[true_happiness]

بسم الله الرحمن الرحيم
و الصلاة و السلام على سيدنا محمد و على آله و صحبه و سلم
ــــــــــــــــــــــــــــــــــــــــــــــــــ ـــــــــــــــــــ
السلام عليكم و رحمة الله و بركاته
ــــــــــــــــــــــــــــــــــــــــــــــــــ ـــــــــــــــــ
أنا أضم صوتي لصوت د/ ندى ( شيكولاتة )
فعلا ((لولا التشجيع من الاعضاء المفقودين حاليا او دخولهم بقى نادر
مكنتش قدرت اكمل واكتب اكتر واكتر))
أنا من زمان مش كتبت قصائد لأني حتى بعد رجوعي للمنتدى عملت مشاركات و مواضيع كتيييير و لكن للأسف مفيش حد علق عليها أو اهتم بيها
أنا بصراحة حسيت فعلا أني محبطة و ان المنتدى ممل جدا و مش فيه تجديد زي الأول و دي مشكلة و حلها -من وجهة نظري- سهل ألا وهو الآتي :
- نرجع نضيف كومنتات على مواضيع قديمة كنا بنحبها على سبيل المثال : ( الأدوية شارك و أستفيد )
- بالنسبة للمنتدى الأدبي نحاول نقول آرائنا في القصائد من خلال نقد بناء...( و حتى لو فيه حد مش عاجبه القصيدة ينقدها و يقول مواطن الضعف فيها بأسلوب راقي لنتعلم من أخطائنا ) و في انتظار مجلة اشراقة العدد الثاني .
- بالنسبة للمنتدى الترفيهي كان فيه مواضيع جميلة جدا لازم نرجع نحييها من تاني.
و ده رأيي في هذا الموضوع و ياريت أسمع رأيكم و ياريت تضيفوا كومنت و لو بسيط على المواضيع القديمة
لازم نرجع المنتدى أفضل مما كان و ده مش صعب و
لا مستحيل
ــــــــــــــــــــ
أحبكم في الله
و السلام عليكم و رحمة الله وبركاته

[E.Raafat]

مسلسل رمضان " الهنوف حليوه " في المنتدى الأدبي ،،، تابعونا

[true_happiness]

بسم الله الرحمن الرحيم
و الصلاة و السلام على سيد المحبين و المحبوبين سيدنا محمد وعلى آله و صحبه أجمعين
السلام عليكم .. ازيكم يا دكاترة ؟
تابعوا ( خواطر زوجة ) على المنتدى الأدبي متجدد( بإذن الله ) و قولوا رأيكم بصراحة سواء أعجبتكم أم لم تعجبكم( الواحد مهما كان بيتعلم دايما من أخطائه )..
أتمنى أن تنال إعجابكم هي و باقي القصائد
و جزاكم الله خبرا
و السلام عليكم ورحمة الله و بركاته

[dina j]

اقتباس المشاركة الأصلية كتبت بواسطة Dr/HULK حاجة بجد تغيظ مش كده برده كام واحد فينا بيدخل المنتدى ويخرج من غير مايستفيد حاجة؟؟؟ دا غير ان معدتش فيه جديد كله ملل فى ملل لدرجة ان المنتدى اعضائه كتروا جدا عن الاول بقينا اكتر من 6000 عضو لكن فى نفس الوقت معدتش فيه مواضيع جديدة او شيقة زى الاول دا حتى المواضيع المنقولة بقت اقل من الاول واللى بيتنقل بيكون متكرر ياترى 6000 طالب من كلية صيدلة مفيش حد فيهم عنده القدرة على الابداع فى مواضيع ولا الحكاية انها كسل ولا الانشغال بالدراسة (طب حتى المحاضرات معدش حد بيرفع حاجة) دا موضوع للنقاش لو حد متفق معايا فى الرأى ده يتكلم بقى ونشوف نغير ازاى من الملل ده ولو حد معارض للقكرة يبقى المفروض عليه يكلمنا عن جديد المنتدى واخر المواضيع اللى قرأها وعجبته ونظرته للمنتدى يمكن فعلا تكون حاجات كتير مش واخدين بالنا منها

حدث بالفعل

المشكلة ان الواحد بقاله كتير مدخلش و معدش عارف من المواضيع غير قول كلمة و عبر عن حالتك !!!

[rose smile]

الملل دا احنا اللى خلقناه

[د///*مطحونة*\\\]

دة مش ملل
دة موت
لعن الله وسائل التواصل الحديثة
مالها المنتديات
و الله كانت أبسط و أهدى و أجمل
عالأقل الناس كانت بتسمع بعضها
مش زى دلوقتى
كلنا بنزعَّق فى وقت واحد و كلنا عاوزين اللى يسمعنا
~ـ ...

[A.Elrayes]

احنا اللي هجرناه... لانه كان واقعي وكل واحد فيه معروف فمش بيعرف يمثل براحته.....دايما احنا بندور علي الحياة الكدابه وبنسيب الحاجات الجميله تموت

[chocolata]

السلام عليكم ورحمه الله وبركاته
ازيك يا دكتور هالك
كل سنه وانتم طيبين وسنه سعيدة عليك وعلى كل الناس
انا متفقه معاك ان المنتدى بقى ممل جدا والواحد معدش بيدخل فعلا زى ماكان قبل التخرج
بس يمكن كمان أيام الكليه كان معانا نخبه كبيرة من اللى اسسوا المنتدى واللى دخلوا من دفعتى سواء كانوا ابداع او افاده او نقل اخبار الكليه
المنتدى كان يوميا بدخل عليه

بس بعد التخرج وبعد اختفاء شخصيات كانت بارزة على المنتدى اختفت في الحياة طبعا وزحمتها فبقى صعب انى ادخل وناادرا ما بدخل وانا شخصيا برده شبه بطلت كتابه .اكتر حاجه كنت بحب اعملها عل المنتدى انى ادخل وافتكر ذكريات العصر الدهبى للمنتدى (انا بحب اسميها كده بصراحه)

بس بالنسبه للخريجين مواضوع الدخول القليل متوقع لكن الطلبه هو دا فعلا اللى المفروض يبقى دخولهم اكتر وانتشار اخبار الكليه ونقل المحاضرات خاصه ضمن الدفعه الواحده لان كله بيبقى عارف بعض والمعلومات بتبقى مهمه للكل

بس دا المفروض يتقال للدفعات الموجوده حاليا
أتمنى ان المنتدى يرجع تانى زى الأول واحسن وكمان يبقى مرجع حتى لينا احنا كخريجين مش بس الطلبه
والجو يتحرك اكتر

مع تحياااااتى شيكو