مشاهدة نتائج الإستطلاع: ما هو رايك فى شات طلبه تانيه

المصوتون
32. أنت لم تصوت في هذا الإستطلاع
  • مفيدجدا

    16 50.00%
  • عادى

    12 37.50%
  • غير مفيد

    4 12.50%
صفحة 3 من 101 الأولىالأولى 123451353 ... الأخيرةالأخيرة
النتائج 21 إلى 30 من 1004

الموضوع: ساحة حوار لطلبه تانيه الجدد

  1. #21
    Pharma Student
    تاريخ التسجيل
    Aug 2007
    المشاركات
    2

    افتراضي

    بسم الله الرحمن الرحيم
    احب اهنيكم علي فكره الشات الجميله دي واللي ان شاء الله تفيدكم واتمني ان زمايلنا في الفرقه التالته اللي ان شاء الله هيبقوا في رابعه السنه دي يعملوها واهو نستفيد كلنا من خبره بعض باذن الله
    انا اسمي سامح في سنه تالته ان شاء الله
    بالنسبه لمواد تالته اللي هتقابلكم السنه اللي جايه فاحب اقولكم ان تالته مش هتبقي صعبه علي قد ما هتبقي مناهجها طويله
    يعني باختصار هيا محتاجه نفس طويل ومتابعه من البدايه ان شاء الله
    المشكله مش هتبقي في طول المناهج وبس المشكله في تالته هي بعض الدكاتره ومش كلهم لا بعضهم
    الموضوع فعلا هيطول لان الموضوع محتاج اننا نمسكها ماده ماده لكن انا هحاول اختصر
    1)لازم غصب عننا نهتم بالعملي شويه علشان هو اللي بيخلي الواحد يضمن النجاح
    2)بالنسبه للفيتو جزء الدكتور جلال معتوق في التيرم الاول وجزء الدكتور فريد بدريه في التيرم التاني هيبقوا صعب جدا في الامتحان لانهم غالبا بيجو من بره المنهج من ابحاث وكلام كده غريب فلازم يبقي في متابعه في المحاضرات بتاعتهم وفي نفس الوقت متابعه ورق الدروس اللي مبينزلش الا في اخر يوم قبل الامتحان
    3)بالنسبه للكيميا الحيويه والطبيه فهما ان شاء الله اسهل حاجه هتقابلكم لكن المنهج طويل بس
    4)المعايرات ان شاء الله مفيش فيها مشكله هي منهجها دايما صغير بس هي ماده جديده قوي علشان كده هتحتاج شويه مجهود لكن هي ماده صغيره جدا وامتحاناتها سهله جدا فيما عدا امتحانات العملي بتاعتها في التيرمين بيبقوا صعب شويه لكن الورقه والشفوي ان شاء الله مفيش فيهم مشكله
    5)الفارما بقي الذ ماده ان شاء الله واسهلهم كمان لكن اطولهم بس ان شاء الله مش هتلاقوا مشكله في مذاكرتها لانها ماده لذيذه قوي والتيرم التاني فيها اجمل
    باختصار تالته محتاجه ان الواحد بس يركز ويعتبر نفسه صيدلي بجد ويهتم بعقله شويه وينسي بقي العضويه والتحليليه اللي كانوا بيخلوا الواحد يلغي عقله ويستعمل اليه الحفظ
    خلوا بالكم انشاء الله هتقابلوا دكتور نادر اللي بيدي معظم دروس تالته واعتقد انه سبب كبير ان لم يكن وحيد في الدرجات اللي بتضيع من الواحد فياريت اللي مش بياخد دروس انه يتابع معاه من الكتاب اول باول او من محاضرات لانه بيعمل حركات خبيثه قوي وبيشيل كلام مهم من الورق ومش بينزله الا ايام الامتحانات بس
    ربنا يوفقنا جميعا ان شاء الله
    اه نسيت اهم حاجه علي قد ما الواحد بيكتب في الورقه علي قد ما بياخد درجات وعلي فكره تالته اكتر سنه فيها تقديرات عاليه في الكليه

