يوميات BoNbOoNa في الصيدلية !

[BoNbOoNa]

د\محمد سلام
فلتي
وردة العمر
د\ رامـــــــي
اشكركم جميعا علي الدعم ... رفعتوا روحي المعنوية
جزاكم الله كل خير ...
-------------
أسأل الله ان ينفعنا بما علمنا و يرزقنا الاستخدام
انا حاليا عند اقاربي ...اول ما اروح باذن الله سأكمل الموضوع
اللهم اجعل مجهودنا وعملنا خالصا لوجهك الكريم
في أمان الله

[Dina al sheshtawy]

bgddddddd ya bonbona topic gamed gdan Go ahead
bs eb2y 3arafena tare2 el saydaleya de 3shan negeb menha el dawa

w aked hatedena el dawa be balash shofty ana da5la 3la tama3 ezzay

Googd Luck ya 3asal

[lovely princess]

أنا سألت نفس السؤال دة لدكتور عبد الله موافي دكتور الكيمياء الحيوية لما كان بيشرحلنا Vitamin A

Vitamin A دة ناتج من الـ B-Carotene

كاروتين .. كلمة جزرة بالانجلش يعني ايه ؟؟

Carrot

فدايما يقولوا ( الجزر بيقوي النظر ) ..

المهم ..

دواء الـ Eye - Vit فيه مجموعة فيتامينات منها الـ Vit A = Retinol

الحاجات دي بتقوي النظر من خلال تأثيرها المنشط على خلايا النظر الموجودة في العين ..

أصل الابصار مسئولة عنه خلايا في العين اسمها : Rods & Cones

Rods للاحساس بالاضاءة الخافتة ..
Cones للاحساس بالاضاءة الساطعة ..


المهم في الآخر الفيتامينات دي تنشط عمل خلايا العين فتحسن النظر عند الناس اللي خلايا عينهم لا تعمل بكفاءة ..


لكن أنا و انتي لابسين نظارات أو عدسات عشان مشاكل في عدسة العين , طول أو قصر أو astigmatism كلها حاجات في البعد البؤري لعدسة العين ..
فعشان كدة النظارة أو العدسة بتصحح البعد البؤري دة فتعدل وضع الصورة و توضحها ..

لكن الحمد لله خلايا العين شغالة بكفاءة .. فحتى لو أخدنا فيتامينات .. مش هيزداد النظر بطريقة ملحوظة ..

ماكانش حد غلب ..


الحمد و الشكر لله ..

مهو كله من طول القعاد قدام الكمبيوتر و التيليفزيون ..

شكرا حنين الأمس ربنا ينفعك و ينفعنا جميعا ..

فارماستينا ..بجد أشكرك جدا على المعلومات القيمة ...

و كان عندي أمل إن نظري يتصلح بالفيتامينات دي بس خلاص بقى ...

هو أنا أصلا المشكلة إني بلبس النظارة وقت المحاضرة فقط ... و بشيلها على طول أول ما تخلص لأني متعودتش ألبسها أصلا و ف نفس الوقت كتير بيتكلموا عن اضرار العدسات ....

ياريت لو عندك معلومات عن العدسات تقوليلي ... أصلي بفكر أجيب عدسات لأني فعلا مش بشوف ملامح البشر و انا ماشية ...

يعني ساعات كده بونبونة تعدي قدامي معرفهاش و أول ما تقرب كده عليا اعرفها بقى و اسلم عليها


أنا عارفة انه غلط و لازم البس النظارة على طول ...لأن كمان نظري ضعف أكتر من الأول ...

بس مش عارفة أعمل ايه



على العموم ...بجد جزاكي الله خيرا و بارك فيكي و بتمنى لك كل خير بجد

[pharmacistina]

هو أنا أصلا المشكلة إني بلبس النظارة وقت المحاضرة فقط ... و بشيلها على طول أول ما تخلص لأني متعودتش ألبسها أصلا و ف نفس الوقت كتير بيتكلموا عن اضرار العدسات ....

