يوميـــــات شاب عادى .. حلقــــــ فتابعونا ــــــــات

[طموح صيدلانيه]

ولإن النهارده الجمعه عيد المسلمين هنحط حلقه كمان والله المستعان
لا تنسوا اليوم أكثروا من الصلاه على النبى

-----

الحلقة الثالثة

قال بيصلى قال

نام صاحبنا عبد الرحمن وراحت عيناه فى النوم من كثرة التفكير وإذا وهو نائم
يرن جرس التليفون

ذهبت الأخت الصغيرة عائشة لترد

عائشة : ألو

المتصل : السلام عليكم

عائشة : وعليكم السلام مين معايا

المتصل : أنا محمد صاحب عبد الرحمن فى الكلية
كنت عايزه فى حاجه وقلت ألحقه قبل ما يصلى

عائشة : يصلى !!!عبد الرحمن يصلى !!!
هه صلى على النبى

محمد : عليه الصلاة والسلام طب هو موجود

عائشة : هو نايم

محمد : طيب أما يصحا قوليله أنى أتصلت بيه

عائشة : طيب !!!!!!!

ومرت ثلاث ساعات وقام صاحبنا من النوم

عبد الرحمن : ماما حطيلى أكل

الأم : أنت مكلتش لما جيت من الكلية

عبد الرحمن : لأ مكانش لية نفس

الأم : طيب أنا هصلى المغرب وحطلك
عبد الرحمن : ماشى بس ماتصليش التراويح أنا هفتح التلفزيون عبال ماتخلصى

ودخل صاحبنا فوجد أخته عائشة قدام التلفزون

عبد الرحمن : أنتِ موراكيش حاجة

عائشة : لأ أنا قاعدة --فيه مانع؟؟

عبد الرحمن : قومى ذاكرى

عائشة : خلصت مذاكرة
صحيح فى واحد أتصل بيك اسمه محمد

عبد الرحمن : محمد !!! وكان عايز إيه

عائشة : معرفش مقالش لكن دا قالى أنه كان عايز يلحقك قبل ما تصلى
أنت بتصلى من ورانا ولا إيه
وبعدين أنت من أمتى بتصاحب النوعيات دى

عبد الرحمن : أنتى هتفتحيلى محضر وبعدين أنتى فاكرانى مش مسلم مابصليش ولا إيه

ثم جاء صوت من الخلف وكان صوت والد عبد الرحمن
:طب كويس أن أنت عارف أن ألى مبيصليش يبأى مش مسلم

عبد الرحمن : يووووووووووووووه أنا داخل أفتح الكمبيوتر

الأم : مش هتاكل

عبد الرحمن : ملياش نفس

دخل عبد الرحمن حجرته وقفل على نفسه وقعد يفكر شوية
الغبية عائشة دى أل يعنى هية اللى مقطعه نفسها فى قيام الليل
هتعملى فيها شيخة

وعدا اليوم وجاء اليوم الثانى وإذا بمحمد فى وشه
أول ما عبد الرحمن شافه حاول يتجنبه ويعمل نفسه بيكلم واحد صاحبه
إلا أن محمد جاء وسلم عليه وولا كأن حاجة حصلت
ثم
محمد : أنا رايح أصلى الضحى تيجى معايا

عبد الرحمن (بصوت مرتفع) : بص بأى أنا مبصليش

أبتسم محمد وقاله : طيب وماله مش أنت مسلم واسمك عبد الرحمن

عبد الرحمن : أه

محمد : طيب يعنى ممكن تصلى فى أى وقت

محمد : أنا رايح أتوضى تيجى معايا المحاضرة الأولى أتلغت بيقولو الدكتور مش جاى
يله هتيجى معايا مافيش ورانا خاجه هنقضيها فى الشارع

ضحك عبد الرحمن وقال : ماشى

ذهب الأثنين لمسجد الكلية للوضوء
وبدأ كل واحد منهم بالوضوء
لاحظ محمد بعض الأخطاء فى وضوء عبد الرحمن

فقال : عبد الرحمن ممكن أقولك حاجة ولا هتزعأ زى مزعقت لى بره

ضحك عبد الرحمن : قول فى إيه

محمد : بص ياسيدى أنا بس عايزك ترتب أركان الوضوء عشان الترتيب فرض
يعنى ممكن أنا أنسى أتمضمض لكن وضوئى صحيح
لكن لو مرتبتش الوضوء يبأى الوضوء غير صحيح وبالتالى هتبوظ الصلاة

عبد الرحمن : طيب وأرتبهم الزاى بأه

محمد : بسيطة خالص
" أول حاجة تقول بسم الله ودى سُنة وبعد كده تغسل كفك 3مرات وخلى بالك كفك
مش أيدك كلها وبعدين تتمضمض 3 مرات وتستنثر 3 مرات ودول يا سيدى سُنه برضه
وبعد كده تغسل وشك 3 مرات وخلى بالك خلى المية تيجى على وشك كله
تلاقى البت من دول تغسل وشها وخايفة تبل الطارحة والمية لا تصل لكل الوش
وده كله غلط"

عبد الرحمن : سيبك من البنات خلينا فى الصبيان وبعدين كمل

محمد : " بعد وشك ودا طبعا فرض تغسل أيدك لغاية الكوع
ويستحسن تبدأ باليمين3 مرات وبعد كده تبلل يدك لتمسح رأسك من الأمام للخلف ودى فرض ومعاها أذنك من الظاهر والباطن ودى سنة والأثنين مرة واحدة وفى الأخر تغسل رجلك للكعبين ثلاثا "

عبد الرحمن : بس أنا ممكن أمسح على الشراب مش كده

محمد : أه طبعا لو كنت لبسه على وضوء

عبد الرحمن : بس أنا مش متوضى

محمد : يبأى لازم تقلعه يا بطل

عبد الرحمن : طيب متشكرين على وجع القلب ده ممكن أتوضى بأه

محمد : أتفضل هو أنا حايشك

أنتهت معركة الوضوء التى كانت تشبه معركة إستيقاظ عبد الرحمن
وذهب الأثنين للمسجد

وأول مادخل عبد الرحمن المسجد وقعت عينه على معاذ مرة ثانية
وكالعادة تَنّح أول مشافه بس المرا دى كان بيصلى
دقق عبد الرحمن النظر فى وجهه مازال النور يتلالأ فيه ولاحظ لحية سوداء لم تكتمل النمو بعد تزين وجهه
جميل وبهى المنظر
دقق عبد الرحمن فى صلاته

وكأن عبد الرحمن أول مرة يشوف حد بيصلى
حس أن الراجل ده بيركع بجد بيسجد بجد
المهم دخلوا

والتفت لمحمد وقال : هو الشاب ده مقيم على طول فى المسجد

محمد :لأ لما بيكون ماورهوش حاجه بيجى المسجد وبعدين تقريبا فيه درس فى المسجد
بيحب معاذ يحضره
أنا هقوم أصلى

قام كل من عبد الرحمن ومحمد للصلاة
وطبعا صاحبنا نقرهم نقر الديك وخلص بدرى قبل محمد
ولما خلص وجد معاذ بيبصله

هو كان مراقبنى وأنا بصلى ولا إيه

ثانى مرة يشعر بالأحراج النهاردة
وهو لسه بيفكر

وجد معاذ فى وشه بسلم عليه

معاذ : السلام عليكم ورحمة الله وبركاته

عبد الرحمن : وعليكم السلام

معاذ : وحشتنى والله أنت فاكرنى ولا نسيت

عبد الرحمن قال فى باله " أنا أقدر أنسى مش أنتا بتاع الكهربا"

عبد الرحمن : أيوه فاكر أنت الأخ ألى كنت بتصلى جمبى أمبارح صح

معاذ : أيوه أنا صح إيه رأيك فى الكلية

عبد الرحمن : شغاله ..... يعنى .....

