ادخل قول رايك

[د///*مطحونة*\\\]

السلام عليكم ورحمة الله وبركاته

_______________________________
بعد المباركة والتحية
لمنتخب مصر العالمية



حبيت اطرح عليكم الموضوع ونفتح باب المناقشة لحد المباراة القادمة باذن الله تعالى
طبعا احنا مبسوطين جداااااااا للمكسب اللى خدناه من عرين الاسد
فى اخر دقيقة
ولكن طبعا واكيد فى سلبيات حصلت فى المباراة
عايزين نتناقش نقاش جدى
عن مستوانا فى الماتش
وهل اللعيبة ادت على المستوى المطلوب ولالا
ولو فى خط فيه تقصير كان ايه ومن ميييييييين؟
وهل التشجيع كان كويس ومثالى ولالا؟
يعنى م الاخر ياريت الكل يقول رايه فى الاداء بشكل عام
وفى التشكيلة
هل هى الامثل
والتغييرات كانت مهمة ولا ماثرتش على النتيجة
والحكم هل كان جيد؟
ولا م الاخر حكم على قده؟
ولو فى سلبيات ازاى نتخطاها
عشان الماتش الجاى

فى انتظار نقاشكوا

[wh_kaboo]

اولا : انا لسه ما استعمتش الماتش علشان كنت فى الاستاد
بس اللى متاكد منه ان الاعيبة كلها عندها روح عالية والجهاز الفنى كمان وعايزين يسعدونا

اما بقا التشجيع بقا كان مثالى بالنسبة لجمهور تالتة شمال (الاتراس ) ودول علشان ناس فاهمة اساليب التشجيع والله ما بطلنا تشجيع طول ال 90 دقيقة غير كمان السبع ساعات اللى قبل الماتش تشجيع وتظبيط قى الجمهور الجزائرى بس المشكلة كانت فى جمهور تالتة يمين والدرجة التانية كانوا نايمن خالص او كانوا جايين يستمعوا الماتش بس ...!!!!!

احنا كنا فى تالتة شمال يجى 50 الف واحد ما كناش قاعدين كل 2 على كرسى غير الارضية والسلالم وفوق المدرجات كمان .

اما بالنسبة للحكم هوه مش وحش بس ما كنش فى يومه كان جاى علينا شويه فى الفاولات .

اما التغييرات كانت موفقة والماتش الجى تظبط بوجود جمعة وحسنى عبدربه .

طبعا نجوم المبارة سيد معوض وفتحى بجد عملوا ماتش نار مع الحضرى برضو

اما للاسف المحمدى كان وحش جدا

-----

تشكيلة المباراة القادمة :

الحضرى

اوكا سعيد جمعة
معوض فتحى
حسنى احمد حسن

تريكه

متعب زكى

[same7]

اعتقد ان مينفعش نحكم على اداء اللعيبه فى الماتش ده

لانهم داخلين الماتش

لازم يكسبوا وبفرق
الحكم كان زى الفول
وشكله بيحب يدى فاولات كتير
واللاينز مان كانوا برده ربنا يكرمهم
ولعيبه الجزائر كانوا مقضينها استهبال
عشان الحكم كان ناسى كروته ولا وقعت منه
او يمكن لانه كان عايز يحقق رقم قياسى لنفسه ويعمل ماتش بدون كروت

فـــ
اللعيبه كانوا فعلا تحت ضغط فظيع

صحيح كان فى اخطاء

فى اداء بعض اللعيبه
منهم احمد حسن
والمحمدى
وعمرو ذكى
وابو تريكه
وزيدان

فى المس باص كان كتير بالنسبه لدول


لكن ان شاء الله كل ده يختفى فى الماتش الجاى
لان هتبقى بتلعب مفيش ضغط غير انك عايز تكسب عشان تسعد الجماهير
ومش لازم فرق
وحاجه مهمه ان حلمك رجعلك تانى
بعد اما كان بعيد بقى بين ايديك
عكس لعيبه الجزائر اللى اعتقد انهم حاسين ان الحلم بيروح او بيبعد
رغم خوفى الشديد من النقطه دى بالذات فى الماتش الجاى


و ان شاء الله هنقدر نلعب ونفرض سيطرتنا

اما الجماهير
اعتقد كان كله تسلل ليه احساس
ان الحلم يمكن يكون ضاع

لان معظم اللى شاف الجون فى الدقيقه التانيه
قال خلاص الماتش هيبقى فيه اهداف
ومفيش حاجه من التوقعات دى حصلت
ولحد الوقت الضائع انت لسه مفيش حاجه
وفى الدقيقه قبل الاخيره
كل ده بيتغير

بس

اللى عايز اعرفه شوفت كره بركات الاخيره ازاى ؟

انا شخصيا بقول
اه لو كان لمها وشاط
كان هيبقى كل حاجه فاضيه
لكن الحمد لله