  2. #22
    Pb Elite
    تاريخ التسجيل
    Jun 2007
    الدولة
    المنصوره
    المشاركات
    3,112

    Talking

    جزاك الله خيرا يا دكتور سامح على المساعده الجميله دى وسعداء جدا بمشاركتك معانا

  3. #23
    Pharma Student
    تاريخ التسجيل
    Jul 2007
    الدولة
    damettia
    المشاركات
    557

    افتراضي

    الشات لسه كتير علشان يبقى احسن من كده بس هو مش شات لتانية الدفعة الجديدة لان لقيت مواد ثالثة فى الشرح

  4. #24
    Pb Elite
    تاريخ التسجيل
    Jun 2007
    الدولة
    المنصوره
    المشاركات
    3,112

    Talking

    لا هو دكتور سامح من تاتلته حب يشاركنا واحنا سعدء بالمشاركه دى ولى حد يحب يشاركنا اهلا بيه حتى لو فى حد فى اولى او اعدادى عايز يسال فى حاجه اهلا بيه وبالنسبه للشات فانا مستيا افكار حضرتك معانا علشان يكون الشات افضل من كده

  5. #25
    Pharma Student
    تاريخ التسجيل
    Jun 2007
    الدولة
    n world
    المشاركات
    61

    افتراضي

    هو ياجماعة اللى بيدخل لدكتور : ولش فى اولى بيفضل يدخلة على طول فى الشفوى
    احسن بجد انا هانتحر لو دخلتلة تانى
    وضعنا خلاص

  6. #26
    Pb Elite
    تاريخ التسجيل
    Jun 2007
    الدولة
    المنصوره
    المشاركات
    3,112

    افتراضي

    لا متخافش مش للدرجادى يا دكتوروبعدين الشفوى ده مقياس لحاجات كتير وممكن ناس تقولك الدكتور ده فظيعويطلع طيب جدا ويديلك درجه جميله متقلقش بس اعمل اللى عليك والباقى على ربنا ان الله لايضيع اجر من احسن عملا

  7. #27
    Pharma Student
    تاريخ التسجيل
    Jun 2007
    الدولة
    n world
    المشاركات
    61

    افتراضي

    لا انا ماليش دعوة ...................................... مش عاوز ادخلة تانى
    looooooooooooooooooooooooolz

  8. #28
    عضـو هيئـة التـدريـس
    تاريخ التسجيل
    May 2007
    الدولة
    EGYPT,MANSOURA
    المشاركات
    330

    Smile


    ياخبر ابيض يا دكتور911_ok
    غالبا اسمك احمد,صح؟
    هو في الغالب فعلا انت هتدخل لدكتور ولش تاني
    انا عن نفسي دخلتله 3مرات من اصل 4 مرات امتحنا فيهم تحليليه شفوي
    انا معاك انه صعب بس مش للدرجه دي
    هو الشفوي اصلا نصيب وتوفيق من ربنا
    ومادم انت عامل اللي عليك خش لاي حد ميهمكش
    ان الله لا يضيع اجر من احسن عملا
    وعلي فكره ان تقديراتي كانت في التحليليه كويسه
    الحمد لله

  9. #29
    Pharma Student
    تاريخ التسجيل
    Jun 2007
    الدولة
    n world
    المشاركات
    61

    افتراضي

    شكرا dr gemy انا احمد فعلا بس للاسف برضة مش عاوز ادخلة كفاية عليا مرتين

  10. #30
    Pb Elite
    تاريخ التسجيل
    Jun 2007
    الدولة
    المنصوره
    المشاركات
    3,112

    افتراضي مقتبسه

    انا اقتبست دى من موضوع على المنتدى بس علشان حسيت ان هنا ممكن الناس تقراها وياريت اى حد كان فى ثانيه السنادى يدخل وبرضه يقولنا عن تجربته مع سنه تانيه خصوصا اننا بنسمع انها اصعب سنه
    من الآخر وده في أي سنة مش في تانية بس... ذاكر تجيب تقدير
    مواد تانية مش فيها مواد جديدة غير الميكرو

