(( على فكرة امل برغم إن حاليا تبدو شخصية جريئة و ((متحرره)) _ مع إني مش شايف كده بس هي اللي كانت بتقول إننا شايفينها كده _ ومبيهمهاش حد ، امل دي أتوقع إنه في يوم من الأيام هتبقى من اكتر الشخصيات ((( المتحفظة ))) اللي نعرفها في اللبس والكلام والتصرفات، بل في يوم من الأيام ، أمل هتلبس نقاب، بس مع كل ده هتفضل محتفظة بجرأتها (( قام محمود قاللي إزاي بقى!!!! وكان مستغرب جدا ومعتبرني بقول كلام اهبل )) ، كملت كلامي وقلتله : وامل من الناس اللي هتربي اولادها على إنهم يكونوا متحفظين في تعاملاتهم وعندهم جراة في نفس الوقت، يعني مش هتخليهم يدوسوا قوي من غير ما يخدوا بالهم من خطواتهم ))
والمفاجئة امبارح لما قرات كلامك قلت لنفسي انا فاهم الدنيا آه وبعرف اقرأ الواقع والناس ، بس مش كده
بس عموما ، سواء كلامي ده صح او غلط ومش هيتحقق، انا بقول إن ده تصوري للشخصية اللي قدامي بدواخلها ومكنوناتها، والشخصية دي تدي إنها في يوم من الأيام هتوصل للطريق ده ولو شايفه إنك مش هتوصلي لكده ، انا بقولك لا هتوصلي
تحياتي يا فندم ، وافتكري إنك ضيعتي هديتك في كرسي الإعتراف
حتى لا تضيع بين تفاهات الفيس
رد مع اقتباس
المشاركة الأصلية كتبت بواسطة friend
