العفو
يا جماعة هو الكتاب الي كنا مصورينه ف جزء دكتورة دعاء ...فيه حاجة مطلوبة مننا ...؟؟
أصل لسه مخلصتش و صعب افتحه ابص لو فيه حاجة معانا
ياريت اللي يعرف حاجة مهمة فيه يقولي
شكرا
العفو
يا جماعة هو الكتاب الي كنا مصورينه ف جزء دكتورة دعاء ...فيه حاجة مطلوبة مننا ...؟؟
أصل لسه مخلصتش و صعب افتحه ابص لو فيه حاجة معانا
ياريت اللي يعرف حاجة مهمة فيه يقولي
شكرا
معانا اول حاجة فيه بس
ال Definitions اللي في اول صفحة
مهي ال def. دول مكتوبين ف الورق اللي احنا بنزاكر منه !
طيب في ف الورق حاجة
DD
اختصار لإيه دي ?
Diferential Diagnosis
يعنى سبت الساحة محدش علق على الامتحان
ولا معاكوا حق هو اساسا مفيش اى تعليق يعبر عنه
فعلا ربنا يكرمنا من عنده
بس الدكتورة كان المفروض نكلمها علشان جزأها عليه درجات كتيييرة.............
الامتحان كان غريييييب ... الحمد لله علي كل حال
المهم اننا الحمد لله استفدنا من دراستنا للمادة دي ... اما نظام احفظ و صم و بعدين كب في الامتحان و اخرج .. لا تعلييييق ...
الحفظ اعلي درجات الفهم ان كان عن اقتناع و تخيل و ممارسة ... تحفظي الحاجة دي زي اسمك يبقي المفروض بنفس الطريقة ... محدش بيمشي يقول انا اسمي فلان انا اسمي فلان !! .... لا !! " بالممارسة "
ليه مطلوب مننا نحفظ جرعات الادوية دي ... !! ايه الفنية في كده ما اي واحد بيعرف يقرأ و يدي حقنة يقدر يفتح مرجع و يشوف الجرعات و يدي علي اساسها !!
المفروض اللي كنا نعرفه بجد و نتعلمه صح هو ازاي اظبط الجرعة ... ده صميم شغل الكلينكال ..
زي سكيم الاورجانك بردو انا بحفظ الـprocedure و الـresult ليه ؟؟!!! ... ما هو في سكيم المفروض امشي عليه حتي في الشغل و حتي اكبر عالم في الدنيا هيكون قادر يسترجع التفاصيل بس عن تخصصه اللي قضي حياته يمارسه و يجرب فيه مش ورقة و قلم و احفظ و سمعيلي يا ماما !!
المفروض اللي نعرفه بجد التريكات اللي تميز الصيدلي عن اي حد تاني ... الجرعتين الوحيدتين اللي حفظتهم و من غير ارهاق ذهني هما الـ sulbutamol 5mg و الadrenaline مل واحد من امبول مخفف لألف و تبقي عضل .. لانهم مهمين و فعلا بنحتاجهم وممكن ننقذ بيهم حياة ناس حتي في الصيدلية ...
و لاني عارفة هما عبارة عن ايه و شكلهم ايه و مسكتهم بإيدي في الصيدلية .. و عارفة اللي عنده ازمة و اللي بتجيله حساسية بتبقي حالتهم عاملة ازاي ...
اعتقد كلنا دلوقتي الحمد لله نقدر نعمل CPR ... حتي لو ينقصنا المهارة و الاتقان لكن ... معتقدش هننسي الطريقة بتتعمل ازاي و امتي ....
لاننا عشناها و جربناها بنفسنا و اتدربنا عليها ... تحية كبيرة للحاج محمد
التعليم عندنا كمعلومات الي حد ما ممكن يكون كويس .. لكن الاسلوب محتاج تغيير جذري ولازم اتعلم = اعرف اشتغل .. مش اتعلم = اجيب تقدير و اتخرج كأنني مدخلتش الكلية اصلا !!
الله المستعان ... ده رأيي الشخص يمكن يكون في حد متفق معايا و ممكن لأ ..
المهم ، نركز بقة في اللي جاي ...
هانت
... جددوا النية ...
التعديل الأخير تم بواسطة BoNbOoNa ; 18-07-2011 الساعة 03:55 PM سبب آخر: Human beings read & learn .. Computers copy & paste :|