أخر مفاجأت اسرة في الكلية

[AlaDDin]

قريبا جدا تصدر مجلة (في الكلية) العدد الثاني
كأخر مفاجأه لأسرة ( في الكلية) هذا العام ..

اتمنى انها تعجب الناس كلها ..
و تكون خير ختام لأنشطة الاسره

فإنتظروها

و للتشويق .. ده جزء من غلاف المجله


طبعا واضح الإبداع :bleh:

[M.3esawy]

متسنيها يا باشا وانا حاجز واحده من الوقتي

[M.tal3t]

we are waiting 2nd edition
ty

[Mohamed Al Gohary]

المجله نزلت خلاص وموجوده حاليا فى مكتبة paper and paper

[Omneya]

اتمنى ان لو حد قرا المجلة يدينا ملاحظاته عليها

واللى لسه مقرهاش يقراها واكيد مش هيندم

وانا يهمنى كرئيس التحرير انى اعرف تعليقات القراء على العدد

لان ده هيفيد فى تطوير الاعداد القادمة

ولكم منى خالص التحية

[Mr.Abd El Hamed]

المجله تقيمها بالنسبالى " مقبوله"

بس فيه جزء ال fun معجبنيش بصراحة
وكمان حوار مع د.حسن كان تقليدى اوى وكأنه بيقول ال Cv بتاعته بس

بس اللى عجبنى اوى التصميم بتاع المجلة جميل جدا

والالوان كمان ....مع إن الجزء الادبى ألوانه كئيبه جدا بس اهو حلو

وكمان آخر صفحه كتير اوى انها تبقى اعلان ...متهيألى الراجل دا دافع لكوا مليون جنية يعنى المفروض المجله تبقى ببلاش


واستفسار خاص بأه
انا سمعت اشاعه بتقول ان مقررين الاسر ليهم نسخه هدية كهدية للأسرة يعنى .... عاوز تحقيق فى هذه المشكلة يا سيادة رئيس التحرير


وفى النهاية لا نستطيع إلا ان نقول انها عمل مميز لأسرة فى الكلية

[Omneya]

أولا احب اشكرك على اهتمامك

وبالنسبة تعليقك

فاولا بالنسبة

لجزء الfun فدى حاجة ترجعلك انه يعجبك او لا

وحوار د حسن معتقدش انه كان ممكن يخرج بصورة تانية غير كده

والوان القسم الادبى نوعا ما مقبولة وباذن الله نراعى النقطة دى فى الاعداد القادمة

بس المهم ان مضمونها عجبك



الصفحة الاخيرة

مش كتير انها تبقى اعلان لان ده راعى المجلة ومن غيره مكنتش هتخرج

يمكن عشان هو واحد بس فانت بتعتبر انها كتيير عليه

وبرضه بكل اسف احنا موصلناش للمليون ولا حاجة

والمجلة مينفعش تبقى مجانية لسبب ان الدعم من الراعى مكنش بمقدار التكلفة

ياريت لو تعرف تجيبلنا راعى كمان وتبقى مشكور

وموضوع العدد الهدية ده كان الترم الاولانى

ومش كل مرة بقى




وبتمنى ان الاعداد القادمة تكون فى مستوى ارقى وتنال استحسان اكتر

وبداية الالف ميل دايما خطوة

وربنا يوفقنا جميعا


وشكرا مرة تانية على اهتمامك

أمنية ياسر

[M.tal3t]

احلى حاجه عجبتني بتاعة لجنه الشفوي :d

[Omneya]

للاسف مهى بتعبر عن الحقيقة المرة

واتمنى اسمع لو فى تعليقات كمان

[Mohamed Al Gohary]

انتظروا العدد الثالث قريبا ان شاء الله فى بداية التيرم الثانى ..