عملت تدريبك فين ؟؟

[Mohamed Al Gohary]

الموضوع ده سبب لى مشكله كبيره .. ربنا يسهل

[monosh]

يعنى برده محدش عرف هنعمل بيها ايه وإزاى هنتصرف مع الورقة دى؟؟

دى ورقة وعاملة المشاكل دى؟!!!!

أنا شايفة اننا نختار المكان اللى نرتاح فيه ونلاقى فيه بجد كل اللى يفيدنا لو اى حد اتدرب فى اى صيدلية

قبل كده ومش عاجباه. فهو كده أخد الفكرة عن التدريب وأكيد عارف إزاى هيحكم على الصيدلية اللى

هيدرب فيها.

وربنا يوفق الجميع ويهدينا للخير.

[Anas]

لسه بدري جدا على ما الواحد يقرر هو هيتدرب فين
لان الظروف جايز تتغير
احنا فين و آآآآآخر الترم التاني فين

ركزو في الأجازة أهم ...

[..huda]

المفروض تكتب اسمك وعنوانك في الورقة وتوقعها من الصيدلية اللي هتتدرب فيها وبعد كده توديها الكلية

[sandy]

فعلا ركزو فالاجازه اهم
التدريب ده امره سهل
والي مش عايز يركز فالاجازه يركز فالنتيجه

[~Am@ny~]

أنا ممكن لو طلبوها و أنا لسه مقررتش أتدرب فين

أمضيها من أي حد من حبايبنا و بعدين أبقى أتدرب في المكان اللي أنا عاوزه

تمام غالبا هو ده اللى هيحصل
ربنا يسهل ...

[Mohamed Al Gohary]

مش بيطلبوها الا قبل بادية امتحانات التيرم التانى .. عشان يبداوا يوزعونا على الدكاتره .. وغالبا هيكونوا هما المشرفين الاكادميين لو الموضوع ده فضل يعنى ..

[Anas]

لا يا جوهري ... مش المشرف الأكاديمي

معظم الاشراف الصيفي بيكون حسب التوزيع الجغرافي

يعني كل مجموعة طلبة بيتدربو في صيدليات قريبة من بعضها في أماكن متجاورة
بيكون ليهم دكتور مشرف السكن بتاعه قريب من المنطقة دي

ده اللي بيحصل غالبا كل سنة ... مش عارف بعد اختراع حكاية الاشراف الأكاديمي دي هيبقى النظام ايه

[Mohamed Al Gohary]

ايوه منا عارف ان ده اللى بيحصل كل سنه .. بس لما مشروع المشرف الاكاديمى اتطبق .. اتقال انه المفروض هيكون مسئول عن التدريب الصيفى للطلبه بتوعه .. والله اعلم ..

[د///*مطحونة*\\\]

معلش يا جماعة
هاتطفل عليكم هو انتوا اتمرنتم ف اولى ولا بداتم فى تانية دى كاول سنة تمرين وماليش دعوة بالورقة والحاجات دى وبداتم فى الصيف ولا ايه