لقاء طلابي مع د/جلال عبد الغني
عقد يوم الخميس أول أمس " 1/4/2010" لقاء طلابي مع د/جلال عبد الغني
بغرض مناقشة بعض النقاط التي ذكرها الطلاب في الاستفتاء الذي تم عقده أثناء المحاضرة
و بصراحة اللقاء كان ممتع جدا و تناول نقاط عديدة اوضحت لكثير من الطلبة العديد من الأمور اللتي كانت تشغل فكرهم و البعض منها قد ينفر العديد من الطلبة من مادة و قسم الصيدلانيات
و منها :
* مواعيد الحضور في المعامل و نظام التأخير و الغياب
د/جلال وضح انه في أول الترم أقر النظام ده أمام الناس كلهم
بأن الفترة المسموح بها للتأخير هي 10 دقائق من بداية وقت المعمل
و لو الطالب جاء في الفترة دي بيدخل المعمل عادي و يسجل أمامه انه حضر متأخرا
و ان اللي بيتأخر أكتر من مرة مفيش فيها أي مشكلة بالنسبة له
" يعني مش زي ما بعض الناس قالت ان التأخير مرتين بغياب سكشن "
و ان اللي ييجي متأخر أكتر من 10 دقائق في خلال نص ساعة من بداية المعمل
بيدخل المعمل بإذن كتابي من د/جلال و يحضر عادي بس بيتاخد غياب
* شرح نظام الـ tutorial في المعامل و الغرض منه ... و ان اللي بيطبق حاليا ليس بالصورة المرغوب فيها
د/جلال قال ان الغرض مش ان الطالب يقف على السبورة يسمع التحضيرة و الحسابات و خلاص
انما الغرض هو تشجيع الطلاب و تنمية مهارات التواصل عندهم و كسر حاجز الرهبة و الخوف عند الكثيرين
و نقاط أخرى عديدة تضمنها اللقاء لا يكفي المكان هنا لذكرها
شكرا جزيلا لد/جلال على هذا اللقاء الممتع ... على أمل تكراره في القريب ان شاء الله
جزاه الله عنا خير الجزاء و جعل علمه في ميزان حسناته يوم القيامة
المشاركة الأصلية كتبت بواسطة وردة العمر
