الصيدلي في مصر ما هو الا بقال
وارضوا بالامر الواقع بقي
كل الناس بتقول علينا بقالين
أنا مذاكرتش ثانوية عامة 3 سنين .. و دخلت كلية أذاكر فيها 5 سنين عشان يتقال عليا بقال
و اللى مفكر نفسه بقال .. و راضى بالأمر الواقع .. الكلية دى مش عاوزاه .. و متبرية منه .. و اللى مش عاجبه يسيبها و يدور على غيرها
السلام عليكم....
الصيدلي في مصر ما هو الا بقال
وارضوا بالامر الواقع بقي
كل الناس بتقول علينا بقالين
اهو ده الكلام اللى جايبنا ورا
واللى عمرك ماهتقدر تعمل حاجه وانتى بتقوله
وهتلاقى الناس كلها بتتغير من حولك وانت لسه ثابت فى مكانك
انتى مادخلتش الكليه عشان فى الاخر تبقى بقال (مش سخريه من المهنه ولكن لكن مهنه دورها فى المجتمع) ....... وطالما انك حاسس بكده يبقى ده شئ نابع من جواك ومؤمن يه يبقى لازم اى حد يتعامل معاك يحس انك كده فعلا((إن الله لا يغير ما بقوم حتى يغيروا ما بأنفسهم)).
ولو كل واحد عمل زى ما حضرتك بتقول يبقى ايه لازمه وجودنا فى المجتمع اننا نعيش عشان نرضى بالامر الواقع....... ولا نعمر الارض ونصلح فيها واهم شئ اصلاح العقول لان بيها المجتمع هيتصلح....
واظن ان احنا حالنا مش أسوء من حال العلماء اللى كانو قابلينا واللى احنا لسه بنتكلم عنهم وبنتعلم منهم....... ومقالوش الواقع كده ولازم نتبع الواقع....لا الواقع هو اللى اتبعه ...لانهم كانو عندهم هدف وفاهمين هما بيعملوا ايه؟ وعايزين ايه؟
وفى النهايه حضرتك عرضت وجه نظرتك واحنا عرضنا وجه نظرنا
بس ممكن اعرف طالما حضرتك عارف كده دخلت الكليه ليه؟؟؟؟؟؟؟؟؟؟
لا طبعا محناش بقالين احنا دكاتره ويمكن دور الصيدلى الاهلى اكبر من دور الدكتور ومش معنى ان قله من الصيادله فرطوا فى المهنه واساءوا ليها اننا بقالين وبعدين مين اللى بيصنع الدواء اللى بيوصفه الدكتور مش الصيدلى
مع احترامى لوجهه نظر حضرتك واقتناعى ان لكل شخص وجهه نظر المفروض تحترم بس للأسف انا مش مع وجهه نظر حضرتك دى ..................والله احنا مش بقالين عمرى ماتقالت الكلمه دى ليا لا بأسلوب صريح ولا مستتر
وان كانت الكلمه دى بتردد على ألسنه بعض الناس بس أول مره أشوف صيدلى أو طالب فى صيدله مقتنع تماما بوجهه النظر دى ومصدقها زى حضرتك كدا
الانسان هو اللى بيحدد هو عاوز يكون ايه وهو ايضا اللى بيحدد النظره اللى الناس بتنظر اليه بيها
مش معقول أكون انسان صيدلى وعلى درايه بأهميه مهنتى وعشان كدا بحاول أطور من نفسى علشان اكون صيدلى ................والناس تنظر ليا انى بقال
نظره الانسان لنفسه هى اللى بتحدد نظر وآراء الآخرين ليه ............وان كان بعض الصيادله تخاذلم عن مهامهم وبقت ليهم اهتمامات أخرى وده الى اساء للمهنه فدى مشكلتهم هما لكن احنا المفروض اننا نحاول نغير النظره دى ونرجع الأمور لوضعها الحقيقى مش نستسلم ونرضى بالأمر الواقع اللى فى أغلب الأحيان بيكون خاطئ
أنا كدا عرضت وجهه نظرى بس بجد نفسى أعرف حاجه ايه علاقه رد حضرتك بالموضوع اللى انا كتباه
"الصيدلي في مصر ما هو الا بقال"
طبعا يقصد الصيدلى الأهلى.
فعلا معظم الناس تعتقد ذلك و يضيفون..... هو بقال بس بقال أفرنجى.
