السلام عليكم
شكرا ليك دكتور سامح عشان حطيت ايدك على نقطه كل الناس بتتكلم فيها
واللى بتخليهم متخوفين كتير من حكم الاخوان والاسوا السلفييين
انا معارضه طبعا للقرار دا
لانى هاحس انى حريتى الشخصيه مقيدة تماما
وطالما بدات باللبس انا متاكده انها هتشمل امور اخرى
انا مش معترضه على اللبس الشرعى ابدا
لكن انا مؤمنه انى لازم ارتديه عن رغبه حقيقيه مش اجبار من اى شخص ايا كان
وخاصه لو حد لا يمت لى باى صله ابداااااااا
زى حاكم اوى
مش معقول الاقى واحد موقفنى فى الشارع وقالى هتعملى كذا والا هتتعاقبى
النقاب مهواش فرض على الفتيات ارتدائه
هو زيادة فى الالتزام مش اكتر وهو منتشر بالغعل بس كل اللى لابساه
لابساه عن اقتناع ورغبه بدون اجبار
لكن انا دينى دين سماحه ويسر ودين اختيار مش اجبار بالقوة لما انت تعمل كده
تفتكر انا هحس بايه ؟؟؟؟؟
انا مش عاوزة حاجه زى دى تفرضها عليا لمجرد انى اخترتك تنظم امور البلد او تساهم فيها
تقوم تركز انت فى الدين وبس
الاعتدال والوسطيه فى كل شىء دا اللى طمعت انه يكون موجود عند الاخوان بما ان لهم تاريخ كبير فى الظلم والكفاح
تماما فى ملابس مستفزة جدا وبنات كذلك لكن مش دا هيكون الحل لذلك ابدا
ارجو انه ميكونش هو دا الامر اللى هيركز عليه الاخوان وبس
لان ناس كتير متامله خير فيهم مش من الناحيه دى بس معتمدين على انهم ناس ملتزمه اه متدينه لكن مش متذمته ومجبرة
ومبقولش حريه شخصيه يبقى على البحرى
فى حدود لدى كمان طالما بتضر الغير او بتثير انقلابات او تخريب او اضرار بالاخرين او المنشاات