النتائج 1 إلى 9 من 9

الموضوع: سؤال محيرنى ياريت تجاوبونى عليه ....

  1. #1
    Pb Elite
    تاريخ التسجيل
    Jul 2008
    الدولة
    Where The Heart Is
    المشاركات
    1,948

    افتراضي سؤال محيرنى ياريت تجاوبونى عليه ....

    بسم الله الرحمن الرحيم

    اعضاء المنتدى الكرام .....منتدى كليه الصيدله .....كليتنا الجميله اللى مبهدلانا فى الامتحانات
    يارب تكونوا كلكو بخير وتكون الامتحانات ماشيه معاكو ..وربنا يوفقنا كلنا

    المهم انا كنت عاوزه اسأل على حاجه ويارب تفيدونى
    انا كل شويه افتح الايميل الاقى رسايل اوف لاين تكون عباره عن دعاء ومكتوب ابعت الدعاء ده لكل اللى عندك على الايميل وهتسمع خبر كويس النهارده ولو مبعتهاش هتعيش تعيس لمده 9 سنين ...سبحان الله هما دخلو فى علم الغيب وعرفوا انا هبقى تعيسه ولا سعيده .....وليه نربط الغيب بالكلام ده
    يا جماعه ياريت حد يرد عليا ويقولى الكلام ده فعلا صح ولا ايه حكايه الرسايل دى لانها بصراحه بتضايقنى

    على العموم ده نص الرساله اللى جت لى على الايميل

    حقيقة مثبتة لا إله إلا الله سبحانك اني كنت من الظالمين أرسلها الى 10 أشخاص وستسعد بخبر الليله وإذا أهملتها سيسوء حظك 9سنوات

    افيدونى افادكم الله

  2. #2
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    2,100

    افتراضي

    أيوة فعلا انا كمان بييجى لى الرسايل دى ،
    وبتضايق قوى من اللى بيقول أستحلفك بالله العلى العظيم ان ترسلها لكل اللى عندك وستسمع خبر سعيد
    واسال مجرب وحاجات غريبه كده ،

    طب افرض انا بعتها كذا مرة هقعد ابعت فيها ليل نهار عشان حلفانك ولا اييييييه

    انا لما بزهق بكتب الدعاء اللى فى الرساله بس عشان الثواب وبمسح الجزء بتاع استحلفك بالله ،

    وكمان فيه رسايل كتير بتيجى ع الايميل تحسيها أوفر قوى وماحدش يصدقها زى اللى بتكلمى عنها دى ،فانا بتجاهلها علاطول
    ..

  3. #3
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    الرسايل دي منها أنواع كتير

    في فترة من الفترات عندنا في البلد كانت بتتوزع على أبواب المساجد يوم الجمعة
    و كانت الرسالة بتبدأ بمقدمة شهيرة جدا مهما اختلف المضمون
    " ... من الحاج أحمد حامل مفاتيح قبر النبي عليه الصلاة و السلام ...
    الى جميع المسلمين
    السلام على من اتبع الهدى ... أما بعد ...
    فقد أخذتني سنة من النوم بجوار قبر الحبيب عليه الصلاة و السلام ... و أتاني في منامي قائلا ..."

    و يحط بعدها بقى أي كلام هو عاوزه سواء دعاء أو أي حاجة ... و أحيانا بتكون دعايا انتخابية !!!!

    و يختم الرسالة برضه بخاتمة أشهر من مقدمتها ...
    " ... و قد وعدني بأن من يوزع عدد كذا نسخة -يحط أي رقم عاوزه- سيتلقى خبرا سعيدا ...في خلال فترة كذا من الزمن ...
    و من سيهملها سيعيش تعيسا طيلة حياته و يأتيه خبر محزن في أقرب وقت ..."

