النتائج 1 إلى 2 من 2

الموضوع: .. الصديق ..

  1. #1
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up .. الصديق ..




    النهارده هنتكلم شويه عن الصديق اللى بجد
    الصديق اللى واقف جنبى فى السراء والضراء
    الصديق اللى يحافظ عليا فى غيابى قبل وجودى
    الصديق اللى يشيلنى جوه عنيه ويحافظ عليا
    الصديق اللى يبقى هوه انا وانا هوه



    يا ترى الصديق ده موجود فى حياتنا؟


    كيف اختار الصديق؟


    ايه التصرفات اللى لو صدرت من الصديق تزعجك ؟


    ايه اللى متتوقعش/ متتوقعيش ان صديقك/ صديقتك يعمله ؟


    موقف ازعجك من صديق؟


    صفه لا تقبلها/تقبليها فى صديقك / صديقتك؟


    ما طباع واخلاق الصديق اللى تحب يبقى صديقك؟


    سؤال للنفس فقط
    مش مهم اجابته


    هل انت الصديق الذى يتمناه اى شخص؟




  2. #2
    Pb Elite
    تاريخ التسجيل
    Apr 2009
    الدولة
    mansoura
    المشاركات
    630

    افتراضي

    يا ترى الصديق ده موجود فى حياتنا؟

    اكيد طبعا بس اكيد فى اصدقاء بيكونو مقربين اكتر من اصدقاء تانيين
    كيف اختار الصديق؟

    مثلا فى الجامعه الواحد اتعرف على ناس كتيييييييييير جدا بس فى النهايه فى بعض الاصدقاء الواحد مش بيندمج معاهم او مع اسلوب حياتهم وفى اصدقاء تانيين بتلاقيهم نفس حياتك وآرائك واسلوبهم متماشى معاك فهما دول اللى بيكملو مع الواحد والباقيين بتكون صداقه سطحيه
    ايه التصرفات اللى لو صدرت من الصديق تزعجك ؟

    مفيش انسان كامل فلازم الواحد بيتقبل الصديق بميزاته وعيوبه واكيد هييجى اليوم اللى هيصدر تصرف يضايقك من صديقك بس الدنيا لازم تمشى ومش علشان زعلت من صاحبتى علشان اى موقف يبقى دى مش صديقه وانى أسات الاختيار
    ايه اللى متتوقعش/ متتوقعيش ان صديقك/ صديقتك يعمله ؟

    انها تقول عنى اى كلام مش حقيقى فى اى لحظة غضب او لو مبقيناش اصدقاء ودا الحمد لله عمره ما حصل من اى حد من صديقاتى

    موقف ازعجك من صديق؟

    انا لما بعرف اى معلومه بخصوص دراستنا دا لما كنا بندرس كنت بقولها لكل صديقاتى ودا على طول احيانا كنت اجى ابلغهم الاقيهم عارفين الحاجه دى من زمان ومفكروش انهم يقولوها ليا
    صفه لا تقبلها/تقبليها فى صديقك / صديقتك؟

    النفاق
    ما طباع واخلاق الصديق اللى تحب يبقى صديقك؟


    سؤال للنفس فقط
    مش مهم اجابته


    هل انت الصديق الذى يتمناه اى شخص؟
    متهيألى أسألو السؤال دا لصديقاتى مش انا اللى ارد عليه انا

    -----
    ما طباع واخلاق الصديق اللى تحب يبقى صديقك؟
    متهيألى عمرى ما هعرف افصل صديقه بالطباع اللى انا احبها
    بس أكيد بعض الصفات الاحترام وعدم المبالغه فى التصرفات قدام الناس
    لان فى بنات بتشلنى من كتر التمثيل بمليون وش يعنى ودى صفه لا اقبلها
    اهم حاجه انها متكونش بتتخدع فى المظاهر لان المظاهر دى احيانا بتدارى كتير
    وفى نفس الوقت احيانا الواحد بيتسرع ويحكم على الواحد من مظهره حكم خاطىء وهو بيكون احسن مليار مره من شخص تانى مستخبى ورا المظاهر ونااااااس كتير بيتخدعو فيهم بس بيكونو من نفس عينتهم فى الآخر يعنى زى ما بيقولو ما جمع الا ما وفق


    وفى النهايه احب اقول ان الصديق الحقيقى هو اللى هيستمر مع صديقه العمر كله وعمر الدنيا ما هتشغله عنه ابداً

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •