المشاركة الأصلية كتبت بواسطة ~AnaLgEs!A~
المشكلة يا دكتور فى الكسل
انا مانزليش معاد و رحت الكلية و لقيت كل الورق فى السكرتارية و الدكتورة مش موجودة
أخدت تليفونها و اتصلت بيها
مش هسيب نفسى كدة يعنى
هيا الدكتورة مش مهتمية خالص و لا اتصلت بيا فى الصيدلية و لا اى حاجة من دى
بس لما كلمتها انا ..... كلمتنى بكل ترحيب و شرحت لى كل اللى كنت عاوزاة
و فعلا عرفت كل المطلوب من بحثى
يعنى المفروض لو لقينا الدكتور مش مهتم أد كدة ... نهتم احنا
النهاردة بقى عرفت معلومة اتصدمت لما عرفتها
ان المكتبات دلوقتى بتعمل الابحاث دى
بس تديلة الفلوس و يديك البحث و كلة تمام
المكتبات عملت بدلنا كل حاجة
ناقص بس تيجى تمتحن بدالنا
يبقى 3/4 المشكلة فى الطالب نفسة
جزاكم الله خيرا على المشاركة
هو يادكتور احنا قلنا فعلا ان الطالب يتحمل جزء من المسئولية
وده شيء طبيعى لكن حضرتك ادخل على موضوع الأبحاث وشوف كم الأبحاث
اللى اصحابها مش عارفين البحث عايز ايه
ماعتقدش ان تليفون واحد كافى ان الواحد يستوعب المطلوب منه
فى التدريب بشكل عام
و
بمناسبة ابحاث المكتبات فانا احذر اى طالب
من شرائها وتقديمها على اساس انها بحثه
لأن هذا غش واضح
ومن غشنا فليس منا
المشاركة الأصلية كتبت بواسطة dr moory
اولا بشكر حضرتك يا دكتور على الموضوع المهم اللى حضرتك طرحته.
يعنى أنا مثلا فى تانية وده أول تدريب لينا السنة دى كنت مع دكتورة منزلتش معاد للاجتماع ورحت الكلية مكنتش موجودة ولا كانت سايبة الورق مع اى حد
بس خدت رقم تليفونها وكلمتها وقالتلى هسيب الورق فى السكرتارية
من غير ما عرفتنى اعمل ايه ولا اعمل البحث ازاى ولا اى حاجة
بس أكيد هى لو بتعمل اجتماعات كنت هروح علشان استفيد بس انا لوحدى حاليا مين هيعرفنى اول الطريق.
اكيد هدور على البحث فى النت لانه المصدر الوحيد اللى عندى
فعلا يادكتورة كلامك
مظبوط
وكثير من الطلاب بيفتقدوا دور المشرف
بل بيهملوا فى تدريبهم وعمل البحث
بتاعهم نتيجة شعورهم بعدم الأهتمام واختفاء الدور الرقابى لمشرفهم
على الرغم من ان دى مش حجة
لأن فى النهاية التدريب ده من اجل الطالب نفسه.
جزاكم الله خيرا على الرد واتمنى ان اساتذتنا الأفاضل
يعرفوا قد ايه دورهم مهم
فى حياة طلابهم
المشاركة الأصلية كتبت بواسطة dr.m.s
والله العظيم المشروع اللي الدكتور عطالله كان عامله السنه اللي فاتت احسن حاجه شفتها في الكليه لحد الوقتي واتمنيت اكون عنده السنه دي من ساعة ماشفت صوره في المعمل مع الطلبه وكلامه معاهم وانهم مش بيعملوا البحث وخلاص لا دول كانوا بيشرحوه ويقدموه بشكل جميل ....والله لو نظام الابحاث كده في الكليه ومش بس في الاجازه لأ يبقي فيه بحث طول السنه وبرده مع المشرف اللي عليا هاتبقي حاجه جميله اوووووي ووالله الكل هايبقي مبسوط منها او علي الاقل نسبه كبيره......ونحس بجد اننا بنعمل حاجه كويسه .....
لسه ماعرفتش البحث ولا قابلت الدكتوره لاني رحتلها مره ومالقتهاش وكمان ماحدش رضي يديني رقم التليفون .... ورايحلها بكره ... يارب بقي الاقيها واعرف منها البحث وتتكلم معايا ......
سلاماتي ليك دكتور عبد الله
ربنا يوفقنا كلنا يارب
اذيك يادكتور محمود
جزاكم الله خيرا
المشروع بتاع دكتور عطا الله
كان حاجة جميلة جدا
كان فى نشاط والواحد كان مبسوط وهو بيشتغل
وكنت اتمنى ان التجربة دى تتكرر تانى بس
للأسف محصلش نصيب
وان شاء الله تلاقى المشرفة بتاعتك
وتتواصل معاك وتستفيد من فترة التدريب دى كويس
المشاركة الأصلية كتبت بواسطة Dr/HULK
اما نتقابل نبقى نتكلم تانى
عايز ايه ياخلاف
انت ناوى على ابه
لأ خذ بالك
انت عارف مشرفى مين بالظبط
حاجة مفيش بعد كده بعنى..
المشاركة الأصلية كتبت بواسطة noor
تمام كلام حضرتك مظبوط
فعلا احنا تايهين جدا فـ حكاية البحث ده
حتى لما رحنا للدكتوره ما ملقنهاش
بس لقينا ورق البحث ف السكرتاريا
بس لا شفناها ولا عرفنا هى عايزه مننا ايه بالظبط
وفهمنا موضوع البحث غلط خالص
ولما واحده صاحبتى اتصلت بيها لقناها عايزه حاجه تانيه غير الى كنا فاكرنها
وبرده مقلتش يتعمل ازاى
ياريت بجد الدكاتره تهتم شويه بموضوع البحث ده
انا كنت فاكره والله اننا هنكتبه بخط ايدينا وكده طلع ورق مصور ع الكمبيوتر
شكرا جزيلا د.عبد الله على اثارة الموضوع المهم ده
سعيد جدا لمشاركة حضرتك يادكتورة..
اللى جسدت النتائج السيئة لعدم اهتمام
اعضاء هيئة التدريس بالتدريب الصيفى
الأمر الأكثر اهمية من البحث
هو تواصل المشرف مع الطالب ومدير المؤسسة التى يتدرب بها
ليحرص على حصول الطالب على المعلومات الأساسية
والحدود الدنيا من اهداف التدريب
اتمنى من ادارة الكلية انها تسمع صوت الطلبة الى عبر
عن عدم رضاهم وحزنهم على مستوى التدريب الصيفى
وخصوصا انه جاء متفق مع التوصيات التى ذكرتها لجنة الأعتماد
فى الزيارة الأستطلاعية
اقتباس
من التقرير
ص49
فى النسخة المطبوعة
و51 فى النسخة الألكترونية
المقطع الأخير
"البرنامج التدريبى للطلاب ثابت وغير متنوع ويعتمد بصورة اساسية على
التدريب فى الصيدليات الأهلية ولايوجد اتصال فعال بين مشرف الكلية وجهات التدريب"
اريد ايضا ان القى الضوء على نقطة هامة
بالنسبة للطلاب الذين قاموا بمقابلة مشرفيهم واخذوا موضوع البحث
لماذا لم يقوموا بمناقشة مشرفيهم
ولماذ لم يعلنوا عدم فهمهم لموضوع البحث او طريقة كتابة المقال العلمى
سعيد جدا بمشاركات الأعضاء وتفاعلهم مع الموضوع
وفى انتظار عدد اكبر من الأعضاء ليقوموا بالتصويت فى الأستفتاء المرفق
وايضا التعبير عن ارائهم ان شاءوا خلال المشاركات
واتمنى قريبا ان اسمع اراء وردود من أعضاء هيئة التدريس
وادارة الكلية عن الحلول المطروحة لحل هذه المشكلة
ا