    و تأكيدا على كلامه يقوم كاتب بعدها ...
    " ... و أن رجل أعمال سعودي بمدينة جدة قام بتوزيع كذا نسخة منها
    و جاءه خبر اتمام صفقة بعدة ملايين من الريالات ...
    و أن طبيب - سعودي برضه - أهملها و أنكر ما فيها
    جاءه خبر أن سيارة دهست ولده و مات ... "

    و للأسف كان في - و ما زال - أناس كثيرين من ضعاف القلوب و ضعاف الإيمان اللي بيصدقو الحاجات دي و يساعدو على نشرها من غير ما يقصدو

    و أحيانا ... تلاقي البعض يقول
    " أديني ببعتها و خلاص و أنا مش خسران حاجة ... إن لم تنفع فلن تضر "
    و ده و العياذ بالله أثم عظيم

    لأن الضار و النافع هو الله وحده سبحانه و تعالى

    و ممكن الاعتقاد بإن حاجة زي دي تنفع أو تضر ممكن يكون نوع من أنواع الشرك أعاذنا الله و إياكم منه

    و في الفترة الأخيرة ... مع انتشار النت و المحمول
    بدأت هذه الخرافات في العودة من جديد في أشكال أخرى ...
    و كلنا بنشوفها و بيجيلنا منها كتير ...

    و الحل الأمثل للتعامل مع الرسايل دي هو التجاهل التااااااام

    و ممكن نكون إيجابيين أكتر ... و نبعت رسالة للي بعت لنا الرسالة دي
    نعرفه و نوضحله بأسلوب لين و نقوله ان ده لا يجوز
    سواء ارسال مثل هذه الرسائل أو حتى الاعتقاد في أن لها ضرر أو نفع

    و ساعتها يبقى خدنا ثواب الأمر بالمعروف و النهي عن المنكر مع استحضار هذه النية


    و جزاكم الله خيرا ...

  4. #4
    Pharma Student
    تاريخ التسجيل
    Dec 2007
    المشاركات
    478

    افتراضي

    فعلا الرسايل دي مستفزة جدا
    بيجيلي زيها علي الايميل كتير
    بس ماكنتش باعمل اي حاجة غير اني بتجاهل الموضوع وخلاص


    ... و قد وعدني بأن من يوزع عدد كذا نسخة -يحط أي رقم عاوزه- سيتلقى خبرا سعيدا ...في خلال فترة كذا من الزمن ...
    و من سيهملها سيعيش تعيسا طيلة حياته و يأتيه خبر محزن في أقرب وقت ..."

    والنوع دة برده شفته قبل كدة في صورة ورق
    طبعا اي كلام والمشكلة ان في ناس كتير بتصدق
    زي برده صورة البنت الي اتحولت حيوان دي واحدة جابتهالي برده وكان مكتوب تحتها نفس الكلام
    فياريت يا جماعة وانا معاكم لو اي حد فينا شاف حاجة زي كدة ينصح راسلها او الي بيوزعها
    ويفهمه ان دة كلام مش حقيقي


    و ساعتها يبقى خدنا ثواب الأمر بالمعروف و النهي عن المنكر مع استحضار هذه النية

  5. #5
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    2,100

    افتراضي

    اقتباس المشاركة الأصلية كتبت بواسطة Anas مشاهدة المشاركة
    و الحل الأمثل للتعامل مع الرسايل دي هو التجاهل التااااااام

    و ممكن نكون إيجابيين أكتر ... و نبعت رسالة للي بعت لنا الرسالة دي
    نعرفه و نوضحله بأسلوب لين و نقوله ان ده لا يجوز
    سواء ارسال مثل هذه الرسائل أو حتى الاعتقاد في أن لها ضرر أو نفع

    و ساعتها يبقى خدنا ثواب الأمر بالمعروف و النهي عن المنكر مع استحضار هذه النية...


    اللهم انا نعوذ بك من ان نشرك بك شيئا نعلمه ونستغفرك لما لا نعلمه ..