ياريت لو عندك معلومات عن العدسات تقوليلي ... أصلي بفكر أجيب عدسات لأني فعلا مش بشوف ملامح البشر و انا ماشية ...

يعني ساعات كده بونبونة تعدي قدامي معرفهاش و أول ما تقرب كده عليا اعرفها بقى و اسلم عليها


أنا عارفة انه غلط و لازم البس النظارة على طول ...لأن كمان نظري ضعف أكتر من الأول ...

بس مش عارفة أعمل ايه

أنا سألت طبيب العيون اللي بروحله من سنين , قالي خليكي ع النظارة أحسن عشان العدسات contact lenses عايزة اهتمام و أحيانا ممكن تسبب corneal ulcers يعني قرح في القرنية .. و سمعت مرة ان واحدة نسيت وراحت المطبخ بيهم - بعد الشر عنك و عن أي حد - انصهروا في عينها وكانت مشكلة ..

العدسات عايزة واحدة فاضية , و احنا بنروح معامل و بنشتغل على flame ..

غير كدة الـ Cornea القرنية بتتنفس من الهواء مباشرة فالعدسات بتمنع عنها الهواء تماما ..

بالنسبة لعملية الليزر أنا عايزة أعملها بس خايفة .. تعالي شجعيني نعملها سوا ..
مع العلم باني اتكلمت مع نائبة في مركز العيون قالت ان عملية الليزر دي زي أي عملية ممكن تنجح أو لا قدر الله تفشل .. و هي نفسها لابسة نظارة ..
بلاش خلينا نظارات و خلاص ..
أما عن تمييز الناس كدة أحسن عشان غض البصر اجباري .

على العموم ...بجد جزاكي الله خيرا و بارك فيكي و بتمنى لك كل خير بجد

و جزاكم مثله كل خير ..

[monosh]

أنا بعد ما كتبت رد طـــويل وعريض هنا مش عارفة النت فصل تقريبا والرد راح راح....

عموماً...

أحب أولاً إنى أشكر المتميزة والمتلألأة دائما ..(BoNbOoNa) جزاكى الله كل خير...

أفادتينا معاكى وحمستى ناس كتير...

فكرتنى بأول أيامى فى الصيدلية....

بس السنة دى لما نزلت فضلت فترة زى التايهة وناسية كل حاجة تقريبا...بس الحمد لله الذاكرة بستعيدها بمرور الوقت....

شدى حيلك وصممى على عزيمتك ....اوعى تتهز فى لحظة...

وان شاء الله هتوصلى للى بتتمنيه....

ألف شكر لكل الدكاترة اللى بيساعدونا بخبرتهم....

وبالتوفيق ليكى ولنا جميعا....ان شاء الله.

لكى منى خالص الإحترام والتقدير....

-----

ملحوظة يا دكاترة ....

اتمنى حد يوضحها ويساعدنى فيها...

طبعا كلنا عارفين الphenytoin واللى بيستعمل كــــanti epilepsy ومادته الفعالة phenytoin Na واللى اسمه التجارى زى اسمه العلمى...

امبارح وأنا فى الصيدلية لقيت مستحضر اسمه Healosol وبيستخدم for wounds healing

ولما سألت قالوا لى ان ده من ال recent use لل phenytoin

مش عارفة ايه العلاقة بين ثأتيره على نوبات التشنج والكهربا فى المخ وبين تأثيره على الجروح...

وتقريبا دورت ع النت كتير ومش وصلت لنتيجة مجدية....

ياريت اللى يعرف يا دكاترة يعرفنى ايه العلاقة؟؟!!!

وآسفة ع الإطالة.....

