استجوب وزيرة الصحة

[Dr/HULK]

هى فين الاسئلة؟؟؟؟

سؤال محيرنى وعاوز اعرف اى حل ليه

ايه اللى وزير الصحة ممكن يقدمه بخصوص الاستقبال فى المستشفيات

يعنى المستشفيات بتعمل حركة كده انها بتشغل الاستقبال يومين فى الاسبوع

ياترى ايه حل الحكاية دى وخصوصا انها لو متوزعة على كل المستشفيات هيبقى الضغط اقل سواء فى العدد او على الدكاترة اللى بيشتغل على 6 او 7 مرضى فى نفس الوقت؟؟

[dr/noony]

الف مبرووووووووووووووووووووك الوزارة يا محبة
ربنا معاكى فى مسئوليات الوزارة
والحمد لله ان انا مكسبتش والله حتى لو كان
الكلام على الورق بردوا بحس انها مسئولية
بس احلى حاجة فعلا فى الموضوع
اننا شغلنا دمغنا و حسينا اننا ممكن نفكر
ويخرج مننا حاجة تفيد الناس

[رحيق]

الف مليار مبروك لمعالى الوزيرة محبة رسول الله ونتمنى انك تكونى اد المسئولية وتعمليلنا وزارة صحة ممتازة

انا عندى سؤالين لمعالى الوزيرة
اولا ما شاء الله على الكلام الجميل دة والاجابات المقنعة بس بصراحة انا رايى انة تقليدى يعنى مافيش حاجة جديدة كلام مزين متعودين علية يعنى سؤالى اية اللى يميز وزارة حضرتك عن اى وزارة صحة تانية فى العالم تقدرى حضرتك تاخدى جانب من الجوانب اللى اقترحها عليكى الدكتور عطا الله فى الاول وتقوليلى انا هاعمل فية كذا ويكون لنا السبق فيهاوتقضى على المشكلة نهائيا بطريقة مبتكرة؟
ثانيا ودى حاجة خاصة بنا احنا طلبة صيدلة لية دايما منتظرين مننا الابداع بعد ما نخلص جامعة يعنى زى مافية مشروع تخرج فى هندسة وسنة امتياز فى طب واسنان لية ما يبقاش عندنا احنا كمان مشروع تخرج فى اخر سنة ويكون بحث يعملة كل طالب او مجموعة من الطلاب على دوا معين لاكتشاف معلومات جديدة عنة او اكتشاف دوا جديد حتى بمساعدة الدكاترة علشان لما اى فيروس جديد يظهر مش نستنى لما الفاكسين يعملوة برة ويدوهولنا عاوزة اعرف مقترحات حضرتك فى الموضوع دة واية اللى ممكن تعملوهولنا كطلبة بصفة عامة؟
وفى النهاية اتمنى ماكنش طولت على حضرتك وفى انتظار اجاباتك

[AbU ElKhAiR-Let`s Go]

الظاهر الوزيره هتهرب من أول يوم

وهتقعد فى المكتب وتشغل التكيف

واحنا نتبهدل زى ما احنا

[*محبة رسول الله*]

السلام عليكم
أسفه جدا على التأخير
بس كنت تعبانة شوية
ربنا يكرمكم

هل السمعه الحسنه مقياس كافى

لاختيار معاونين
أكيد مش مقياس كافى
قد تنبنى عليهم وعلى أدائهم نجاح خطتك من وجهة نظرك ؟؟؟
طبعا لأ وعشان كده قلت لحضرتك انى هعمل صناديق شكاوى وكمان هوفر وسائل الاتصال بالوزارة عشان اللى عنده مشكلة او شايف تقصير
وبفرض وجود عدد كبير من ذووى السمعه الحسنه ؟؟؟؟؟؟
اكبر من العدد المطلوب كيف ستفاضلين بينهم ؟؟؟
يا دكتور طبعا مش هاخد الناس كلها مراقبين ولكن الأفضل هو الأولى وأكيد هيبقى فيه أفضلية
وأى المعاير سيكون لها الأولويه ؟؟؟؟

