فكرتونى بالذى مضى ربنا معاكم يا سنة رابعة وءان شاء الله تكون احسن وأخر سنة فى الكلية
وسلاماتى لدكتور اسماعيل وللصناعية ياااااااااااااه كانت ايام اصلى فى الغالب كانت هى دى المحاضرة
اللى لازم احضرها مجبر اختكم لا بطل اما باقى الاسبوع مش قوى ما عدا محاضرات د/محمود بكر لازم
تتحضر والله بتسهل عليكم المذاكرة جدا هى الصناعية والميدسينال اهم مادتين والباقى مهم بردوا بس فى المرتبة التانية وخدوا بالكم بقى تبدأوا تذاكروا من اول السنة عشان حكاية الامتحانات اللى قبلها يومين دى
واحد هيقولى انا السنة دى عاوز اجيب اعلى تقدير اعمل ايه ؟؟
اول اسبوع كلنا بنحضره يعنى تغير جو واصحابنا وحشونا ونشوف نظام الدراسة ايه ؟؟
بعد كده بنعرف بقى اى محاضرات نحضرها وايها ملهاش لزمة (لان فى حاجات كتير عبارة عن مراجعات
للى فات مش أكتر ف بتحسوا بالملل من المحاضرات اللى من النوع ده )دى وبكل ثقة متضيعش وقتك
فيها ومتحضرهاش بس تذاكر الورق اللى بينزل اول بأول ولو قراءة بس من غير اى ضغط
فى محاضرة تبدو فى الظاهر حلوة فيها مناقشات للمحاضر والطلبة انا كنت بحبها بس
للاسف الدكتور ربنا يكرمه جابلنا حتة امتحان من اللى قلبكم يحبه ووالله كل اللى حضر
المحاضرة كانوا طالعين يدعوا عليه لانه ساب الاساسيات اللى قالها فى المحاضرة
وجايب الامتحان تعريفات ومسألة ارقامها كانت هتفجر الالة الحاسبة
الحمد لله عدينا وجبت امتياز كمان بس عشان كرم ربنا ثم جزء الدكتور الاخر فى نفس المادة
بس انا بحذركم لانى كنت مخنوقة قوى من الدكتور ده وقلت لازم اقولكم
هو دكتور كان بيديكم فى تالتة بردوا مش هاقول اسمه انتوا هتعرفوه لوحدكم
لان محاضرته الوحيدة اللى بيبقى فيها حوار واسئلة منه للطلبة والعكس
اللهم بلغت اللهم فاشهد
بالتوفيق يارب لكم جميعا