[BoNbOoNa]

تنوريني يا دينا .... كله ببلاش طبعا ...هو انا بدفع من جيبي ؟؟؟
---------------
ربنا يخليكي يا monosh ...ربنا يقدرنا علي فعل الخير
بالنسبة لسؤالك ... هسألك بكرة ان شاء الله ...
تحياتي لكم جميعا

[BoNbOoNa]

Day 6 ...

المرة الجاية ان شاء الله هتبقي في صورة "مواقف"

هتكلم فيها عن ما استفدته من صرف الروشتات

و الاخطاء اللي كنت بقع فيها و اتعلمت منها

بسم الله ...نبدأ

Scene 1

واحد دخل يطلب " مجموعة البرد "

فواحدة من مدرباتي قالتله ان احنا مش بنبيع مجموعات للبرد

و قالت انه هيكون افضل لو اخد دواء للبرد ..(Decongestant)

الراجل مقتنعش و مشي ....

لما سألت ايه مجموعة البرد دي؟؟

طلعت قرصين مضاد حيوي (2 بس) و شوية فيتامينات و مسكن و خافض للحرارة

طبعا الكلام ده مش هيشفي ده هيخفف الالم مؤقتا

حد في الدنيا ياخد مضاد حيوي يوم او اتنين و خلاص

؟؟!!؟؟

بس هي ثقافة عند بعض الناس .. و مرتاحين علي كده
-----------

Scene 2

بنوتة طلبت مني لبوس جلسرين ... لما رحت اجيب لاقيت نوعين
نوع للأطفال ...و نوع للكبار.... جبت علبة من الاتنين و رحت قلت لاحدي مدرباتي
جت معايا و سألت البنوتة ... الدواء ده لمين؟
قالت ليا ...
فادينالها بتاع الاطفال

---------

Scene 3

واحد داخل من غير سلام عليكم حتي ... و معاه ورقة متبهدلة اخر بهدلة و مكتوب عليها بالعربي "تـرامال"(Tra === Tramal >>NARCOTIC) و اسم دواء كمان لا اذكره و لكن كان مسكن عادي يعني
و كاتب تحت اسم دكتور و رقم موبايله (برده بالعربي)
اخدت منه الورقة و قالي.. انا عايز الحقنتين دول يا بنتي عشان انا هعمل عملية تفتيت حصوة و جنبي بيوجعني ..
انا اول ما شفت اسم ترامال ... تسارعت دقات قلبي
الراجل كان شكله مريب
بس .... ربنا بيثبتك في المواقف دي متعرفش ازاي
ابتسمت
قلتله طيب انا هسأل الدكتورة اذا كانت الادوية دي موجودة ولا لأ .. اصل انا تحت التدريب لسه ..
رحت لمدرباتي و وريتهم الورقة ..
واحدة قالتله : اتفضل هنا يا حج
سألته الدكتور كاتبلك الحقنة دي امتي
قال: من يومين و انا اخدتها بس عاوز واحدة كمان عشان الوجع
قالتله: للأسف مش متوفر عندي الدواء الاول ... الدواء التاني عندي و هو مسكن كويس جدا و هيريحك علي طول
قال لأ انا عاوز دي (علي الاولي)
قالتله معلش هي خالصة من فترة كمان اسبوعين ان شاء الله
نجيب لحضرتك المسكن؟
قال لأ خلاص شكرا
و اخد الورقة و مشي
بعد الراجل ده جالنا 2 تانيين بيطلبوا نفس الدواء
واحد زبون موثوق منه حسب كلام مدرباتي و معاه رروشة من دكتور جنبنا
التاني دخل يقول عايز برشام ترامال لو سمحتي ؟!!
ملحقتش ارد واحدة من مدرباتي قالتله مش موجوووود
فلف و خرج علي طول
--------

