودماغى فيها حاجات كتير

أولا عندى حفلة خطوبة النهاردة ولازم أحضرها
وبفكر أنا همشى امتى وهوصل امتى
وهعمل إيه هناك
ثانيا ودا الأهم
الموضوع اللى مش بيخرج من بالى
هو موضوع الدراسة
نفسى الدراسة تيجى تانى
وبتمنى من كل قلبى إنهم يحددوا موعد معين
لبدء الدراسة وكفاية كدة تأجيل
ويا ريت لو يشيلوا من دماغهم فكرة إلغاء
العام الدراسى
وربنا يستر

[@Noh]

شكرا ياشباب على ردودكم الظاهر ان موضوع الدراسة هو اكتر حاجة شاغلة الشباب يلا ربنا يطمننا جميعا

[DR DOOLA]

انا جوه دماغى حاجات هتغير وجه الكون
احلام الوفات الوفات و هاطولها و فين ما تكون

[@Noh]

شكرا لك يادكتور محمد يارب تطول كل احلامك وتغير وجه الكون فعلا ربنا ينفعك وينفع بك وشكرا على مشاركتك.