انا صحبتي بابليك وابلايد ياريت حد يفيدني هتعمل ايه
انا صحبتي بابليك وابلايد ياريت حد يفيدني هتعمل ايه
خلاص يا دكتوره بيلادونا حضرتك تسالى فى مدسنال رابعه وتالته والصناعيه و حد تانى بقى يسال فى الابلايد و البابليك
لو سمحت يا جماعه مفيش حد يعرف نمرة لشئون الطلبه ضرورى بعد اذنكم
ياريت حد يسأل عن الصناعية والمدسنال لصحبتى وهل لازم تنزل دلوقتى ولا تعرف النظام ازاى
وربنا معااكم يارب
انا باذن الله هسال عن الصناعيه والمديسنال بس اللى يعرف مين من الدكاتره مسئول عن مديسنال تالته ومين مسئول عن رابعه يفيدتا الله يكرمكم علشان نبقى عارفين هنسال مين
اسالى لرئيس القسم عن الدكاتره اللى هيحطوا كل امتحان و اسالى اللى تلاقيه من الدكاتره اللى كانوا بيدرسولنا
يا دكاتره انا لسه راجعه من الكليه وسالت فى الشؤون عن ميعاد الامتحان قالولى انها اول سبتمبر والعملى كله برده اول سبتمبر انا سالت دكتوره دينا عن مديسنال رابعه قالتلى العملى اول سبتمبر مع النظرى وسالت برده دكتور اسماعيل عن الصناعيه قاللى غالبا هيبقى شيت العملى بعد النظرى وكله فى سبتمبر مفيش اى حاجه الشهر ده وسالت فى الابلايد دكتوره ناديه قالتلى انها مفيش عندها اى فكره بس لاسف مفيش اى حد من الدكاتره كان موجود غيرها بس هيا اديتنى نمره حد من الاساتذه المسئولين عن رابعه وقالتلى تابعوا معاه بالتليفون اللى معاه ابلايد يدخل معايا على الخاص وياخدها هوة ده كل اللى قدرت اعرفه النهارده بس مش هروح تانى غير اخر شهر 8 لان زى مقولتلكم مفيش اى حاجه غير اول سبتمبر
-----
كمان عايزه اطمنكم لانهم قالولى ان الامتحان بيبقى مختلف عن الامتحان العادى يعنى بيبقى مكرر من حاجه فاتت غالبا بس طبعا مفيش حد قاللى غير كده واننا ان شاء الله نبدا مذاكره من دلوقت والله المستعان وان شاء الله خير
طيب عاوز يا جدعان لو حد معاه بابلك وابليد دور تاني يعرفني
ونضبط المواعيد مع بعض
لاني حاسس اني تايه
بصوا يا جماعه نظام انكوا تذاكروا مع نفسكوا دا مينفعش لازم تسالوا دكاتره الماده عن نظام الامتحان ولا زم حد يجيب امتحانات الدور التانى السنين اللى فاتت دا غير ان برضه لازم الدكاتره يحددوا هيجيبوا من اى امتحان لكن ان كل حد يذاكر كم المنهج دا وخلاص دا كلام مش صح خالص