و طبعا رأى الناس كده يعتبر Feedback فى غاية الأهمية يوضح كيف تهاون الصيدلى على مر الزمن فى جودة أدائه للمهنة. المشكلة ان الطالب لايشعر و هو فى الكلية انه مشروع شمس .... مشروع شمس ينير المجتمع الذى يعيش فيه و يرعاه صحيا و يكون له دور فاعل فيه. اذا وضع الصيدلى الأهلى عينه على القرش و فقط و لم يشعر الجمهور منه بالحرص على المريض بكل جوانب حياته كجزء من منظومة العلاج (لا يكلمه فيها الطبيب كثيرا فيها) و لا يهتم بالتواصل الإنسانى مع مرضاه فيكون لفظة البقال عليه هى الأنسب فعلا. اذا لم يكن الصيدلى الأهلى عنده المعلومات الدوائية الشافية و الفاصلة التى يستطيع بها مناجزة الطبيب و إقناع الزبون بالدواء و سبل التداوى الصحيحة من وجهة نظره المهنية لا من وجهة نظر الزبون نفسه فيكون لفظة البقال عليه هى الأنسب فعلا. اذا لم يحسن الصيدلى الأهلى من مستواه العلمى و المهنى افقيا و رأسيا باستمرار و تفرغ لبيع الأراضى و سوق العقارات و الدواء المحروق فيكون لفظة البقال عليه هى الأنسب فعلا. اذا ترك الصيدلى الأهلى (خريج كليات الصيدلة) صيدليته لغير الصيادلة مهما كانت خبرتهم فيكون لفظة البقال عليه هى الأنسب فعلا. اذا بدأ الطالب فى كليته بالدروس الخصوصية و ورق الكورسات و استمرأها كوسيلة سريعة للنجاح و النجاح و فقط فكيف يعرف عمق مهنته و كيف يستطيع ان يبحر فى محيط علم الصيدلة و الدواء و ماذا تتوقع منه بعد ذلك فى مجتمعه. عندئذ يكون لفظة البقال عليه هى الأنسب فعلا. اعرف كثير من الصيادلة ملكو قلوب الناس و المرضى و لهم بصماتهم فى محيطهم من المجتمع و لا تبرم احيانا اراء فى الصحة او الحياة عموما الا بحضوره و استشارته. هذه هى الشمس التى نريد. "ان الله لا يغير ما بقوم حتى يغيروا ما بأنفسهم" صدق الله العظيم.
و تقبلوا تحياتى
"من لا يتقدم يتقادم .. فلا بصمة و لا أثر"
تشكر دكتور عطاالله فعلا احنا اللى مقللين من نفسنا ؟؟؟؟
لازم احنا اللى نتغير علشان نغير المجتمع اللى حوالينا
شكرا دكتور عطالله على مرور حضرتك وعلى رأى حضرتك
كلنا بنتمنى نكون من أمثال هؤلاء الصيادله اللى بوجودهم ترتقى المهنه وترجع ليها اهميتها ودورها الفعال فى المجتمعاعرف كثير من الصيادلة ملكو قلوب الناس و المرضى و لهم بصماتهم فى محيطهم من المجتمع و لا تبرم احيانا اراء فى الصحة او الحياة عموما الا بحضوره و استشارته. هذه هى الشمس التى نريد. "ان الله لا يغير ما بقوم حتى يغيروا ما بأنفسهم" صدق الله العظيم
شكــــــــــرا د/ عطا الله على الرد
ومع حضرتك حق الانسان هو اللى بيدى للمهنه بتاعته قيمتها ....... واذا هو ماحسش بقيمته مين هيحس وهو اللى تهاون فى حق نفسه...........
فعليه ان يبدأ بتغير نفسه ....ومن ثم ستتغير نظرة المجتمع له...
اعرف كثير من الصيادلة ملكو قلوب الناس و المرضى و لهم بصماتهم فى محيطهم من المجتمع و لا تبرم احيانا اراء فى الصحة او الحياة عموما الا بحضوره و استشارته. هذه هى الشمس التى نريد. "ان الله لا يغير ما بقوم حتى يغيروا ما بأنفسهم" صدق الله العظيم
فى نماذج كتير منهم وده لانهم عرفو قيمتهم وان ربنا جعلهم فى هذا المكان لمساعده قاعده كبيرة من الناس فعملوا لذلك ووضعوا الله نصب أعينهم فكانوا يروا الله فى كل عمل يقوموا به ... ولم تغرهم الدنيا ...فأصبحوا كما تقول شمسا......
فليتنا نكون منهم...