معاذ : معندكش محاضرات دلوقتى

عبد الرحمن : أتلغت

معاذ : طيب خير فى درس هنا فى المسجد بعد صلاة الضحى إيه رأيك تحضره معانا

عبد الرحمن : مش عارف هشوف

وبعد شوية قام واحد وقال إن شاء الله ياجماعة فى درس هيبدأ الأن بعنوان : التوبه

وبعد مخلص الشاب كلامه وجد عبد الرحمن معاذ قام من جنبه

أستغرب جدا وقال فى نفسه "هو مش قال أنه هيحضر الدرس هو قام ليه؟ "

ياترى معاذ قام ليه

وياترى عبد الرحمن هيحضر الدرس

ولا إيه اللى هيحصل

تابعونا فى الحلقة القادمة باذن الله

[N00R EL _SHAMS]

حلقات رائعه ومواقف عبد الرحمن موتتنى من الضحك .... متابعين ان شاء الله الباقى ..........

[AbU ElKhAiR-Let`s Go]

ايه التشويق ده متكميليها بقه وخلاص يا دكتوره

[dr.muslima]

جزاكي الله خيرا
حلقات جميلة ورائعة
وطبعا لا تخلو من التشويق
بس ما تبخليش علينا بالحلقات
يعني كل ساعة حلقة

[طيور الجنه]

ما شاء الله
قصة اسلامية مفيدة رائعة
متابعه ان شاء الله يا دكتورة

[طموح صيدلانيه]

الحلقة الرابعة


راحت عليه


قام معاذ من جنب عبد الرحمن فتعجب عبد الرحمن لماذا قام
هو مش قال أنه هيحضر الدرس
طب قام ليه
وفجأة







إذا بمعاذ يجلس فى ركن من أركان المسجد
ويلتف الشباب حوله وبدأوا بالجلوس
فعلم عبد الرحمن أن معاذ هو أكيد أللى هيدى الدرس
أستغرب عبد الرحمن فى الأول وكل ماظهر عليه
أنه جلس ينظر فى وجه معاذ طويلا

وبدأ معاذ بالكلام

معاذ

: " بسم الله وكفى والصلاة والسلام على الذين اصطفى لاسيما عبده المصطفى
أما بعد " قبل مبدأ الدرس عايز أقول شئ مهم ممكن كتير مننا ميحسش بيه عايز
أقول لكم أن كل الناس اللى موجودة فى المسجد الأن الله عز وجل اختارهم عشان يسمعوا الدرس
فى ناس كتير برة لم يرد الله لهم المجىء إلى المسجد
وكذلك فى ناس من الجلوس معانا ربنا هيختارهم
عشان يهديهم بالكلام وناس تانية هتسمع وخلاص
فسبحان الله
عايزك تستشعر إن الله اختارك أنت وجابك بيته وسمعك كلامه
كل ده مش عشان تروح وتنام لأ
عشان تشكره على أبسط نعمه من نعمه عليك ......."




ثم
قطع صمت المسجد
رنين هاتف موبايل
نظر محمد من أين يأتى فإذا به هاتف عبد الرحمن
وطبعا علا صوته بصوت أغنية على أنغام الموسيقى


محمد

: عبد الرحمن يا حبيبى أقفل صوت الموبايل لما تخش المسجد
لأن هذا يؤذى الملائكة بصوت الأغانى وبيغلوش على أللى بيصلى




قفل عبد الرحمن صوت الرنين
وجلس يتابع

أزدحم المسجدأللى طالع واللى داخل وقام محمد
ليجلس فى الأمام عشان يسمع

لم يكف هاتف عبد الرحمن عن الرنين
فيبدو أن المتصل يريده أن يرد

أتحرج عبد الرحمن وقام يرد برة المسجد

عبد الرحمن

: ألو






المتصل

: أزيك يا عبده أنا حوده فاكيرنى ولا إيه






عبد الرحمن

: أهلاااااااااااااا حوده أزيك






حودة

: تمام وحشنى والله أنت فين ؟؟؟؟؟






عبد الرحمن

: أنا فى الكلية






حودة

: مأنا عارف أنك فى الكلية حد قال لك أنك قاعد على القهوة
أيوة فين على القهوة أقصد فين فى الكلية عشان أنا هناك وعايز أشوفك..