وهل الغرامه الماليه كافيه للردع ؟؟؟؟؟؟؟
أكيد أيوه
خصوصا لما يكون المبلغ كبير
ولو اتكررت مرة تانية فمفيش حل الا انى أقعده فى بيته بقى
وهل ترين أن هناك مجال للرحمه مع من يخطئون فى هذا المجال الذى قال عنه د/باهر أن الرحمه ؟؟؟؟؟؟
طبعا لازم ندى فرصة وبعد كده خلاص

وبما أنك قلت انك ستزيدى الرقابه على المستشفيات

فهل ترين أن عدد المستشفيات الموجوده حالى كافى ؟
عشان كده قلت انى هزود عدد المستشفيات خصوصا المجانية
ومن وجهة نظرك ما الشئ الذى ينقصها وله الأولويه ؟؟؟
ينقصها طبعا الضمير أولا
كمان ينقصها الرعاية وتوفير الراحة للمرضى
والتقصير من جهة بعض الأطباء والممرضيين
ينقصها أحيانا أجهزة معينة وأدوية كمان
وسوف تبذلين قصارى جهدك للتخلص منه
وما هى قصارى جهدك بالنسبه لك ؟؟؟؟؟؟؟؟؟؟
بالنسبة للضمير طبعا مش هعرف احل المشكلة ولكن ممكن طبعا ازود المرتبات للأطباء والممرضات وأعين مكافآت للأطباء المهرة واللى بتتمتع بسمعة كويسه

كمان أمدها بالأجهزة الناقصة واللى المفروض تكون موجوده
هشرف علي عينات عشوائية منها وأشوف فيه تطبيق ولا لأ
وهل لديك خطط ووسائل جديده للتعامل مع المستشفيات ؟؟
والله زى ما قلت قبل كده
كمان الاهتمام بالنظافه ده حاجة مهمة جدا للأسف مش واخدين بالنا منها
ممكن كمان أوفر عدد من الأطباء النفسيين فى المستشفيات المتخصصة وغيرها بحيث برده ده ممكن يساعد المريض فى تخطى المرض

نكمل بعد الاجابه
ان شاء الله

هى فين الاسئلة؟؟؟؟

سؤال محيرنى وعاوز اعرف اى حل ليه

ايه اللى وزير الصحة ممكن يقدمه بخصوص الاستقبال فى المستشفيات

يعنى المستشفيات بتعمل حركة كده انها بتشغل الاستقبال يومين فى الاسبوع

ياترى ايه حل الحكاية دى وخصوصا انها لو متوزعة على كل المستشفيات هيبقى الضغط اقل سواء فى العدد او على الدكاترة اللى بيشتغل على 6 او 7 مرضى فى نفس الوقت؟؟
فعلا مشكلة محتاجة لحل
الاستقبال ده ممكن ينقذ حياة انسان وممكن يضيع حياة واحد تانى

وهى أول نقطة يتعامل معها المريض عند دخوله المستشفى
ودى ممكن نحلها كده:* العمل على تطوير وتحديث اقسام الاستقبال والطوارئ في المستشفيات القائمة والتوسع في انشاء مستشفيات الطوارئ ومراكز الاغاثة على الطرق على ان تعمل على مدار 24 ساعة يوميا، واعتماد انماط محددة ومعدلات لتجهيز هذه الاقسام والمستشفيات.
* اعداد خريطة مواقع الاسعاف واستقبال الطوارئ في كل محافظة، وعلى جميع الطرق لتوضيح الخدمات الاسعافية المتاحة، وامكانية الاستفادة القصوى منها، وتحديد الاماكن التي تحتاج الى توفير هذه الخدمات مثل المناطق العشوائية والمدن الجديدة، ودراسة المسافات المثلى بين نقاط الاسعاف على اساس طبي وعملي مدروس لتفعيل دور هذه المراكز، وعلى اساس هذه الدراسة يمكن تقديم توصيات بالتوسع في انشاء المواقع الاسعافية وكذلك تطوير نمط هذه المواقع بما يحقق الهدف منها في تقديم خدمة طبية متكاملة وعاجلة لإنقاذ حياة مصابي حوادث الطرق السريعة ولتأمين وزيادة جودة الخدمات الاسعافية.

الف مبرووووووووووووووووووووك الوزارة يا محبة
ربنا معاكى فى مسئوليات الوزارة
والحمد لله ان انا مكسبتش والله حتى لو كان
الكلام على الورق بردوا بحس انها مسئولية
بس احلى حاجة فعلا فى الموضوع
اننا شغلنا دمغنا و حسينا اننا ممكن نفكر
ويخرج مننا حاجة تفيد الناس

الله يبارك فى حضرتك يا دكتورة
فعلا هى مسؤلية ربنا يقدرنى ويعنى عليها ان شاء الله

الف مليار مبروك لمعالى الوزيرة محبة رسول الله ونتمنى انك تكونى اد المسئولية وتعمليلنا وزارة صحة ممتازة

انا عندى سؤالين لمعالى الوزيرة
اولا ما شاء الله على الكلام الجميل دة والاجابات المقنعة بس بصراحة انا رايى انة تقليدى يعنى مافيش حاجة جديدة كلام مزين متعودين علية يعنى سؤالى اية اللى يميز وزارة حضرتك عن اى وزارة صحة تانية فى العالم تقدرى حضرتك تاخدى جانب من الجوانب اللى اقترحها عليكى الدكتور عطا الله فى الاول وتقوليلى انا هاعمل فية كذا ويكون لنا السبق فيهاوتقضى على المشكلة نهائيا بطريقة مبتكرة؟
ثانيا ودى حاجة خاصة بنا احنا طلبة صيدلة لية دايما منتظرين مننا الابداع بعد ما نخلص جامعة يعنى زى مافية مشروع تخرج فى هندسة وسنة امتياز فى طب واسنان لية ما يبقاش عندنا احنا كمان مشروع تخرج فى اخر سنة ويكون بحث يعملة كل طالب او مجموعة من الطلاب على دوا معين لاكتشاف معلومات جديدة عنة او اكتشاف دوا جديد حتى بمساعدة الدكاترة علشان لما اى فيروس جديد يظهر مش نستنى لما الفاكسين يعملوة برة ويدوهولنا عاوزة اعرف مقترحات حضرتك فى الموضوع دة واية اللى ممكن تعملوهولنا كطلبة بصفة عامة؟
وفى النهاية اتمنى ماكنش طولت على حضرتك وفى انتظار اجاباتك

معلش يا رحيق هجاوب عليكى بكرة ان شاء الله
ربنا ييسر

انا اساس مقراتش الاسئلة لسه

الظاهر الوزيره هتهرب من أول يوم

وهتقعد فى المكتب وتشغل التكيف

واحنا نتبهدل زى ما احنا

لا والله انا مش بهرب
بس فعلا كنت تعبانه

[AbU ElKhAiR-Let`s Go]

لا والله انا مش بهرب
بس فعلا كنت تعبانه

[/CENTER]

ألف سلامه على حضرتك يا دكتوره

وربنا يشفيك ويرجعك لينا بالسلامه فى أقرب وقت

بس هى الوزاره وشها وحش أوى كده

ربنا يشفيك ويعافيك يا دكتوره



بس طبعا هكمل الأسئله برضه
أيوه

[omima ramadan]

مبروك الوزارة يا معالي الوزيرة
وألف سلامة عليكي

أسئلتي هي :

ايه اللي هتعمليه عشان تبقي متأكدة من ان التقارير اللي هتوصلك عن الوضع الصحي في مصر سليمة؟
و هل بتفكري يكون فيه رابط مباشر بينك وبين الاطباء والصيادلة والممرضين وحتي المرضى؟ وازاي؟
و هل أنت مقتنعة بنظم التأمين الصحية الحالية؟ ولو هتتطورها هيكون ازاي؟
التكليف الحكومي للأطباء والصيالة الحالي ايه نظرتك له؟ وايه مقترحاتك لتطويره؟
ازاي هتقدري تزيدي الدعم المالي للوزارة؟

