هل هم سحرة ام ماذا.......؟؟
لا يختلف اثنين مننا على ان عقاقير التيرم الثانى بالرغم من كبر منهجها وصعوبته الا انها ممتعة وغير كل مرة
فبالنسبة للعملى:
كان الاختيار الاروع للدكتورة ولاء لتتولى زمام الامور فى العملى فى المدرج والدكتورة ولاء (تشابه اسماء بس مش اخوات)فى المعامل
والصراحة والحق لله هم مش ناقص الا انهم يمتحنوا مكانا
والدليل ان المدرج بيكون مكتوم فى المحاضرتين زى صلاة الجمعة فى الجامع
لذلك ارجو منحهم وساما التفوق لهذا العام
اما النظرى:فدا حكاية تانية خالص
محاضرة الدكتورة منى بيكون دمها زى العسل ومع ذلك خفيفة على المعدة
اما محاضرة الدكتور حسن الراضى
فهى لاتوصف (بقالى ساعة بدور على اى كلمة توصفها منعا للاحراج مش لاقى)
الواحد بيقعد مركز ساعتين من غير ما ينبش ( ومن غير سحر ولا شعوذة ) هتقولى ازاى
هقولك والله مااعرف ودى عمرها ماحصلت ليا
وكل محاضرة اقول خلاص بقى المرة دى همل اكيد بس اروح الاقى المدرج مردوم ناس زى ما يكونوا بيوزعوا لحمة
واقعد مركز والدكتور يتكلم زى ما يكون بينومنا مغناطيسى ولا ايه .
لذلك كل واحد من حضراتكم يقدر جائزة يهديه للدكتور حسن وقسم العقاقير......
وشكرا.gif "Fop (27)")
المشاركة الأصلية كتبت بواسطة drsabri2010