Scene 4

واحدة جت بروشتة مطلوب فيها Human albumin
طلعت جبتهولها من فوووق (صنف تلاجة)
مدربتي قالتلها خلي بالك ده مبيرجعش
حركت دماغها موافقة (لفوق و تحت )
قالتلي ان ده عشان اختها .. و سألتني هو ده ينزل الماء الله في جسمها؟؟!
قلتلها معرفش بصراحة...انا لسه تحت التدريب
قالتلي ان اختها منتفخة و " ورمانة " و هي مش عارفها تعمل لها ايه
المدربة قالتلها : طالما الدكتور كاتب الدواء اكيد هيفيدها ... الدكتور عارف هو بيعمل ايه ..... بالشفاء ان شاء الله
(ملحوظة كل اللي واقفين في الshift معايا مش صيادلة)
قلتلها : حضرتك لازم تخلي بالك ان الدواء ده بيتأثر بالحرارة
قاطعتني و قالت : بجد ! .... طيب احطه في الفريزر بقي
قلتلها : لأ لأ لأ ..... يتحط في التلاجة عادي مينفعش يتحط في الفريزر !!
قالتلي : حاضر
....افرضوا مكنش حد قالها بقي... و ليه الطبيب مش مفهمها الدواء بيعمل ايه ولا معرفها اختها عندها ايه؟؟
ضايقني الموقف ده ... بس حسيت ساعتها بقيمة الصيدلي
لو كنت اكبر شوية يمكن كنت اقدر افيدها و اشرحلها الانتفاخ من ايه و اطمنها ...
يا تري حسيت بقيمتك....
--------------

Scene 5

في هذا الموقف ... احكي لكم اول دواء اقرأه في روشتة في حياتي
متتصوروش مدي سعادتي في هذه اللحظة
للاسف كان موقف محرج ..
مش بقوله عشان اعمل من نفسي اضحوكة او حاجة
لأ
عشان تستفيدوا من خطئي .... الشنيع
شوقتكم ؟؟
:
:
تمهيد الاول و تبرير للخطأ اللي عملته
كان قبل الروشته المشهودة 3 تانيين كلهم أقراص معرفتش أقرأ اساميها
فأول ما لاقت نفسي عارفة اقرأ الاسم ... بعد عناء طبعا
"Dolphin-k"
ماهذا؟
يا للهول
لا أصدق
قرأتها يا عالم ....
قرأتهااااااااا
زووووووووووووووووو ع الTABLETS
و جبتها في ثواني و رجعت و قد ظفرت بأول دواء اجيبه من روشتة قرأتها بنفسي
و لكن.....
قطع هذه النشوة و الفرحة الغامرة صوت مدربتي تهمس في اذني
مكتوب لبوس يا بونبونة .... مش أقراص
ذهبت الي قسم الsuppositories متثاقلة الخطوات
و جبت العلبة و قبل ان اعود الي مدربتي
اخذت نفسا عميقا و قلت لنفسي
لا تيأسي...... طالما تقدمتي,, لا بأس
و عدت اليها بسرعة و حاسبنا الراجل و انصرف

بعد كده بقيت باخد بالي كويس من الdosage form
بقرأها حتي احيانا قبل الدواء
لم يتكرر هذا الخطأ بفضل الله سوي مرة كمان اخبركم بها في الموقف التالي
----------

Scene 6

روشتة مكتوب فيها دواء kenacomb cream
(الدواء ه بيتطلب كتير اوي ... حطه في دماغك )
رحت عند الtopicals و جبته .. بس كان فيه صفين جنب بعض
و مكنتش اعرف ان فيه منه (مرهم) و (كريم)
يعني افتكرت ان الصفين من نفس الدواء و ده وارد في أدوية كتير بتلاقيها صفين جنب بعض عادي
فاخدت من اليمين .. كما عودتنا السنة
و رحت للكاشير... مدربتي قالتلي بصي هنا .. ده مرهم اللي جنبه هو الكريم ....
رحت جبت التاني و حاسبت الراجل و مشي



