أحلى حاجه في كليتنا أصلا موضوع المنتدى ده
كل حاجه جديده يتنزل عالمنتدى أول بأول
كل اللي شغالين عالمنتدى بيحاولو يساعدو باقي الطلاب بأقصى جهدهم
يعني بجد بيبقى ناقص ينزلو مكتبة Paper & Paper هنا عالمنتدى
دا غير أخبار المحاضرات وكلام الدكاتره المهم وطريقة الامتحانات وكتب ايه اللي نزلت وأدوات ايه اللي مطلوبة في السكشن و كل حاجه
بجد محدش قصر في شغلو ولا حد استخسر فينا أي معلومه مهما كانت بسيطه
وطبعا بتساعدو أكتر حاجه الناس اللي بتسافر ومش في المنصورة على طول بأنكم بتوفروا عليهم وقت نزول الكلية كتير عشان يسألو عن أي حاجه جديده
طبعا ده غير انو حتى أيام الامتحانات كلنا بنبقى مع بعض وبنساعد بعض في أي حاجه حد يحتاجها
بجد بجد بتتعبو عشانا كتير أوي و بتضيعوا وقت كبير عشانا
لازم نقول لكل حد شغال عالمنتدى ده وتعب عليه شكرا جداااااااااااااااااااااااااااااااااااااااااااااااا ااا
ربنا يوفقكو يارب وتلاقو كل تعبكو دا في نتيجتكو
بالنسبة للدكاتره اللي معانا هنا عالمنتدى دي بجد حاجه تستاهل التقدير والاحترام أوي
عشان مفيش ولا دكتور مجبر يعمل كده بالذات لأننا عرفين مسؤولياتهم أد ايه و وقتهم أد ايه مضغوط
بس دا عشان هما ناس محترمين جدا و عندهم ضمير ونفسهم فعلا يرتقوا بالكليه أكتر وأكتر
ده رأيي..!!!!!!