و عليكم السلام ورحمة الله وبركاته
وحضرتك طيبة يا دكتورة
اللهم بلغنا رمضان
أيوة كده عايزين الناس تشارك كده ويبقى فيه حركة شوية بدل الركود اللى موجود ده
سبحان الله يا دكتورة shiny blue sky أنا أكتر حاجة بتخفف عنى زهق الاجازة هو نزول الصيدلية
يمكن مقتصرة على البيع والشراء بس انا بحب فيها التعامل مع الناس ولان انا غالبا بقف فى الصيدلية لوحدى وانا بجيب العلاج فلازم اتكلم مع اللى قدامى واقوله اى كلمتين على العلاج يحس بيها ان انا فاهم انا بعمل ايه عشان فى الاخر يقولى شكرًا يا دكتور
( امبارح واحد دخل قلى هات العلاج ده يا بشمهندس وهو ماشي قالى شكرًا يا دكتور
(مع العلم انى زعلت لما قالى بشمهندس بس تحسرًا وندمًا عشان كان نفسي اخشها )
ويمشي وهو مبسوط
و كمان بقابل جميع المستويات الاجتماعية وبعرف تفكير كل واحد واجيب لده ايه ومجيبش لده ايه واتعلم ازاى اتعامل مع كل انسان وبرده الواحد بيكتسب خبرة من الكلام اللى يسمعه من الناس
يمكن حضرتك فى القاهرة والشغل محتاج السرعة فى الاداء والمهاره فى الاتقان فمفيش وقت انك تتكلمى مع اللى قدامك أو تقوليله حاجة
الصيدلية مش مجرد بيع وشراء بس الصيدلية فى نظرى بتعتمد على مهارات التعامل الاجتماعي بتاع الفرد اللى فيها مع المريض اللى قدامه أولا ولازم ده يكون بان الواحد يكون عنده معلومات ولو بسيطة عن الدوا اللى بيصرفه ومش شرط اكون اخدت فارما عشان اعرف معلومات عن الدوا
بالنسبة بقى لحكاية البحث هو انا مش عارف نظام دكتور ممدوح معاكو ايه
هو زى ما حضرتك قلتى البحث المفروض عن ادوية معينة ده اللى دكتورة داليا رشاد عملته معانا وادتنى بحث عن diuretics
وبالتوفيق للجميع
وعايزين مزيد من المشاركات فى الساحة عشان محسش ان انا كلينكال الوحيد اللى فى المنتدى ده ( الناس بدات تيجي أهه )