-------------
Scene 7

خطأ يشبه اللي فات اللي حد كبير
روشتة مكتوب فيها Epifenac supp
كلام جميل خالص
بس لما رحت اجيب الدواء لاقيت عندي 3 تركيزات مختلفة

جبت علبة من كل واحدة من التلاتة و رحت بصيت ف الروشتة تاني لاقيت المطلوب 25 mg

.
.
مثال آخر

الE-Mox ده مضاد حيوي معروف
علي يمينك capsules 500 mg
و في نص شمالك 500 mg ايضا بس vial (حقن)
و حواليها حقن برده من نفس الدواء لكن بتركيزات مختلفة
.
.
.
~~.:: الخلاصة ::.~~
لا يكفي ان تتأكد من الdosage form بس
لأ كمان التركيز بتاع الدواء لازم تاخد بالك منه
اسم الدواء...هو نصف اللغز فقط
------------



أكمل ان شاء الله بالليل ... عشان محدش يمل
هتكلم عن مــ & مــ ؟؟؟؟
حد يعرف يعني ايه

في أمان الله

~تم بحمد الله~

[Sincerity]

بنبونايه انتى زى السكر ومواقفك زى العسل ..
بجد ربنا يكرمك يا حبيبه قلبى ويوفقك ..
ومنتظرين منك الباقى ..

-----

أنا سألت طبيب العيون اللي بروحله من سنين , قالي خليكي ع النظارة أحسن عشان العدسات contact lenses عايزة اهتمام و أحيانا ممكن تسبب corneal ulcers يعني قرح في القرنية .. و سمعت مرة ان واحدة نسيت وراحت المطبخ بيهم - بعد الشر عنك و عن أي حد - انصهروا في عينها وكانت مشكلة ..

العدسات عايزة واحدة فاضية , و احنا بنروح معامل و بنشتغل على flame ..

غير كدة الـ Cornea القرنية بتتنفس من الهواء مباشرة فالعدسات بتمنع عنها الهواء تماما ..

بالنسبة لعملية الليزر أنا عايزة أعملها بس خايفة .. تعالي شجعيني نعملها سوا ..
مع العلم باني اتكلمت مع نائبة في مركز العيون قالت ان عملية الليزر دي زي أي عملية ممكن تنجح أو لا قدر الله تفشل .. و هي نفسها لابسة نظارة ..
بلاش خلينا نظارات و خلاص ..
أما عن تمييز الناس كدة أحسن عشان غض البصر اجباري .

بصى يا منى انا كنت بلبس نظاره بس دلوقتى بلبس عدسات وبصراحه هيا مريحانى جدا ..
لان النظاره سبحان الله كانت بتعملى صداع ...
المهم انا برضه الدكتور اللى بتابع معاه سألته عن عمليه الليزر فقاللى انها مش بتتعمل قبل سن 21 سنه
علشان النظر يكون ثبت باذن الله ..بس هوا يومها قاللى حتى بعد العمليه ممكن استعين بنظاره بس هتبقى
للقراءه فقط علشان مش اجهد عينى ...
بس أنا سألته عن خطوره العمليه وكده قاللى ان مخاطرها مش كبيره ان شاء الله بس كمان قاللى
ان النظاره او العدسات احسن منها وقاللى اسألى نفسك ليه كل دكاتره العيون بيلبسوا نظارات ومش بيعملوا
الليزك .. بصراحه اقتنعت برأيه وقلت خلينا ف العدسات او النظاره احسن ..
و زى ما قلتى اهو غض نظر اجبارى ..

[BoNbOoNa]

بنبونايه انتى زى السكر ومواقفك زى العسل ..
بجد ربنا يكرمك يا حبيبه قلبى ويوفقك ..
ومنتظرين منك الباقى ..

ربنا ما يحرمني منك يا فلتي .... دعواتك
تقبلي تحياتي و احترامي

[dr_shimaa]

موضوع رائع يابنبونة

وطريقتك عسوله قوى كملى واحنا متابعينك ان شاء الله