ليه لأ ؟؟؟؟

[Mohamed Al Gohary]

في البداية لازم أشكر أستاذنا الفاضل الأستاذ الدكتور عطالله فؤاد .. على كل حاجه ..

على مجهوده فى الكليه .. على تواصله الدائم مع كل طالب .. على افكاره ومبتكراته فى العمليه التعليميه .. على حرصه على تطوير كل ما يملك تطويره .. على سعيه الدائم نحو الأفضل في كل شيء .. واخيرا والأهم حرصه على مصلحة كل طالب ..


فى الحقيقه .. انا عندي سؤال .. ليه مبيتمش تطبيق برامج التدريب اللى قام بتقديمها دكتور عطالله على كل الطلاب ..

فى اجتماع الطلاب مع لجنة التطوير اللى كانت فى الكليه الاسبوع ده .. كان كل ما يسالوا عن التدريب ويسالوا عن حاجه حديثه فيه هل موجوده ولا لأ .. الطلبه ترد دكتور عطالله بيعمل كده .. طيب هل فيه امتحان ؟؟ دكتور عطالله بيعمل كده .. هل فيه بحث وتقديم له ؟؟ دكتور عطالله بيعمل كده ؟؟ طيب هل فيه تصميم وبناء أدوية او محاوله لكده ؟؟ دكتور عطالله بيعمل كده ..

لدرجة ان عميد كلية صيدلة طنطا .. قال واضح ان مفيش غير دكتور عطالله فى الكليه ..


فانا من هنا بوجه ندائي للأستاذ الدكتور محمود بكر عميد الكليه .. والاستاذ الدكتور حسن الكاشف وكيل الكليه لشئون التعليم والطلاب ..

ان يتم تطبيق هذه البرامج على جميع طلبة الكليه .. ممكن يحق لهم التدريب الصيفي ..

[pharmacistina]

و أنا كمان بطلب زي حضرتك ..

ليه التدريب الصيفي عند كل الأساتذة ماياخدش جدية و شغل زي اللي عند دكتور عطا الله ..

بس المشكلة ان في بعض الأساتذة أصلا ( و أنا و الله مش عايزة أقول كدة ) مش عايز يهتم بالطلاب , و معتبر التدريب الصيفي دة حاجة ملهاش أي جدية ..
و كذلك الطلبة فيهم اللي مش عايز ينزل الصيدلي ولا عايز يتدرب أصلا ..

و لأن دكتور عطا الله أستاذ مميز و احنا متعودين منه على العطاء و انه يعلمنا كل شيء , فهو دة التدريب الصيفي عند د- عطا الله ..

فالموضوع بايد الأساتذة أولا ثم الطلبة انهم يستجيبوا ..

شكرا لطرح الموضوع الهام ..

[impossible]

انا كمان معاكم
مش عايزه اقول اني بحسد الطلبه اللي تدريبهم بيكون عند د/ عطا الله لكن فعلا اتمنيت اني تدريبي يكون معاه
برامج التدريب جميله جدا وممتعه
المفروض كلنا يبقى لينا فرصة
شكر كبييييير لد/عطا الله

[Dr/HULK]

بجد عندك حق فى دى

الموضوع فعلا سهل جدا

فيها ايه لما كل دتور يجتمع مع الطلبة اللى عنده يوم واحد فى الاسبوع

بيتهيألى مش هيأثر معاه فى حاجة وبالعكس دا هيفرق مع الطلبة كتييييييييييييييييييييييييييييييييييييييير

انا عن نفسى اول مرة فى حياتى اتكلم مع دكتور وجها لوجه كده كان هو دكتور عطاالله

وبجد كان فيه حاجات لما تعرف وجهة نظر الدكتور فيها بتفرق معاك لانه بيكون شخص فاهم هو بيقول ايه

مش زينا بنتكلم وخلاص

بجد الواحد سعيد بان المشرف عليه هو دكتور مجتهد

بيشجع الواحد على البحث وانتقاء المعلومة واللى عمرى ماكنت افكر انى اعملهم فى الصيف

بجد حاجة جميلة جدا

ربنا يجازيه عن جهده كل خير

[pharma princiss]