عبد الرحمن

: قابلنى عند باب الكلية




حوده

: ماشى





قابل صاحبنا صاحبه القديم وبعد السلمات والتحيات



حودة

: إيه رأيك تخرج معانا الليلادى الشلة كلها جاية
وهتبأى سهرة جامدة





عبد الرحمن

: لأ معلش مشهينفع النهارده





حودة : ليه يابنى دنتا هتبسط أوى وأهو نعيش شويه





عبد الرحمن : معلش ملياش مزاج


ووقف صاحبنا يهزر ويضحك ويسترجع أيام ثانوى مع صاحبه
ومحسش إلا والظهر بيأدن



عبد الرحمن " مفزوع " : أده هى الساعة كام دلوقتى



حودة: مش عارف تلاقيها 12 أو 12 :30 كده




عبد الرحمن : ياااااااااااااه الوقت بيعدى بسرعة أوى




حوده: خلاص وقفله السكة ما تيجى نجيب حاجة ناكلها؟؟أا جعان أوى


عبد الرحمن: لأ جعان إيه انا أصل عندى محاضرة ولا زم أمشى
أبقى خلينا نشوفك ....مع السلامة






أفتكر صاحبنا معاذ ومحمد والدرس أللى محدرهوش
وراح بسرعة عشان يلحقهم

ولما وصل وجدهم بيكبروا تكبيرة الأحرام فدخل فى الصلاة الجماعة




صلى عبد الرحمن وخرج من المسجد وإذا به يرى محمد مستنيه برة

نزل صاحبنا مربوك ومش عارف هيقول لمحمد إيه


وفجأه
وجد محمد بيقول له





محمد: معلش ياعبد الرحمن المسجد كان زحمة أوى ومعرفتش أقعد جنبك

أنت كنت قاعد ورا



عبد الرحمن باندهاش : هه أه





محمد: دأنا كنت قاعد جنب معاذ ويدوبك سامعه

أنت كنت سامع حاجة ورا ؟؟؟






عبد الرحمن : هه أه ... يعنى مش قوى ...يلا بسرعة عشان نلحق المحاضرة

وخرج عبد الرحمن من الموقف بالكذب

خلص صاحبنا محضراته ورجع البيت

وكالعادة تبدو عليه ظاهرة التتنيح
التى تلازمه منذ أن دخل الكلية


وطبعا مين هيستقبله غير الأخت عائشة

عائشه: .............