    زي برده صورة البنت الي اتحولت حيوان دي واحدة جابتهالي برده وكان مكتوب تحتها نفس الكلام
    هى صورة البنت دى غلط ؟؟؟
    ده انا شفتها على موبايل خالى وصدقتها وقعدت اعيط وكنت ايام امتحانات وجالى اكتئاب بسببها ..
    بس القصه بجد كانت مؤثرة معقوله بيفبركوا كل ده ؟؟؟
    طب وهيستفيدوا ايييييييييه !!!!!!

    ده انا طلعت طيبه قوووووى ..

    بس بجد حرام اللى بيحصل ده ، يعنى ممكن توصل لدرجة الشرك ولعياذ بالله !!!

  6. #6
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    صورة البنت دي و غيرها كتير

    بس ده مش موضوعنا هنا

    http://www.pharma-board.com/board/showthread.php?t=7777

  7. #7
    Co-Admin
    تاريخ التسجيل
    Oct 2007
    الدولة
    المنصورة
    المشاركات
    4,032

    افتراضي

    أظن بعد كلامكم مافيش كلام بعد كدة
    الملخص ده كلام فاضي وأغلبها بيكون بدع مالهاش أي أصل من الدين
    أي حد بسمعه يقول كدة بالذات لما يقول انشر تؤجر
    أرد عليه بكل بساطة وأقوله انشر تأثم ولا تؤجر

    ممكن نكون إيجابيين أكتر ... و نبعت رسالة للي بعت لنا الرسالة دي
    نعرفه و نوضحله بأسلوب لين و نقوله ان ده لا يجوز
    سواء ارسال مثل هذه الرسائل أو حتى الاعتقاد في أن لها ضرر أو نفع

    و ساعتها يبقى خدنا ثواب الأمر بالمعروف و النهي عن المنكر مع استحضار هذه النية
    الخلاصة

  8. #8
    Pb Elite
    تاريخ التسجيل
    Jul 2008
    الدولة
    Where The Heart Is
    المشاركات
    1,948

    افتراضي

    شكرا يا جماعه لكل اللى رد على الموضوع ووضحه ..ربنا يجازيكو كل خير
    اقتباس المشاركة الأصلية كتبت بواسطة dr queen مشاهدة المشاركة

    اللهم انا نعوذ بك من ان نشرك بك شيئا نعلمه ونستغفرك لما لا نعلمه ..
    اللهم امين

  9. #9
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    افتراضي

    انا طبعا مش مقتنعه بالرسايل دي خالص
    بس بما انها بتحتور علي ادعيه او تسبيح من الحاجات الكويسه فبمسح الجزء بتاع ابعتها وهتسمع خبر حلو وابعتها وكده مش هتنتشر اوي
    انما لما ابعتها للي عندي ويبعتوهالي تاني
    حتي فيه ناس بتدخل الشات وتبعتها طبعا انا ده بعتبره خرافات ومش عارفه احرم لاني مليش الحق
    بس اعتقد ان الحل اللي انا قلته كويس

المواضيع المتشابهه

  1. سؤال محيرنى
    بواسطة GHALIA في المنتدى مناقشات زوار منتدى كلية الصيدله
    مشاركات: 4
    آخر مشاركة: 10-11-2010, 07:43 PM
  2. سؤال يا ريت اللي يعرف يجاوب عليه
    بواسطة yojeena في المنتدى منتدى الصحه
    مشاركات: 34
    آخر مشاركة: 07-02-2010, 06:23 PM
  3. سؤال اتمنى الكل يجاوب عليه؟؟
    بواسطة دكتور فاتن في المنتدى منتدى المناقشات
    مشاركات: 36
    آخر مشاركة: 24-09-2009, 01:31 AM
  4. سؤال عالمي لم يستطع احد الاجابه عليه
    بواسطة shaimaa في المنتدى المنتـدى العـام
    مشاركات: 7
    آخر مشاركة: 27-09-2008, 02:51 PM
  5. ممكن تجاوبوني.............
    بواسطة khokha في المنتدى الفرقة الاعدادية 2008
    مشاركات: 2
    آخر مشاركة: 11-10-2007, 02:28 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •