السلام عليكم ورحمة الله وبركاته
بعد التحية لكم جميعا زملائي و زميلاتي ..
كلنا عارفين مدى فائدة النقاش و التحاور في المعلومات و خصوصا في كلية زي كليتنا ..
و نظرا لأهمية سنة ثالثة صيدلة و اللي فيها اتعلمنا معظم معلوماتنا الدوائية الصيدلية ,
حبيت أعمل هذه الساحة ,
الغرض منها ان اخواننا في الفرقة الثالثة هيسألونا احنا طلاب البكالوريوس في أي حاجة مش فاهمينها أو مش مقتنعين بيها ,
طالب الفرقة الثالثة هيسأل و ان شاء الله أنا و زملائي و زميلاتي هنجيب و لو ربنا قدرنا هنفيدكم باذن الله , و في نفس الوقت انتم لما تسألونا كدة بتجبرونا اننا ندور في دفاترنا القديمة و نحاول نفتكر ..
و كدة الفائدة تعود عليكم و علينا ان شاء الله ..
و ان شاء الله تكون ساحة مفيدة و موفقة , و نكون ( طلاب البكالوريوس ) قدها .. ياااارب آمين ..
ملحوظة : اسألوا في أي شيء علمي أقصد محدش يسأل عن نظام الامتحان و الكلام دة , احنا عايزينها ساحة علمية ..
بجد يا جماعة محدش يتردد في عرض الأسئلة ..
منتظرين أسئلة و نقاش علمي بين صيادلة المستقبل ..
جزاكم الله كل خير و بالتوفيق ..