ولسة كانت هتفتح فمها بكلمة من كلماتها المرحبة لكن قطع عليها جرس التليفون


عبد الرحمن : أوعى أنا أللى هرد

عائشة: أتفضل يا حضرة المحافظ

رفع صاحبنا السماعة

عبد الرحمن : ألو




المتصل: أزيك ياعبده أنا ميدو مشفاكيرنى ولا إيه ؟؟؟





عبد الرحمن : أيوة هلّو هلّو أنتم مستأصدنى النهارده ولا إيه ؟؟؟








ميدو: أنت بتكلمنى ؟؟




عبد الرحمن : لا لا مفيش حاجة أزيك أنت عامل يه ؟؟؟


ميدو : شغال







عبد الرحمن : أنا لسه يادوبك داخل وراجع من الكلية







ميدو: أصطادتك طازة يعنى بقول لك إيه أنت لازم تيجى معانا النهارده

فى خروجة جامدة وانت واحش الشلة كلها وكلهم عايزينك








عبد الرحمن : ما حوده قالى الصبح وقلت له أنى مشهقدر






ميدو: لأ حوده مين يا عم دى غير بتاعت حوده خالص

بجد هتعيش







عبد الرحمن : معلش أصل ورايا كلية الصبح وأنت عارف







ميدو: يا عم أكل ونوم يديك دبلوم كلية إيه أللى بدور عليها

وبعدين معانا عربية وهنلف بيها شوية ومش هتتأخر

عبد الرحمن

: لأ مادام فيها عربية أنا جاى
ميدو: أنت عارف طبعا المكان أللى بنتقابل فيه

نتقابل هناك الساعة 8 أوعى تتأخر
أنت تخش تنام من دلوقتى عشان تيجى فايىء



عبد الرحمن : أه عارف مش هتأخر مع السلامة

خلص صاحبنا المكالمة ولم يلاحظ أن عائشة متابعة كل تحركاته

عبد الرحمن : ماما أعملى حسابك أنا هخرج بليل




الأم: هنرجع لأيام الخروج تانى والتأخير

أنت يابنى مش دخلت الكلية بأه المفروض تبأى راجل وتتحمل المسؤلية




عبد الرحمن : وفيها إيه لما أخرج بلاش أفك عن نفسى




عائشة: تفك و لا تجمد ولا إيه رأيك فك واربط أحسن

وحضرتك بأه رايح فين المرة دى





عبد الرحمن : يارب رحمتك هو أنتِ حد عينك مسؤول عنى

وبعدين أنتى من أمتى بتسألى رايح فين إن شاء الله ؟؟




عائشة: لأ أصل أنا كمان خارجة فقلت أسألك ...




عبد الرحمن : وخارجة فين يا حضرة الكُنتيسة






عائشة: رايحة عند واحدة صحبتى هنزاكر مع بعض عندك مانع ؟؟؟





عبد الرحمن : هتذاكروا ....أه ....طيب أبقى سلميلى على المذاكرة

مع السلامة بأه أتفضلى روحى وامشى من أدامى

وهنا جاء كالعادة صوت من الخلف وهو صوت أبو عبد الرحمن

الأب : أنت من أمتى بتعطى الأوامر يا أستاذ عبد الرحمن

عشان تسمح لأختك أنها تروح أو متروحش






عبد الرحمن : أنا ............أنا ............





عائشة: بابا عبد الرحمن عايز يخرج مع صحابه الساعة 8 ومعاهم عربية








الأب : عائشة .........أتفضلى ادخلى الأوده وروحى ذاكرى

أتفضلى .............







عائشة : حاضر ..... حااااااااضر ........ أنا ماشية أهو



وقال عبد الرحمن فى زهنه " ماشى أما وريتك مبقاش أنا "








الأب : إنت إن شاء الله بأه رايح فين



عبد الرحمن : لا أبد دا أحنا هنتمشى على البحر بس

هنشم هوا








الأب : والله أنا خايف عليك تشم حاجة تانية





عبد الرحمن : عيب هو أنا بتاع كده برضو دا أنا أخرى معاكسة ** على الناصية




الأب : إيه بتقول إيه




عبد الرحمن : لأ بكح أصل الهوا وقف فى زورى





الأب : عارف إن أتأخرت مش هبيتك فى البيت الليلة دى

سامعنى أنت وراك كلية بكرة مش فى أجازة
فاهمنى




عبد الرحمن : آه طبعا مش هتأخر




الأب : أما نشوف

أتغدى صاحبنا وعمل بنصيحة ميدو ودخل ينام

ياترى ماذا سيحدث عندما يخرجون

وهل سيذهب معهم حقا


تابعونا

[eng_sh]

جزاك الله خير يا دكتوره
قصه جميله جدا
كا نفسى اوى نلاقى
محمد ومعاذ فى الكليه بس يكونوا بنات

[طيور الجنه]

حلقة جميلة
متابعه ان شاء الله يا دكتورة

[draya]

ماشاء الله حلقة رائعة ونهاية مشوقة كالعادة فى انتظار باقى الحلقات

[د/محمد عمر]

بارك الله فيكم
من اروع ما قرات على صفحات هذا المنتدى
رجاءا لاتبخلى علينا بباقى الاجزاء