التقديم للمدينة الجامعية الكترونى لاول مرة .

[lavandula]

التقديم للمدينة الجامعية الكترونى لاول مرة للتفاصيل ع موقع الجامعة

http://srv136.mans.edu.eg/eu/ApplicationForm.py?FromSite=

خطـــوات التقــديم

Dr A.ELrayes

1- ندخل على موقع التقديم

http://srv136.mans.edu.eg/eu/ApplicationForm.py?FromSite=

2- نختار الاختيار التانى " تقديم طلب الالتحاق بالمدن الجامعيه "

3- هنملى الخانات الموجوده :

- الرقم القومى يتكتب كـامل " 14 رقم "

- رقم شئون الطلاب هو الـ ID اللى على الكارنيه

- كلمه المرور هى باسوورد الاستبيان

- الاسم وتاريخ الميلاد (لاحظ ان العلامات اللي بين الارقام لازم تبقي في نفس الاتجاه اللي هو عامله عشان ميقولكش ان العمر غير متوافق مع الرقم القومي )

- محل الميلاد والاقامة (خلي بالك في سهمين صغيرين في الجمب لما تضغط علي اللي ناحية الشمال بتجيب المحافظة وبعدين المدينه وبعدين القرية وهكذا فمثلا (مصر -اضغط سهم شمال-الدقهلية -اضغط سهم شمال-المنزله(مدينة) -اضغط سهم شمال- ميت خضير(قرية)

- الكلية و الفرقه بنفس الطريقه (الجامعة -اضغط سهم شمال - الكليه _اضغط سهم شمال- الفرقه)

- أخر حاجه التقدير

4- نعمل صح على المربع المكتوب فيه ( أقبل بذلك ) ونتوكل على الله ونضغط تسجيل طلب الالتحاق

5- نخرج للصفحه الرئيسيه دى :
http://srv136.mans.edu.eg/eu/ApplicationForm.py?FromSite=

- ونختار الاختيـار الاخير " تعليمات وارشادات و تنزيل الاقرارات "

6- نختار جامعه المنصورة ونضغط عرض التعليمات
فى كلمه لونها أحمر تحت " قوم بتنزيل الوثائق الآتيه "

>> تحتها بقي حاجتين لما نضغط عليهم بننزل الورقتين بتوع الضامن المتضامن ومكتب الضمان الاجتماعي (اللي كانوا في المظروف زماااان قبل الثورة) بنكملهم عادي وننتظر بقي قبولنا في المدينة.....

7- طيب دلوقت احنا عملنا كل حاجه نعرف ازاي اننا اتقبلنا؟؟؟

بسيطة.....

اولا : ممكن يتبعتلك رسالة علي الاميل بتاعك وممكن تيجي عادي علي ال INBOX او ممكن الياهو يعتبرها رساله مشبوهة فيحطهالك في ال SPAM

ثانيا ممكن بقي طريقة تانيه انك تدخل عالموقع بتاع المدينه وتختار الخيار الرابع اللى هو " الاستعلام عن القبول فى المدن الجامعيه "

و تكتب الرقم القومى _ كامل _ وبعدين استعلام

- لو اتقبلت هايكتبولك:

>> تم قبول طلب الالتحاق مبدئيا. من فضلك انتظر نتيجة التنسيق

- لو لسه طلبك متراجعش هاتلاقيهم كاتبين :
>> لم يتم مراجعة طلبك

- لو اتراجع وفي مشكله :
>> هايكتبولك المشكله اللي عندك

طيب دلوقت بقي بالنسبة للناس اللي اتقبلوا؟؟؟؟

- في ناس بتقول اننا المفروض نروح نسلم الورقتين اللي معانا في المنصورة قبل 24/8/2011 واللي هو اخر ميعاد للتقديم...

- وناس بتقول نستني نتيجة التنسيق زي ما هما قالوا عالميل....

-أنا بقي بقول هاسأل وأرد عليكم في القريب العاجل ان شاء الله

اتمني اكون سهلت عليكم الموضوع

[sunflower]

حد سجل طلب الالتحاق بالمدينة الجامعية؟

[lavandula]

حد سجل طلب الالتحاق بالمدينة الجامعية؟

ايون انا سجلت النهارده .بس لسه ما جالش الرد على الميل

[islam]

لو سمحتوا يا جماعه هو ايه رقم شئون الطلاب ده ؟

[El_Daly]

يا جماعة مفيش احسن من المانوال

[lavandula]

لو سمحتوا يا جماعه هو ايه رقم شئون الطلاب ده ؟

رقم الشئون اللى هو الاى دى اللى على الكارنيه بتاع حضرتك يا دكتور

[A.Elrayes]

السلام عليكم
يا جماعة انا مكتبتش رقم الشئون وكل لما اجي ادخل اعدل البيانات يقولي خطأ في كلمة المرور
اعمل ايه؟

[Mahmoud_Seif]

بالنسبه للتقدير ده بتاع السنه اللي فاتت بس؟

[islam]

رقم الشئون اللى هو الاى دى اللى على الكارنيه بتاع حضرتك يا دكتور

Thank you very much

[sunflower]

مطلوب الكلية والفرقة بس اللى موجود الجامعة بس
مالعمل؟