وانا كمان بضم صوتى ليك يا د/جوهرى وانت يامنى و نفسى فعلا ان د/محمود ود/حسن يحققوا الامنيه دى
بس لاسف انا ماتوقعش بسبب الامكانيات والمعامل والكلام اللى كلنا عارفينه الللى بيخلينا ناخد معمل اسبوع واسبوع
بس اكيد ان شاء الله دى هاتكون مرحله مهمه جدا من مراحل التطوير عندنا فى الكليه اللى لو انجزناها هانكون قطعنا مسافه كبيره
لان زى ماللجنه قالت لازم نوصل لمستوى عداله100% وده ماينفعش ود/عطا الله بس اللى بيساعدنا فى التدريب الصيفى بالشكل العبقرى ده
على العموم بالتوفيق للفكره وباذن الله تتنفذ
على فكره انا عند د/عطالله فى التدريب

[Dr. Atallah F. Ahmed]

في البداية لازم أشكر أستاذنا الفاضل الأستاذ الدكتور عطالله فؤاد .. على كل حاجه ..

على مجهوده فى الكليه .. على تواصله الدائم مع كل طالب .. على افكاره ومبتكراته فى العمليه التعليميه .. على حرصه على تطوير كل ما يملك تطويره .. على سعيه الدائم نحو الأفضل في كل شيء .. واخيرا والأهم حرصه على مصلحة كل طالب ..


فى الحقيقه .. انا عندي سؤال .. ليه مبيتمش تطبيق برامج التدريب اللى قام بتقديمها دكتور عطالله على كل الطلاب ..

فى اجتماع الطلاب مع لجنة التطوير اللى كانت فى الكليه الاسبوع ده .. كان كل ما يسالوا عن التدريب ويسالوا عن حاجه حديثه فيه هل موجوده ولا لأ .. الطلبه ترد دكتور عطالله بيعمل كده .. طيب هل فيه امتحان ؟؟ دكتور عطالله بيعمل كده .. هل فيه بحث وتقديم له ؟؟ دكتور عطالله بيعمل كده ؟؟ طيب هل فيه تصميم وبناء أدوية او محاوله لكده ؟؟ دكتور عطالله بيعمل كده ..

لدرجة ان عميد كلية صيدلة طنطا .. قال واضح ان مفيش غير دكتور عطالله فى الكليه ..


فانا من هنا بوجه ندائي للأستاذ الدكتور محمود بكر عميد الكليه .. والاستاذ الدكتور حسن الكاشف وكيل الكليه لشئون التعليم والطلاب ..

ان يتم تطبيق هذه البرامج على جميع طلبة الكليه .. ممكن يحق لهم التدريب الصيفي ..

اكرمك الله يا جوهرى و اشكركم يا فارماسيستينا و يا هولك و يا فارما برنسيس و يا إمبوسيبل على تشجيعكم و تحمسكم. اود فقط ان ابين لأحبابنا الطلاب ان هذا واجبى فيما املك تقديمه لكم و هذا حقكم فىما تبتغونه من تعلم و تدرب, و الله المستعان.يسعدنى كثيرا ان تتعلموا و ادعو الله ان يتقبل هذا العمل خالصا. بالطبع لاتكفينى الدنيا سعادة ان تنتشر مثل تلك الممارسات و تأخذ بعدها الرسمى فى الكلية و لكنى اقدر فى نفس الوقت ان هذا مرهون بعوامل كثيرة تحتاج وقت لجعلها نمط ممنهج لصالح تخريج صيادلة متميزين تدربوا مهنيا و بإحتراف على كل المستويات و فى معظم الإتجاهات المرتبطة بالمهنة.
افضل ما تفعلونه ان تدعو لى بظهر الغيب فأنا من أشد الناس إحتياجا لذلك.
مع تحياتى

[Mohamed Al Gohary]

اكيد لا نملك سوى الدعاء لحضرتك يا دكتور .. ولكن حان الوقت .. ان يتم تطوير التدريب الصيفي الذى ظل كما هو منذ عدة سنوات ..

افتكر ان من ضمن الدكاتره اللى كانوا موجودين ضمن اللجنه .. قال كده دكتور عطالله هو اللى هياخد الاعتماد مش الكليه