كفاية كده الوقتي وربنا يعينك

[*محبة رسول الله*]

الف مليار مبروك لمعالى الوزيرة محبة رسول الله

الله يبارك فيكى يا رحيق
ونتمنى انك تكونى اد المسئولية وتعمليلنا وزارة صحة ممتازة

انا عندى سؤالين لمعالى الوزيرة
اولا ما شاء الله على الكلام الجميل دة والاجابات المقنعة بس بصراحة انا رايى انة تقليدى يعنى مافيش حاجة جديدة كلام مزين متعودين علية يعنى سؤالى اية اللى يميز وزارة حضرتك عن اى وزارة صحة تانية فى العالم تقدرى حضرتك تاخدى جانب من الجوانب اللى اقترحها عليكى الدكتور عطا الله فى الاول وتقوليلى انا هاعمل فية كذا ويكون لنا السبق فيهاوتقضى على المشكلة نهائيا بطريقة مبتكرة؟
طبعا اتكلمت قبل كده فى مشكلة رغيف العيش
بس ممكن الحاجة اللى ان شاء الله من خلالها نقدر نطور الحالة الصحية او نحاول يكون لنا السبق فيها هى وجود بيئة صحية
أولا انا عندى عوامل متعددة بتؤدى الى تلوث البيئة وهى:

عوامل بيويوجيةبكتيريا ,فطريات,طفيليات....الخ)
فيزيائيةزى التلوث الصوتى,الضوئى )
كيميائيةعوادم السيارات ,مبيدات الحشرات,....)

بالنسبة للبكيتريا والفطريات والطفيليات وما شابهها فدى مسؤلية كل فرد فى الشعب
يعنى مثلا دورى أنا كوزارة انى أزود الاعلانات اللى تحفز المواطنين على النظافة الشخصية ونظافة المنزل والأطفال وعدم أكل الأطعمة من الباعة المتجولين واستخدام سوائل الاغتسال المطهرة .....

والتلوث الصوتى والضوئى فلابد من فرض غرامة على كل من استعمل مكبرات الصوت
والتوعية بتنظيم حملات لرفع وعى المجتمع حول أضرار الضوضاء

أما بالنسبة للتخلص تلوث الهواء أو تقليل نسبته فده يبقى من خلال غرس الأشجار بكميات كبيرة خصوصا فى الأماكن المزدحمة بالسيارات

وبناء المصانع بعيدا عن المناطق السكنية
وكمان نحافظ على المياه نظيفه من خلال فحصها بصورة دورية وممكن استخدام مواد تانية أفضل من الكلور للتنقية زى الأوزون مثلا........
ونحرص برده على وجود الفلاتر فى المنازل من خلال التوعية بالأمراض المتعلقة بالمياة الملوثة........

وده طبعا مش هيتم الا من خلال التعاون مع وزرارت تانية
***

ثانيا ودى حاجة خاصة بنا احنا طلبة صيدلة لية دايما منتظرين مننا الابداع بعد ما نخلص جامعة يعنى زى مافية مشروع تخرج فى هندسة وسنة امتياز فى طب واسنان لية ما يبقاش عندنا احنا كمان مشروع تخرج فى اخر سنة ويكون بحث يعملة كل طالب او مجموعة من الطلاب على دوا معين لاكتشاف معلومات جديدة عنة او اكتشاف دوا جديد حتى بمساعدة الدكاترة علشان لما اى فيروس جديد يظهر مش نستنى لما الفاكسين يعملوة برة ويدوهولنا عاوزة اعرف مقترحات حضرتك فى الموضوع دة واية اللى ممكن تعملوهولنا كطلبة بصفة عامة؟

شوفى يا رحيق احنا حاليا مبنعملش كده لأن معندناش ميزانية كافيه لشراء المواد اللى تهمنا مثلا فى صيدلة لإجراء بحوث عليها زى ما بتقولى
انتى بتشوفى السامبل اللى بناخدها بتبقى أد ايه

بس ان شاء الله نحاول نشوف الموضوع ده
ونعمل ميزانية للحصول على المواد الكيميائية وأى مواد تانية تحتاجها الكليات العلمية
بس أنا شايفه انه عندنا الصفوة من الطلبة وهم أوائل الدفعه اللى بيتعينوا وبيسافروا بره وبتكون الحاجات دى متاحة ليهم بعد كده ويقدروا يعملوا عليها أبحاث كل واحد فى مجاله وربنا يوفقهم ن شاء الله وهما اللى يبتكروا بقى

ماهو مش معقول هوفر الجو المناسب لألف طالب للابتكار .......
وفى النهاية اتمنى ماكنش طولت على حضرتك وفى انتظار اجاباتك

لأ أنا تحت أمرك

مبروك الوزارة يا معالي الوزيرة
وألف سلامة عليكي
الله يبارك فى حضرتك يا دكتورة
وربنا يسلمك يا رب

أسئلتي هي :

ايه اللي هتعمليه عشان تبقي متأكدة من ان التقارير اللي هتوصلك عن الوضع الصحي في مصر سليمة؟

أنا قلت انى مش هكتفى بالتقارير دى ولكن هتأكد من خلال اشرافى على عينة من المستشفيات والقطاعات دى وهشوف هل التعليمات بتنفذ ولا لأ

كمان قلنا اننا هنعمل صناديق شكاوى فى كل قطاع وهنوفر وسائل اتصال بالوزراة على أساس كل اللى شايف مشكلة يقول واحنا نتصرف ان شاء الله ونحاول نعالج الخلل
و هل بتفكري يكون فيه رابط مباشر بينك وبين الاطباء والصيادلة والممرضين وحتي المرضى؟ وازاي؟

أكيد طبعا من خلال موقع وزارة الصحة واللى المفروض انى هتواجد عليه بصفة مستمرة اقدر اتواصل مع الأطباء والصيادلة
ومن خلال برده زيارتى لبعض المستشفيات اللى هتخلينى على اتصال بأطبائها ومرضاها وطبعا صندوق الشكاوى الموجود فى كل مستشفى
وتواجدى فى برنامج تليفزيونى يعنى مرتين أو تلاته كل شهر واتاحة الاتصال للجماهير وعرض مشاكلهم
و هل أنت مقتنعة بنظم التأمين الصحية الحالية؟ ولو هتتطورها هيكون ازاي؟

أكيد لأ
عان كده لازم يكون فيه تأمين صحى لكل مواطن بصرف النظر عن حالته المادية مع وجود صناديق تبرعات ممن لديهم القدرة
التكليف الحكومي للأطباء والصيالة الحالي ايه نظرتك له؟ وايه مقترحاتك لتطويره؟

دلوقتى الوزارة مش عارفه بتعمل التكليف ده على أساس ايه
بس طلعا مش عاجينى

فبقدر الإمكان ان شاء الله أحاول كل وحد يجيله تكليفه فى المدينه بتاعته أو المدينة الأقرب لبلدته
ولازم أزود المرتب الأساسى للأطباء والصيادلة
على أساس انى بسمع دلوقتى ناس كتير قوى خصوصا الصيادلة بيخدوا أجازات تحسين مرتب
حاجة تكسف يعنى
ازاي هتقدري تزيدي الدعم المالي للوزارة؟

من خلال فتح باب التبرعات من رجال الأعمال والمؤسسات
وأكيد ساويرس مش هسيبنا


كفاية كده الوقتي وربنا يعينك

حسه انى مديتكيش حقك فى الرد بس ان شاء الله هرجع تانى

شكرا للمرور

[AbU ElKhAiR-Let`s Go]

أكمل أنا بأه


وهسأل سؤالين بسرعه كده وأكمل بعدين ان شاء الله

1-ما رأيك فى مستفيات طب الأسره ؟؟؟
هل تقوم بدورها على أكمل وجه ؟؟؟
أم تحتاج الى اعاده هيكله ؟؟؟؟؟
وكيف يتثنى للمجتمع أن يستفيد الاستفاده القصوى منها؟؟؟؟؟

2-ما رأيك فى المستشفيات المتخصصه ؟؟؟
وكذلك كيف يمكن للمجتمع الاستفاده القصوى منها؟؟؟

3-وما هى خطتك حيال المستشفيات الخاصه ؟؟؟؟

4-وكذلك رأيك فى الأقسام المدفوعة الأجر داخل المستشفيات الحكوميه ؟؟؟؟؟؟؟

ان شاء الله هكمل بعدين لأنى لازم أنام ....

[*محبة رسول الله*]

أكمل أنا بأه

وهسأل سؤالين بسرعه كده وأكمل بعدين ان شاء الله

1-ما رأيك فى مستفيات طب الأسره ؟؟؟
طبعا زى غيرها بمعنى انها عاوزة تطوير
هل تقوم بدورها على أكمل وجه ؟؟؟
لأ
أم تحتاج الى اعاده هيكله ؟؟؟؟؟
أكيد
وكيف يتثنى للمجتمع أن يستفيد الاستفاده القصوى منها؟؟؟؟؟
ان شاء الله بعد تطويرها الكل هيستفيد والتطوير ده هيبقى من خلال:

1. تطوير القوى العامله في مجال طب الاسره والمجتمع والسعي لاعطائهم الاستقلاليه وامكانية التعاقد معهم لتقديم الخدمه بدل من عملهم كموظفين. لأن طبعا الأطباء اللى بيعملوا فى التخصص ده وهو مش تخصص أصلا كل شغلهم كتابة مش أكتر
2. التوسيع ودعم برامج التدريب لطب الاسره والمجتمع للتمكن من التمشي مع الحاجه الكبيره لاطباء الاسره والمجتمع
3. دراسة توفير بعض الحوافز الماديه والمعنويه اافريق الصحي في المراكز الرعايه الصحيه الاوليه وخاصه النائيه منها
4. لازم كمان أخلى طب الأسرة ده تخصص أو انه الأطباء يعنى ممكن يعملوا فيه ماستر مثلا
5. أخلى الطبيب على دراية والمام بما يخص طب الأسرة من معلومات عن طريق الاهتمام بيها فى الدراسة

2-ما رأيك فى المستشفيات المتخصصه ؟؟؟
طبعا كويسه
يعنى فى نظام أكتر
وكذلك كيف يمكن للمجتمع الاستفاده القصوى منها؟؟؟
أنا بفكر ألغى المستشفيات التانية دى
وأخليها كلها متخصصة
اعتقد ده أحسن بس ده طبعا بعد ما أخد موافقة الأعضاء اللى مش عاوزين ييجوا دول
هنهتم بيها اكتر بالطريقه دى
واللى عنده مرض يبقى عارف هو رايح فبن
يعنى مش كل شوية روح هنا وتعالى من هنا لما بيموت فى السكة
وهفتح باب التبرعات طبعا
وهوفر فيها كل الأجهزة والأدوية اللازمة عشان المرض ده

3-وما هى خطتك حيال المستشفيات الخاصه ؟؟؟؟
مالها المستشفيات الخاصة
كويسة وبتساعد الحكومة
بس أكيد هيبقى فيه بعض التعليقات عليها
وممكن نزود الضرايب حبتين ونخصص جزء منها للمستشفيات الحكومية
وأكيد هيبقى فيه رقابة عليها زى المستشفيات الحكومية

4-وكذلك رأيك فى الأقسام المدفوعة الأجر داخل المستشفيات الحكوميه ؟؟؟؟؟؟؟
طبعا كل ده هيتلغى دى مستشفى حكومية يعنى تدفع التذكرة وتدخل تعمل اللى انت عاوزه

وهتفرض عقوبات على أى حد يعمل كده

ان شاء الله هكمل بعدين لأنى لازم أنام ....

منتظرة ان شاء الله