السلام عليكم ورحمة الله و بركاته
بعد التحية للكل ...
كان في فكرة في بالي حابة أناقشها معاكم ... و بصراحة هي دايما بتشغلني لأنها متعلقة بأهم حاجة و هي مستقبلنا
ناويين على ايه ؟؟؟
هتشتغلوا في ايه ؟؟
أهاليكم هيفتحولكم صيدليات تقفوا فيها ؟؟
ولا هتعملوا الحل المختصر المفيد .. السفر الى بلاد الخليج .. حيث يهان المصري اهانة تمام من ناس لا تفقه شيء في أي شيء غير معاهم رصيد كام في البنك ..
و تلاقي رئيسك في العمل بيتحكم فيك و يقولك اعمل و ما تعملش و هو كل اللي يعرفه انه يقعد ع المكتب يوقع ع الأوراق اللي تجيله و طبعا جمبه الكمبيوتر عشان يشيت كويس ... ( رجل الأعمال الخليجي )
ولا هتكملوا في الكلية .. يعني تعملوا دبلومات ..
ولا هتشتغلوا عند أي صيدلي مصري و تاخدوا مرتب 300 جنيه في الشهر و دة طبعا ولا حاجة ..
الموضوع يهم الشباب أكتر من البنات ... بجد الله يكون في عونهم ... لسة قدامهم كفاح و طريق طويل و كله طبعا بعد الجيش ..
ربنا يوقفكم جميعا ...
أحب أشوف مشاركاتكم ..