دعوه للمزاكره

[شيماء حمزة]

فكرة كويسة بس فين اللي ينفذ عموما ممكن اللي مش فاهم جزء معين في اي مادة نساعده . محتاجين دعوات بعض بالتوفيق

[rose_pharm]

الانفرا رد مش عارفة اسئلتها ممكن تيجي ازاي

ومش فهماها اوي والرسومات اللي في الورق نبدا نقراها منين بالظبط ومطلوب منها ايه؟؟

مش عارفة اعمل ايه انا سبتها زهقت منها حسة انها ملخبطاني

[sara adel]

بصى ياروز الانفرا بتعملى خطين خط عند 1500 وخط عند 3000 وال قبل ال 1500 ملناش دعوه بيه لانها منطقه صعب التعرف فيها على الجروب وبالتالى شغلنا كله هيكون بعد 1500 وتحفظى الرنج بتاع كل مجموعه وفى الرسمه تشوف البيك نازله عند كام وتطلعى المجموعه بسهوله ياريت اكون قدرت اساعدك

[هدى القراءن]

بصراحة فكرة الموضوع ده جميلة جدا علشان نشجع بعض على المذاكرة
أنا كنت عايزة أعرف السؤال علىNMRبيجى ازاى لأن أنا مش فاهمة فيها حاجات كدة

[rose_pharm]

بصى ياروز الانفرا بتعملى خطين خط عند 1500 وخط عند 3000 وال قبل ال 1500 ملناش دعوه بيه لانها منطقه صعب التعرف فيها على الجروب وبالتالى شغلنا كله هيكون بعد 1500 وتحفظى الرنج بتاع كل مجموعه وفى الرسمه تشوف البيك نازله عند كام وتطلعى المجموعه بسهوله ياريت اكون قدرت اساعدك

متشكرة اوي يا سارة هجرب كده اشوف ربنا يسهل

وميرسي علي زوقك ربنا يوفقك

[Mohamed Al Gohary]

فكره حلوه اوى بالتوفيق .. بيفكرني بالتوبيك اللى كنت عملته السنه الى فاتت . "خلصت مذاكره" اعتقد انه فادنا جدا جدا ..

وان شاء الله كل حاجه تكون تمام وكويسه .. وربنا معانا ان شاء الله ..

[Sincerity]

كويس انك فتحتى الموضوع ده يا ساره انا لسه شيفاه دلوقتى للاسف ..
المهم ان شاء الله يا جماعه ياريت نشجع بعض ونحاول نذاكر الايام الجايه ولو حتى هناخد فكره عن المواد و ياريت نبدا بالعقاقير لانى حاسه انها تقيله اوى الترم ده وبجد انا خايفه منها جدا لانها طبعا مش اتفتحت لسه ...
ان شاء الله عاوزين نبقى نحدد مع بعض الاجزاء اللى نعرف نلمها ف الوقت ده ...
وربنا معانا ويوفقنا ان شاء الله .

[sara adel]

بصراحة فكرة الموضوع ده جميلة جدا علشان نشجع بعض على المذاكرة
أنا كنت عايزة أعرف السؤال علىNMRبيجى ازاى لأن أنا مش فاهمة فيها حاجات كدة

بصى ياهدى ال nmr بنكشف بيه عن الذرات ال ليها عدد فردى ومثال عندنا الهيدروجين كل الموضوع انك بتحفظى شارت زى ir عشان تعرفى فكره ال deshelding and shelding كل ما ال الهيدروجين ال موجود فى المركب يكون مسحوب منه السحابه الالكترونيه او كل ماكون مكانه موجود فى الشارت بعد 4 يكون deshelded فالسؤال بيكون يديكى مركبين ويقولك رتبى الهيدروجين حسب ال shelding او يقولك قولى ال spiliting ال معناها كل signal تظهر كام بيك وده بيعتمد على فكره المجاور +1 (n+1) rule ارب اكون ساعدتك ولو موصلتش قوليلى اوضحها تانى

[sara adel]

مرسي ياجماعه على المشاركه ان شاء الله بعد الشيت نبدأ ميكرو وعقاقير اسبوع كامل عشان نكون زاكرنا فيهم شويه قبل الامتحانات ياريت كمان كل يوم فى الاسبوع ده تخلى ساعه واحده عضويه حتى لو كانت حل عشان متتنساش ال مش عاجبه فكرتى يقول

[Mohamed Al Gohary]

والله انا ناوى بعد الشيت اركز على العقاقير اوى خصوصا جزء الناركوتكس لانه بالتاكيد اتقل جزء عندنا السنه دى ..
والميكرو سهل على فكره اجزائه بسيطه هو بس يمكن جزء antimicrobial هو اللى تقيل شويه عشان اسامي الاداويه والميكانيزمات وكده .. فممكن فى الفتره من بعد الشيت لحد ما نبدا صيدلانيات ان شاء الله .. ناخد جزء الناركوتكس مع جزء الانتى ميكروبايل فى الميكرو ..

ولا انتم ايه رايكم ؟؟