عملت تدريبك فين ؟؟

[dr_amoona]

أنا ادربت في سنة أولى وإن شاء الله هدرب في تانية
أما بالنسبة للصيدلية مين اللي قال انها لازم تكون في محافظة الدقهلية ؟؟؟
حسب المحافظة اللي انت فيها.. ولا كمان عايزنا نسافر في الأجازة !!!!
ربنا يستر

[د///*مطحونة*\\\]

انا صحابى البنات اللى مش من المنصورة سالوا ناس فى الشءون من اول السنة
وقالولهم ان كل واحد فى محافظته ومنطقته دى حاجة مفروغ منها يا جماعة
اعتقد كدة
على الكلام اللى قالوه ليا

[آيه محمد]

الواضح ان مفيش حد لسه قرر
انا كمان مش عارفه
مش حاسه ان فيه صيدليات كتير علي المستوي المطلوب
يعني لو ناس مستواا كويس مش هتعلمك حاجه
ولو ناس مش اوي بيكونوا عايزين يشيلوك من علي الارض
بصراحه محتاره

[dr queen]

مش حاسه ان فيه صيدليات كتير علي المستوي المطلوب
يعني لو ناس مستواا كويس مش هتعلمك حاجه
ولو ناس مش اوي بيكونوا عايزين يشيلوك من علي الارض
بصراحه محتاره

هو ده ..

[Pharmcist_girl]

تبقى انا مقررة بقى الصيدليه اللى هتدرب فيها هى ايه بس المشكله انها فى بلد بعيده عن بلدى وهم الاتنين ضمن الدقهليه برضه ...

بس خايفة اتعب مقدرش اتكيف مع الوضع ده مع انا هروح واجى مع والدى بس خايفه برضه هتبقى بهدلة

هو ممكن الواحد يغير واللى هى قرار واحد وخلاص ولا ايه؟!

[dr queen]

لا يا نانسى ممكن تغيرى عادى ..

[Pharmcist_girl]

طب كويس خالص يا د_غاده يبقى نجرب متواكلين على الله يمكن ارتاح فيها

[نسومه]

ان شاء الله هتدرب فى نفس الصيدليه اللى اتدربت فيها السنه اللى فاتت ..عشان مش هينفع اتدرب فى صيدليه غيرها لظروف معينه ..غير انى استفدت منها كتير والحمد لله ..
يارب تقرروا كلكم هتدربوا فين ويكون التدريب السنه دى كويس علينا كلنا ويارب نحقق استفاده اكتر من قبل كده ...

[* Esraa_resala *]

ربنا يوفقكو جميعااا وان شاء الله تحققو الاستفاده الى نفسكو فيها

[Sincerity]

ايوه منا عارف ان ده اللى بيحصل كل سنه .. بس لما مشروع المشرف الاكاديمى اتطبق .. اتقال انه المفروض هيكون مسئول عن التدريب الصيفى للطلبه بتوعه .. والله اعلم ..

ياريت والله ابقى مع الدكتور اللى انا معاه ف الاشراف الاكاديمى ....اصل انا مع دكتوره ناهد ....وبينى وبينكو خايفه اقع مع دكتور كده من بلدى ومعانا ف الكليه ....ربنا يستر