    العضوية أغلبها بيعتمد على الأساس بتاع اعدادي وأولى بس بجد أظرف مادة عندنا
    أهم حاجة فهم الاساس والباقي كله هيكون سهل خالص
    العملي الترم الاول هو نفس عملي اولى بس بدل unknown واحد بيكون mixture of two unknowns
    الترم التاني يكون تجارب مختلفة شوية والامتحان هو التجربة مع شفوي في المعمل وشيت علشان كده اهم حاجة تبدأوا مذاكرة العضوية بدري خصوصا الترم التاني علشان متتعبوش أيام امتحانات العملي

    الصيدلانيات مختلفة شوية عن أولى خالص بس برضه من المواد الخفيفة والممتعة
    والمنهج خصوصا الترم التاني اصغر من باقي المواد
    والعملي بتاعها مش صعب بالمرة بس المشكلة ان الواحد بيخرج منه مش عارف هو صح ولا غلط ومفيش أي طريقة يتأكد بيها

    العقاقير نفس النظام.... النباتات وال origin, description, active constitients, use بتاعتها زي نظام أولى بس اكبر شوية
    الترم الاول والتاني زي بعض بس مع اختلاف جزء narcotics الترم التاني لأنه أظرف جزء في العقاقير وهتستمتعوا جدا وانتم بتخدوه
    العملي برضه زي أولى, الpowder هينزل في المعمل وتشتغلوا عليه وامتحاننا كان spots بس مش powder

    التحليلية من المواد اللي عايزة فهم مع تركيز خصوصا في العملي
    المنهج مختلف نوعا ما عن أولى بس العملي تقريبا نفس الاساسيات وأهم حاجة التركيز والدقة في الشغل

    الميكرو هو مشكلته بس انه مادة جديدة وبناخدها مرة واحدة في سنة واحدة فبنحس انها تقيلة شوية
    عايز برضه شوية حفظ مع شوية فهم ومذاكرة من أول السنة علشان الميكرو بالذات كل الناس بتتزنق فيه أيام الامتحانات وعلشان مادة مش واخدين عليها فبنتعب فيها اوي والتقدير ميطلعش أد كده علشان مش بنذاكرها من الاول
    العملي بتاعه الترم الاول احنا اشتغلنا في المعمل التجارب عادي بس الامتحان جالنا spots بس
    والترم التاني أظرف حاجة في الميكرو علشان العملي بتاعه
    أظرف عملي عندنا او عندي على الاقل بعد التحليلية هو عملي الميكرو الترم التاني

    اهم حاجة ذاكروا من اول السنة بالذات الميكرو والعقاقير علشان مواد كبيرة شوية
    واللي بيذاكر بيجيب تقدير ان شاء الله
    ولو بدأتم جد هتستمتعوا بالسنة وتحسوا انها سنة ظريفة جدا ان شاء الله

صفحة 3 من 101 الأولىالأولى 123451353 ... الأخيرةالأخيرة

المواضيع المتشابهه

  1. ساحة حوار طلاب تانية الجدد 2010 / 2011
    بواسطة A.Elrayes في المنتدى الفرقة الثانية 2011
    مشاركات: 574
    آخر مشاركة: 11-03-2011, 02:59 PM
  2. ساحة حوار طلاب تالتة الجدد 2010 / 2011
    بواسطة A.Elrayes في المنتدى الفرقة الثالثة 2011
    مشاركات: 2149
    آخر مشاركة: 09-03-2011, 02:58 PM
  3. ساحة حوار لطلبه بكالوريوس 2010
    بواسطة wh_kaboo في المنتدى الفرقة الرابعة 2010
    مشاركات: 1396
    آخر مشاركة: 19-02-2010, 08:24 PM
  4. ساحة حوار طلبة تالته الجدد 2009 / 2010
    بواسطة dr queen في المنتدى الفرقة الثالثة 2010
    مشاركات: 964
    آخر مشاركة: 16-02-2010, 06:36 AM
  5. ساحة حوار لطلبه بكالريوس
    بواسطة ريـان في المنتدى الفرقة الرابعة 2008
    مشاركات: 628
    آخر مشاركة: 17-07-2008, 01:58 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •