صفحة 1 من 3 123 الأخيرةالأخيرة
النتائج 1 إلى 10 من 23

الموضوع: العيب فيا و لا فى مين ؟؟!!!!!!!!!!!!!!!!!!!

  1. #1
    Pb Elite
    تاريخ التسجيل
    Sep 2008
    المشاركات
    2,071

    Exclamation العيب فيا و لا فى مين ؟؟!!!!!!!!!!!!!!!!!!!

    بسم الله الرحمن الرحيم
    لو سمحتم يا جماعة عندى بعض المشاكل الى بتعرض لها من بداية الترم و بصراحة عايزة اعرف الاحساس ده خاص بى و لا حد حاسه زى ..........................................
    جينا فى اول اسبوع فى الترم التانى و بدانا دراسة على طول محاضراتنا و بنسمع و سكاشن و بنحضر و الراحة الى بين المحاضرات مناخدهاش و نسكت بس بجد معنتش قدره استحمل و كل الى عايزة اعرفه هو احنا دخلنا الكلية ليه علشان نتعلم و نعلم الى بعدينا و لا علشان نمتحن و ننسى ، طيب هو علشان نتعلم مش مفروض الجو يكون مناسب ان الطالب يقدر يفهم و الكلية مفروض يعنى تساعده على كده بس المشكلة بالنسبة لى ان العكس بيحصل .............................
    النهارده و بقدرت قادر الجدول اتغير و بقى مفروض نروح الساعة 8 علشان عندنا محاضرة شرح عقاقير طب سؤال بسيط هو الى غير الجدول مش مقدر ان فى ناس بتيجى من اماكن بعيدة و المفروض انهم على يصحوا اقل تقدير من الساعة 6 الصبح طب حتى مسالش نفسه هيلاقوا موصلات و لالا و لو حتى لقوا هيعرفوا يركبوا و يجوا و لا لا طب بلاش كل ده مسالش نفسه البنت ازاى هتخرج من بيتها الساعة 7 و تمشى و تسافر الصبح بدرى بالشكل ده بجد الموضوع يخنق و كل ماتسال حد يقولك بسهولة علشان المجموعة أ تخلص بدرى طب هم فين اصلا المجموعة أ الى بتيجى فى ميعادها اذا كان تلت تربعهم بيحضروا مع ب .
    و بعدين لو هتغيروا المواعيد يبقى التغير للكل يعنى المجموعة ب بتخلص الثلاثاء و الاربعاء الساعة 6.30 يعنى المفروض المجموعة أ تبدا فى اليومين دول الساعة 8 زى ما حصل مع ب و لا ايه المانع فى الكلام ده .
    اما بالنسبة لى المشكلة التانية انى معنتش حاسه ان فى حد بيحس بينا فى الكلية ديه يعنى الدكتور يخش كل الى يهمه يقول المحاضرة و يخرج من غير ميسال نفسه الطلبة فهموا ولا لا طب الطلبة الميعاد مناسب ليهم و لا لا طب الطلبة اقدرت انى اوصلهم المعلومة كويس تابعونى فى الشرح و لا لا ......................
    كل الاسئلة ديه اشك ان فى حد بيعملها لان السبب بمنتهى البساطة ان الدكتور مش لاقى مكان فى الجدول و بالتالى مضطر انه يدور على اى وقت يدى فيه المحاضرة علشان محدش يقول انه مقصر و فى النهاية الطالب هو الى بيضيع و مبيستوعبش حاجة خااااااااااااااااااااالص زى الى حصل فى محاضرة الكيمياء العضوية .
    اما المشكلة التالتة هى ان و مع احترامى طبعا لكل الكاترة معدش فى دكتور بيهمه يعرفنا احنا هنستفيد ايه من المحاضرة ديه و لكن كل الى بيهمه انه يوضح للطالب ايه الى هيجى فى الامتحان و ايه الى مش هيجى فى الامتحان و ازاى هتيجى فى الامتاحن و اكتر كلمة بتتقرر هى الامتحان الامتحان زى ما نكون احنا داخلين الكلية علشان نمتحن و بس .... قليل جدا لو سمعت دكتور بيقول الجزء ده خلى بالك منه هيفيدك لما تتخرج ، و فى دكاترة تانيين مبيقولوش حاجة من اصله زى ما دخلوا زى ما خرجوا و مش مشكلة الناس الى اعقده اقدامه .و بالتالى اسهل لنا نجيب مذكرات المراجعة الى بتنزل يوم الامتحان و خلاص .
    اما المشكلة الرابعة هى ان قليل جدا لو لقيت حد بيعترف بالكتاب غير طبعا دكاترة الصيدلانيات الى بيجبرونا نذاكر منه ، اما الباقى بيخلونا نذاكر من البوربيونت او من ورق بينزلوا هم طب ليه بينزلوا الكتاب من الاول و يخلونا نشتريه لو علشان العملى يطبعوا العملى بس و يوزعوه و نذاكر احنا من البوربيونت .
    طب حتى لو هنذاكر من البوربيونت طب ما فيه مشكلة تانية هى ان ناس كتير مبتعرفش تذاكر على الكمبيوتر غير طبعا التكلفة و بالتالى قدمهم حلين اما يطبعوا البوربيونت و ده طبعا مشكلة للبنت لان صعب تروح سيبر او اننا نشترى الورق بتاع الدروس من المكاتب و اظن ان ده اسهل .
    مش هتكلم عن مشكلة الاماكن و ان المجموعة أ بتحضر مع ب او العكس و لكن من راى الموضوع ممكن يتحل عن طريق تقسيم الناس حسب اماكن السكن يعنى الناس الى بتسافر ممكن تحضر الصبح و الى اعقده فى المدينة الجامعية و المنصورة يجوا متاخر شوية .
    و الحل التانى الى هيريحنى كتير ان مواعيد المجموعة ب تكون متاخرة علشان الاقى مكان اعقد فيه و اقدر افهم . وقبل ما انسى يا ريت الدكاترة يحافظوا على حقنا فى العشر دقايق الراحة علشان نقدر نستعيد نشطنا فيها خاصة دكاترة طب .
    و فى النهاية اتمنى ان المشاكل ديه تكون انا الوحيدة الى بعانيها عشان يكون العيب فيا انا و مش فى حاجة تانية و اتمنى الاقى حل لانى اكتئبت من البداية امال فى النهاية هيحصل ايه !!!!!!!!!!!!!!!!!!!!!!!!!!!
    احب اوجه احترامى لكل الكاترة الى بيدرسوا لنا سواء كنا متفين عليهم او لا و لكنهم فى النهاية معلم و و المعلم رسول و كلامى كان عام و ليس خاص .

  2. #2
    Pharma Student
    تاريخ التسجيل
    Feb 2008
    المشاركات
    528

    افتراضي

    كلامك جميل جدا يا دكتوره ...وتعالى نناقش مشكله مشكله

    1-مسألة اول اسبوع ف الترم او اخره .....احنا بنتعلم وبالتالي لازم نستعد لاستيعاب اى حاجه في اي وقت احنا دلوقتي في ايام الدراسه يا دكتوره والاجازه خلصت
    وبالنسبه للراحه اللي بين المحاضرات...اعتقد انه على الورق فيه راحه
    وكمان مفيش دكتور بياخد وقته كله وبالتالي فيه راحه
    ولو افترضنا جدلا ان دكتور زود على وقت المحاضره المفروض احنا ننبهه

    2-احنا عرفنا فعلا ان الجدول هيتغير وهنيجي الساعه 8 وده لمجموعه ب
    اعتقد ان الكلام ده لازم يحصل كمان مع مجموعه أ
    والا يبقى مجموعه أ اتميزت بحاجه
    ويبقى الجدول فيه ظلم لمجموعه على حساب الاخرى
    وانا مع حضرتك طبعا ف النقطه دي ....بس لازم نعرف ان اعدادى وتقريبا كل الدفعات
    بتبدأ الساعه 8
    وده ميمنعش برضه انه عدلا المجموعتين يخدوا الصبح زي بعض

    3-اما مشكلة الدكاتره اللي مبيتنقشوش معانا .فانا اعتقد ان الطالب
    هو اللي بيجبر الدكتور على نظام معين
    انا لو مش فاهم حاجه المفروض اقول للدكتور مش فاهم
    فهو يعيد وده ابسط حقوقي على الدكتور

    4-اما مشكلة الكتاب بأه فدى مشكله عامه
    بمعنى ان مفيش حد بيذاكر منه
    سواء صيدلانيات او غيره
    انا عن نفسي بعتبره مرجع علمى صغير الجأله
    لما اتخرج في موضوع
    او لما تكون حاجه ف الورق فيها لبس
    بلجأ للكتاب
    يعني هو مرجع اخير على كل حال

    5- مشكلة المجموعات اللي بتحضر مع غيرها
    فدى انا شايفها مش مشكله تماما
    بالعكس دى مشكلة اللي مبيحضرش
    بمعنى انا لو جيت ف معادى الصبح
    هلاقي مكان
    هعد فيه
    وبالتالي هيكون بتاعى طول اليوم
    وبعد الضهر
    كده كده فيه اماكن
    انا قصدى انا التزم بمعادى انا
    ومليش دعوه بغيري
    واللي ميلتزمش يستحمل بأه الوقفه

    وده كان رأيي في المشاكل اللي حضرتك عرضيها
    اتمنى المشاركه من الجميع
    لكى منى خالص الشكر والتقدير

    حلمى كبير

  3. #3
    Pharma Student
    تاريخ التسجيل
    Dec 2008
    المشاركات
    665

    افتراضي

    المشكلة الرابعة هى ان قليل جدا لو لقيت حد بيعترف بالكتاب غير طبعا دكاترة الصيدلانيات الى بيجبرونا نذاكر منه ، اما الباقى بيخلونا نذاكر من البوربيونت او من ورق بينزلوا هم طب بينزلوا الكتب من الاول؟و يخلونا نشتريه لو علشان العملى يطبعوا العملى بس و يوزعوه و نذاكر احنا من البوربيونت .
    طب حتى لو هنذاكر من البوربيونت طب ما فيهمشكلة تانية هى ان ناس كتير مبتعرفش تذاكر على الكمبيوتر غير طبعا التكلفة و بالتالى قدمهم حلين اما يطبعوا البوربيونت و ده طبعا مشكلة للبنت لان صعب تروح سيبر او اننا نشترى الورق بتاع الدروس من المكاتب فعلا والله عندك حق ف حاجات كتيرة غريبة بتحصل والواحد مش قادر يفسرها لكن انا اسفة مع تقديري لرايك الا كان فيه بعض الانانية يعني مثلاو الحل التانى الى هيريحنى كتير ان مواعيد المجموعة ب تكون متاخرة علشان الاقى مكان اعقد فيه و اقدر افهم . وقبل ما انسى يا ريت الدكاترة يحافظوا على حقنا فى العشر دقايق الراحة علشان نقدر نستعيد نشطنا فيها خاصة دكاترة طب [QUOTE][/QUOTE بس اقدر اقولك ان المشاكل ده بتواجهنا كلنا يعني حاولي تساعدي نفسك بقدر الامكان

  4. #4
    Pharma Student
    تاريخ التسجيل
    Oct 2007
    المشاركات
    504

    افتراضي

    مش هتكلم عن مشكلة الاماكن و ان المجموعة أ بتحضر مع ب او العكس و لكن من راى الموضوع ممكن يتحل عن طريق تقسيم الناس حسب اماكن السكن يعنى الناس الى بتسافر ممكن تحضر الصبح و الى اعقده فى المدينة الجامعية و المنصورة يجوا متاخر شوية .



    انا مع حضرتك فى كل كلمة

    بالنسبة ان مجموعة ا تحضر مع ب
    هى حاجة تضايق ومجموعة ب طبعا بتظلم
    بس ده بيكون مش بمزاجنا او عشان ميعاد الصبح
    لا عشان المواعيد بتاعتنا بجد رخمة اوى
    واللى حاط الجدول حاطه انتقام مننا


    واقتراح مدرجين لاولى ده كويس بجد وياريت يتنفذ
    بس مين يسمع
    التعديل الأخير تم بواسطة basma 90 ; 22-02-2009 الساعة 10:15 PM

  5. #5
    Pharma Student
    تاريخ التسجيل
    Sep 2008
    الدولة
    filkolia
    المشاركات
    535

    افتراضي

    و فى النهاية اتمنى ان المشاكل ديه تكون انا الوحيدة الى بعانيها عشان يكون العيب فيا انا و مش فى حاجة تانية و اتمنى الاقى حل لانى اكتئبت من البداية امال فى النهاية هيحصل ايه !!!!!!!!!!!!!!!!!!!!!!!!!!!
    واللة يا دكتورة مطحونة باللى انتى كتباة دة تحولى اى كلية تانية ....اداب مثلا
    بسراحة ربنا معاكى فى اللى انتى بتقولية دة....بصراحة ان مش بعانى واللة يا دكتورة مطحونة من اى حاجة من دول عشان سبب بسيط؟؟؟؟؟؟؟؟؟؟؟انا اصلا مش بحضر محاضرات خالص..وبجيب الورق وخلاص واذاكر منة احيانا كتيرة طبعا مش بفهم وكبر حاجات عشان احنا الكلية ودتنا من الاول على كدة اخر اسبوع المراجعة وخلاص......وانتى يااما تحولى يااما تكبرىولا اية رئيك انتى؟

  6. #6

    تاريخ التسجيل
    Oct 2007
    المشاركات
    2,086

    افتراضي

    بكل هذا مرحبا بكم في كلية صيدلة المنصورة ...................... ابتسموا فانتم في مصر !!!!!!!!!!!!!!!!!!!!!!!

  7. #7
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    المشكله الاولى بتاعه ان الجدول بقى 8 الصبح مش علشان يروحو أ بدرى لا علشان الدكتوره ثناء مش هتعرف تيجى لنا متأخر
    وبصراحه فعلا حاجه تخنق بجد حراااااااااااااااااااااااااااام اعترضنا على الجدول يقوموا يغيروه للاوحش سبحان الله






    اما المشكلة الرابعة هى ان قليل جدا لو لقيت حد بيعترف بالكتاب غير طبعا دكاترة الصيدلانيات الى بيجبرونا نذاكر منه ، اما الباقى بيخلونا نذاكر من البوربيونت او من ورق بينزلوا هم طب ليه بينزلوا الكتاب من الاول و يخلونا نشتريه لو علشان العملى يطبعوا العملى بس و يوزعوه و نذاكر احنا من البوربيونت .
    طب حتى لو هنذاكر من البوربيونت طب ما فيه مشكلة تانية هى ان ناس كتير مبتعرفش تذاكر على الكمبيوتر غير طبعا التكلفة و بالتالى قدمهم حلين اما يطبعوا البوربيونت و ده طبعا مشكلة للبنت لان صعب تروح سيبر او اننا نشترى الورق بتاع الدروس من المكاتب و اظن ان ده اسهل
    .


    NO COMMENT

    وحكايه ان أ بيحضروا مع ب دى زى ما دكتور باهر كان قال ده سلوكنا احنا
    بس والله العظيم برده لما أ بيبقى معادهم بدرى ب بيحضروا معانا
    ياجماعه اللى بيحضروا فى غير مجموعتهم دول بجد حرااااااااااام عليهم لان اصحاب المجموعه الاساسين ممكن يقفوا او بيسيبوا المحاضره خالص


    والعشر دقايق دول كل دكتور بياخدهم حق مكتسب فى المحاضره
    والداتاشو يعنى انا مش فاهمه لحد دلوقتى ازاى العضويه تتشرح داتاشو ؟؟؟؟؟؟؟؟؟؟
    يعنى من الاخر الجدول وحش
    والكتب وحشه (وتمنها رخيييييييييييص )
    والله عندك حق فى كل اللى قلتيه

    بس الكلام ده مايمنعش ان فى دكاتره بجد انا مبسوطه انهم بيشرحولنا

  8. #8
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    وعلى فكره حكايه 8الصبح دى عندنا احنا كمان (أ) بنيجى مخصوص يوم الخميس الساعه 8 علشان الهستولوجى
    حرام ده ولا حلال؟؟؟؟؟؟؟؟

  9. #9
    Pharma Student
    تاريخ التسجيل
    Sep 2008
    الدولة
    filkolia
    المشاركات
    535

    افتراضي

    اقتباس المشاركة الأصلية كتبت بواسطة misoo مشاهدة المشاركة
    و فى النهاية اتمنى ان المشاكل ديه تكون انا الوحيدة الى بعانيها عشان يكون العيب فيا انا و مش فى حاجة تانية و اتمنى الاقى حل لانى اكتئبت من البداية امال فى النهاية هيحصل ايه !!!!!!!!!!!!!!!!!!!!!!!!!!!
    واللة يا دكتورة مطحونة باللى انتى كتباة دة تحولى اى كلية تانية ....اداب مثلا
    بسراحة ربنا معاكى فى اللى انتى بتقولية دة....بصراحة ان مش بعانى واللة يا دكتورة مطحونة من اى حاجة من دول عشان سبب بسيط؟؟؟؟؟؟؟؟؟؟؟انا اصلا مش بحضر محاضرات خالص..وبجيب الورق وخلاص واذاكر منة احيانا كتيرة طبعا مش بفهم وكبر حاجات عشان احنا الكلية ودتنا من الاول على كدة اخر اسبوع المراجعة وخلاص......وانتى يااما تحولى يااما تكبرىولا اية رئيك انتى؟
    معلشى يا دكتورة تابعة محمد مخدش بالى واللة من كتر المشاكل اللى انتى كتباها اصلك صعبتى على اوى

  10. #10
    Pharma Student
    تاريخ التسجيل
    Sep 2007
    الدولة
    mansoura
    المشاركات
    469

    افتراضي

    مشكلة المجموعات اللي بتحضر مع غيرها
    فدى انا شايفها مش مشكله تماما

    بالعكس دى مشكلة اللي مبيحضرش
    بمعنى انا لو جيت ف معادى الصبح
    هلاقي مكان
    هعد فيه

    النهارده مثلاً كنا في المدرج الساع 8.35 دقيقه بالظبط ويدوب لحقنا مكان صغنتوت نعد فيه
    أهوه أحسن من مفيش برده

صفحة 1 من 3 123 الأخيرةالأخيرة

المواضيع المتشابهه

  1. صور لها العجب .......اتفضلوا شوفوا
    بواسطة العقرب في المنتدى المنتدي الترفيهي
    مشاركات: 15
    آخر مشاركة: 07-09-2010, 01:24 PM
  2. نعيب زماننا و العيب فينا ...و ما لزماننا عيب سوانا
    بواسطة مصطفى في المنتدى المنتدى الاسلامى
    مشاركات: 2
    آخر مشاركة: 21-03-2009, 02:54 PM
  3. سنيورة العجب
    بواسطة dr.noody في المنتدى المنتدى الأدبي
    مشاركات: 4
    آخر مشاركة: 09-08-2008, 11:27 PM
  4. العيب علينا و فينا و لا دى غلطه مين ؟! (*_*)
    بواسطة dr.mai في المنتدى منتدى المناقشات
    مشاركات: 7
    آخر مشاركة: 20-03-2008, 08:33 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •